1. Як зараз успамінаецца, мяне заўсёды прыцягвала прыгодніцкая літаратура. Пачалося ўсё з кнігі Я. Маўра "Палескія рабінзоны", а затым пайшлі "Кортик" і "Бронзовая птица" А. Рыбакова, Робинзон Крузо" Дэфо, усе творы Ж

1. Як зараз успамінаецца, мяне заўсёды прыцягвала прыгодніцкая літаратура. Пачалося ўсё з кнігі Я. Маўра "Палескія рабінзоны", а затым пайшлі "Кортик" і "Бронзовая птица" А. Рыбакова, Робинзон Крузо" Дэфо, усе творы Ж. Верна, А. Дзюма. Пазней адкрыла для сябе Уілкі Коллінза, І. Яфрэмава і інш. Цікавіла мяне і літаратура аб падарожжах: з асалодай чытала "По Уссурийскому краю", "Дерсу Узала", "В горах Сихотэ-Алиня" У. Арсеньева і творы іншых аўтараў. У юнацтве прыйшло захапленне паэзіяй: С. Ясенін, А. Блок, М. Лермантаў, Ю. Друніна, Я. Еўтушэнка, Г. Ахматава, Ю. Морыц, Р. Гамзатаў, А. Хайям, М. Багдановіч, М. Танк, У. Караткевіч, Р. Барадулін, Я. Сіпакоў, Я. Янішчыц і інш. За жыццё прачытана многа ўсяго, пералічу любімых аўтараў: Э. Хемінгуэй, Э. Рэмарк, Ж. Санд, А. Прыстаўкін, А. Астаф'еў, У. Дудзінцаў, К. Дойл, А. КрысцІ, Ж. Сімянон, Д. Чэйз, І. Хмялеўская, В. Быкаў, І. Мележ, У. Караткевіч, А. Федарэнка і яшчэ багата хто. 2. Можа на сёння і дзіўна, але калісьці на фарміраванне мяне як асобы мелі ўплыў і П. Карчагін, і У. Громава, і нейкім не зусім асэнсаваным чынам увесь раман Ю. Лермантава "Герой нашего времени".

3.Сёння па-ранейшаму цікаўлюся паэзіяй. З прозы перавагу аддаю гістарычнай, нават дакументальнай, літаратуры: "Памяць пра легенды" К. Тарасава, "Беларуская дзяржава Вялікае Княства Літоўскае" М. Ермаловіча, "Вандроўкі па маіх былых ваколіцах" У. Сыракомлі, "Гісторыя Беларусі" Доўнар-Запольскага, "Купала і Колас: вы нас гадавалі" Л. Рублеўскай і В.Скалабана, нататкі Т. Шамякінай, "Люди, как звёзды" А. Казакевіча, "Славяне" М. Гімбутас, "Сатанизм для интеллигенции" А. Кураева, "99 имён серебряного века" Ю. Безелянскага і г. д.

4. Думаю, што кніга не знікне: усё ж такі віртуальнае ёсць віртуальнае. Нават не ўяўляю, як можна абысціся без адчувальнага цяпла рэальнай кнігі.