2010 жылдың 9 айында

атқарылған жұмыстар
«Зайсан қала әкімі аппараты» ММ-сі 2010 жылдың 9 айында белгіленген жоспарларға сәйкес біршама жұмыстар атқарды. Атап айтқанда:

Қаланы көркейту, көгалдандыру жұмыстарына 4700 мың тенге бөлініп, көшелерге баннерлер ілініп, қаланың кіре берісіне қақпа жасалды. Тоғай бордюрлерді ағартуға, шырша әкелініп отырғызуға, арықтарды тазалауға, көпірлер орнатуға, мерекелік іс шараларға жұмсалды. Катонқарағай ауданынан 700 түп шырша ағаштары әкелініп орталық стадионға, мектептердің, аудандық әкімшіліктің, орталық алаңға отырғызылды.

Санитарлық тазалық жұмыстарына 5240 мың тенге бөлініп орталықтандырылған күл-қоқыс төгетін жер қалпына келтіріліп, 6000м³ мөлшерінде ұйымдастырылмаған күл-қоқыс шығарылды.

Жергілікті бюджеттен қаланың екі көшесін, яғни Торайғыров және Ноғайбай көшелерін жарықтандыруға байланысты 4935 мың тенге қаржы бөлінді. Бөлінген қаржы толығымен игерілді. Бұл жұмысты «Мемлекеттік сатып алу» туралы Заңына сәйкес жеңімпаз болып танылған Семей қаласының «Семстройэлектро-2005» ЖШС мекемесі атқарды. 2010 жылы «Жол картасы» бағдарламасына сәйкес Абай, Айманова, Молдағұлова, Керімбаева, Гагарина, Бөгенбай көшелеріне ағымдағы жөндеу жұмыстары жүргізіліп, оның ішінде 2 көшеге атап айтқанда Бөгенбай, Керімбаев көшелерін жарықтандырылды. Барлығы Республикалық бюджеттен – 7468 мың тенге, жергілікті бюджеттен – 3729 мың тенге бөлініп қаржы толығымен игерілді.

Көктем айларында тасқынның алдын алуға байланысты Зайсан қаласының шет жақтарынан, атап айтсақ, Заречное мөлтек ауданында, Сауыр мөлтек аудандарында және Жеменей өзенінің бойына дамбылар салынып, төтенше жағдайларға қарсы бөлінген 40214,100 мың тенгенің қаржысы игерілді.

Аэропортқа баратын жолдың екі жағына скверлер жасалып, қоршалып, 1200 түп қарағаш тоғайы, 340 түп шырша отырғызылып, су құйылды.

Әр жұма сайын қалада сенбіліктер өтіп, көшелер тазалануда. Әлі де өткізіледі.