Тәрбие ісі жөніндегі орынбасары Уақыты: 17-00
__________ Емешова А.Т. Кабинет: 102
«___» _________ 2011ж. Сыныбы: 3 «А»
Мұғалімі: Казыбаева С.Р.
Тақырыбы: «Сыпайылық еліне саяхат»
Мақсаты: оқушыларға адам бойында рухани байлақтың қымбат
екенін ұғындыра отырып, ұнамды, ұамсыз
қылықтарды ажырата білуге баулу. Оқушы бойына
әдеп әліппесін дарыта отырып, таным белсенділіктерін арттыру. Оқушыларды
адамгершілікке, сыпайылыққа, қарапайымдылыққа,
еңбексүйгіштікке тәрбиелеу;
Әдістері: ой қозғау, әңгімелеу, талдау-жинақтау, сұрақ-жауап,
көрнекілік, қызығушылығын ояту, топтастыру.
ТСО: теледидар, эпипроектор
Көрнекіліктері: тақырыпқа сай сюжетті суреттер, нақылсөздер,
үлестірме материялдар, т.б.
Барысы:
І. Ұйымдастыру кезеңі
а) Оқушылардың келген қонақтармен сәлемдестіру.
ә) Тәрбие сағатының мақсатын хабарлау.
ІІ. Мағынаны тану.
-
Мұғалімнің кіріспе сөзі.
-
Балалар, бүгін біз ғажайып елге саяхатқа шығамыз. Ол біздің картамызда жоқ. Бірақ өмір сүреді. Бұл елде адамдар тұра алады. Дегенмен, оның өзіне тән ережелері бар. Кім де кім оны бұзса, сол азаматтығынан айырылады. Ендеше, ойланып көрейік, сыпайылық елінің азаматтығын қалай алуға болады.
-
Сәлем – сөздің анасы.
«Сәлем беремін үлкенге» Ө.Ақыпбеков
Манас: Көшелерден біз өткен
Ата көрсем, жақын кеп,
Сәлем берем ізетпен,
Ассалаумағалейкум деп.
Алдан әже жолықса
Бөгелем де әдейілеп,
Сәлемдесем сол тұста,
Еменсіз бе, әжей! – деп.
Кім кезіксе көшеде
Таныс емес демеймін.
Аға, тәте, көкеге
Сәлеметсіз бе? – деймін.
-
Проблемалық жағдаяттар.
а) Мектеп коридорында үш мұғалім сөйлесіп тұрды. Ішінен оқушы өз ұстазын көрді. Өтіп бара жатып, «Сәлеметсіз бе, Айгүл апай!» - деп амандасты.
Оқушы қателігі...........
ә) Сен аулаға ролик тебуге шықтың, ал досыңның ролигі жоқ. Сенің әрекетің ................
б) Адаммен бірінші рет кездескенде, кім бірінші өзін таныстырып, амандасу керек?
Үлкен-кішіге, әйел адам ер адамға, басшы жұмысшысына
-
Сыйқырлы сөздер
Кез келген жағдайда әуелі бойға ашу шақырмай, сабырлы болған абзал. Сондайда қатты ашуды тарқататын сыйқырлы сөздеріміз бар. Олар қандай сөздер екен. Іздестіріп көрейік.
Асыл: Апаң сенің базардан,
Алма сатып әкелді,
Ең үлкенін, тәттітсін,
Саған таңдап әперді.
Не деп бары жеу керек?
Аружан: Әжең сенің түскі асқа,
Қант, кәмпит салды мол.
Жұрттан бұрын ыдысқа
Өз бетіңмен салдың қол.
Жөн еді не айтқаның?
Саядил: Балалар жүр көшеде
Естіледі шу-айқай.
Сен де шықтың көршіңді
Қағып кеттің байқамай
Мұндайда не деу керек?
Исламбек: Добын апар Назардың,
Деді ағаң, бармадың.
Тапжылмадың сазардың
Аға тілін алмадың
Сен қай сөзді айтпадың?
-
Сахналық қойылым.
-
Балалар, өмірде түрлі жағдайлар болады. Жақсылы-жаманды оқиғаларға куәгер болып, оған кішкентай болсақ та іштей талдау жасап, жақсылыққа ұмтылуға болады екен. Енді күнделікті өмірде осы сиқырлы сөздердің қалай қолданылып жүргенін бақылап, арнайы іс-сапарда болып қайтқан сыныптастарымызды қарсы алайық.
І-топ «Асханада» (дұрыс варианты теледидардан көрсетіледі).
ІІ-топ «Пошта бөлімінде» (оқушылар өздері сахналайды)
-
Енді сыныптастарың Темірлан Астанада болған еді. Ол жақта адамдардың сыйластығы қалай екен? Соны тыңдап көрелік.
-
Жақсы қасиеттер.
Тақпақтар. Абзал, Алина, Қалғанат, Айша, Абай, Жанарбек.
-
Жақсы істер жанында
3 қатарға сюжетті суретті таратылып, сол бойынша оқушылар ой өрбітеді.
а) Әжені жолдан өткізіп жіберу.
ә) Гүлге су құю.
б) Автобуста әжейге орын ұсыну.
-
Кішіпейілділік – кісілік белгісі.
Ой қозғау. Өздерің ерекше сыйлайтын адамдар туралы айт, оның қандай ісі, қасиеті сыйлауға лайықты деп ойлайсыңдар? (оқушылар пікірін тыңдау)
Тақпақтар: Асыл, Аружан, Валианна, Гаухар, Дастан.
ІІІ. Қорытынды.
-
Жақсыны бойға сіңіремін. Топтастыру әдісі.
Балалар ойы: Көрші, ата, аға, ана, әке, әже, мұғалім, дос, туыс-тума.
Мұғалім: Күн жарығын алақанға саламын
Жүрегіме басып ұстай аламын.
Ізгі әрі нәзік жарық, мейірімді
Болып кетер сонда дереу жан-жағым.
-
Қарап отырсақ, сыпайылық елінің азаматтығын алуға бола ма? Асықпай бақылайық. Әрі қарай сыныбымыздан осы азаматтық кімнің лайық екенін анықтайық. Бүгіннен бастап сыныбымызда сыпайы, мәдениетті балалар көбейеді деп сенемін. Себебі, ондай адамдар қоғамның баға жетпес мәртебесі.
Оқушылар: Жақсылықты үйреніп,
Боламыз біз жақсы адам
Жамандықтан жиреніп
Үлгі аламыз жақсыдан