Астана ақшамы. – 2011. - № 109. – 24 қыркүйек
Өкешқызы Г.
Миллиондар мүддесін көздеген міндеттер
Бүгінгі таңда еліміздің барлық өңірлерінде Қазақстан Республикасының Президенті Нұрсұлтан Назарбаевтың биылғы «Болашақтың іргесін бірге қалаймыз!» атты Жолдауының басты бағыттарын түсіндіру бойынша республикалық ақпараттық-насихаттау тобының отырыстары жүргізіліп жатыр. Осыған орай Астана қаласының Сарыарқа ауданында ұйымдастырылған алғашқы жиын «Каздорпроект» ЖШС-нің ғимаратында өтті.
Сарыарқалықтар алдымен республикалық ақпараттық-насихат тобының Астана қаласы бойынша жетекшісі, Қазақстан Республикасы Еңбек және халықты әлеуметтік қорғау министрі Гүлшара Әбдіқалықовамен кездесті.
Жолдау жүктеген міндеттерді талқылауға арналып өткізілген жиын барысында министр елімізде жүргізіліп жатқан жұмыстардың барлығы «халықтың әл-ауқатын нығайтуға, елдің миллиондаған қарапайым адам-дарының күнбе-күнгі мәселелерін шешуге» бағытталып отырғанын жеткізе келе, «2010 жылы еліміздегі бюджеттік сала қызметкерлерінің еңбек ақылары 25 пайызға ұлғайтылса, үстіміздегі жылдын басынан зейнетақылардың көлемі және 1 шілдеден бастап бюджеттік сала қызметкерлерінің еңбек ақылары 30 пайызға өсті. Осы мақсатта мемлекеттік бюджеттен 275 млрд тенге қаржы бөлінді» деді.
Жалпы, Астана қаласы бойынша бүгінгі танда 48 мың зейнеткер тіркелсе, биылғы жылдан бастап олардын орташа зейнетақы көлемі 2,6 пайыз өсіп отыр. Базалық зейнетақының көлемін өсіру мақсатында бюджеттен 741 млрд тенге белінген. Ал, зейнеткерлердің орташа зейнетақы көлеміне келсек, Астана қаласы бойынша бұл көрсеткіш 24 мың теңгені құраса, орташа зейнетақы көлемақының көлемі 58 мың теңгеден жоғары болып отыр.
Өткен жылы республика мүғалімдерінің орташа жалақысы 51 мың 903 тенге болған, биылғы жылы ол 67 мыңнан асып отыр. Сондай-ак, қыркүйек айынан бастап барлық деңгейдегі оқытушыларға біліктілік санаттарына байланысты қосымша төлемақы төленуде. Г.Әбдіқалықова осы атқарылып жатқан шаралардың басты мақсаты, бюджеттік сала қызметкерлерін ынталандыру және олардың қоғамдағы белсенділігін арттырумен байланысты болып отырғанын түсіндірді.
Сонымен бірге, Астанада мүгедектігіне байланысты және асыраушысынан айрылғандығы жөніңде уақыттылы төлемақы алып тұратын 17 мыңнан астам адам бар. Жыл өткен сайын олардың төлемақылары да көбейіп келеді.
Бұдан кейін республикалық ақпараттық-насихат тобының Астана қаласы бойынша жетекшісі Өндіріс кентінің тұрғындарымен кездесіп, жиналғандарды толғандырған көптеген сұрақтарға жауап берді.
С.Сейфуллин атындағы Қазақ агротехникалық университетінің мәжіліс залыңда өткен кездесуге Қазақстан Республикасы Денсаулық сақтау министрлігінің Медициналық және фармацевтикалық қызметін бақылау комитеті төрағасының орынбасары Лариса Пак, аталмыш жоғары оқу орны басқарма төрағасының бірінші орынбасары Айтжан Әбдіров қатысты.
Елімізде медицинаның ең бір күрделі бағыттары бойынша операциялар жасалып, оларды ірі қалаларда ғана емес, тіпті облыс орталықтарында да жасауға қол жеткенін айтып өткен комитет төрағасының орынбасары Қазақстанның бүгіңде зор нәтижелерге қол жеткізіп, күллі әлемге танылуын елімізде орын алған бірлікпен, ынтымақтастықпен байланыстырды.