МЕКТЕП БАСШЫЛАРЫНА!

Қалалық жас туристер стансасында 2012 жылдың 20-21 қазан күні сағат 09.00-де мұғалімдер күніне арналған қала мектептерінің білім саласы қызметкерлері арасындағы қалалық туриада өтеді.

Мекен жайымыз: Жанқожа батыр көшесі 62, тел: 90-80-32, 90-79-19.

Ақтөбе қаласының білім бөлімі бойынша
Б Ұ Й Р Ы Қ
Ақтөбе қаласы № 703 «09» қазан 2012 жыл


Қалалық байқау өткізу туралы
Ақтөбе қаласының білім бөлімінің Үйлестіру жоспарына, «Қазанғап атындағы балалар өнер мектебінің» 2012-2013 оқу жылына арналған жылдық жоспарына және қала мектептерінің оқушылары арасында өткізілетін жас күйшілер мен суретшілер байқауының Ережесіне сәйкес
Б Ұ Й Ы Р А М Ы Н:

1. 
   2012 жылдың 27 қазанында қала мектептерінің оқушылары арасында қалалық жас күйшілер мен суретшілер байқауы өткізілсін.
   
2. 
   Байқауды ұйымдастырып өткізу Қазанғап атындағы балалар өнер мектебінің директоры С.Аймағамбетоваға жүктелсін.
   
3. 
   Мектеп директорларына: оқушылардың байқауға қатысуын қамтамасыз ету және оқушылардың жола жүру өмір қауіпсіздігі жүктеледі.
   
4. 
   Байқауды өткізу кезінде техника қауіпсіздігін сақтау мен ұйымдастыру Қазанғап атындағы балалар өнер мектебінің директоры С.Аймағамбетоваға жүктелсін.
   
5. 
   Осы бұйрықтың орындалуын бақылау Ақтөбе қаласының білім бөлімі бастығының орынбасары Р.Тастанбаеваға жүктелсін.
   

Ақтөбе қаласының

білім бөлімі бастығы /қол қойылды/ Л.Уразбаева

Орынд.: Имангалиев Қ.С.

тел.: 21 40 96

2012-2013 оқу жылында Қазанғап атындағы балалар өнер мектебінде өтетін қалалық «Күй құдіреті» атты Құрманғазы Сағырбайұлының 194 жылдық мерейтойына арналған

жас күйшілер мен суретшілер байқауының

ЕРЕЖЕСІ
Құрманғазы Сағырбайұлының асқақ шығармашылығын дәріптеп, насихаттау мақсатында Қазанғап атындағы балалар өнер мектебі «Күй құдіреті» атты жас күйшілер мен суретшілер байқауын өткізілетінін жариялайды. Байқауға қаладағы қосымша білім беретін мекемелердің оқушылары қатыса алады.

Байқау 2012 жылдың қазан айының 27-ші жұлдызында сағат 9:00-14:00 дейін Қазанғап атындағы балалр өнер мектебінде өткізіледі.

Байқаудың мақсаты

• 
  балалардың өз Отанына деген сүйіспеншілігін арттыру, ұлттық мәдениетті құрметтеуге тәрбиелеу.
  
• 
  балалардың бойында музыкалық-эстетикалық тәрбиені жетілдіру, олардың орындаушылық мәдениетімен кәсіби шеберлігін арттыруға ықпал ету.
  
• 
  мектеп жасындағы мекемелердегі өнерге қабілетті дарынды балаларды анықтау.
  

Байқауды өткізу шарттары.

Байқау төмендегі номинациялар бойынша өтеді:

1.ұлттық аспапта ойнау(домбыра)

- орта топ - 10-13 жас,

- жоғары топ - 14-17 жас.

Әр мектептен қатысушылар саны 4 адамнан (әр жас категориясынан екі оқушы) артық болмау керек.

2.бейнелеу өнері

- орта топ - 10-13 жас,

- жоғары топ - 14 -17 жас.

Әр мектептен екі жетекші (бір жетекшіден-әр жас категориясы бойынша екі оқушы) 8 оқушы жұмысын ұсына алады.

«Ұлттық аспапта ойнау» номинациясына қатысушылар

• 
  Құрманғазының бір күйі.
  
• 
  өз қалауы бойынша бір күй.
  

Шығармаларды орындау уақыты 5-8 минут.

«Бейнелеу өнері» номинациясы 2–кезеңнен тұрады. Екінші кезеңге іріктелген оқушылар өтеді.

Қатысушылар I-кезеңде

• 
  «Көк тудың желбірегені—Қазақтың асқақ беделі!» тақырыбындағы жұмыстарын өз қалауындағы техникамен (акварель, гуашь, тушь, түрлі-түсті карандаштар, қаламұштармен) А-3 форматында орындап қазан айының 20-шы жұлдызына дейін тапсырады.
  

Іріктелген қатысушылар II-кезеңде

• 
  арнайы конкурстық тапсырманы графика техникасында орындауы тиіс Жұмыстар міндетті түрде паспартумен безендіріледі, алайда жұмыстың композициясы бұзылмаған болу қажет және автордың аты-жөні, туған жылы, мектебі, класы.жетекшісінің аты-жөні жазылуы тиіс.
  

Байқауды қорытындылау.

Қазылар алқасының құрамында жоғарғы білікті мамандар жұмыс жасайды. Байқауды бағалау 5 баллдық жүйемен және келесі талаптарды ескере отырып жүргізіледі:

1.ұлттық аспапта ойнау(домбыра) 2.бейнелеу өнері

• 
  дыбыс тазалығы - ұқыптылық
  
• 
  орындаушылық деңгейі - орындаушылық шеберлік
  
• 
  әртістік қабілеті - тапсырылған тақырыпты сақтау
  
• 
  сахна мәдениеті - шығармашылық қабілеті
  

Жеңімпаздарды марапаттау.

Төмендегідей жүлделер тағайындалады:

- Бас жүлде-Гран-при иегері (байқау номинациясы бойынша )

- І дәрежелі лауреат дипломы (әрбір номинация және жас деңгейіне орай)

- ІІ дәрежелі лауреат дипломы (әрбір номинация және жас деңгейіне орай)

- ІІІ дәрежелі лауреат дипломы (әрбір номинация және жас деңгейіне орай)

- Байқауда ерекше өнер көрсеткен сайыскерлерге Алғыс хаттар беріледі.
Байқауға қатысушы үміткерлер өтінішін ұйымдастыру алқасына қазан айының 20 жұлдызына дейін жіберу тиіс

Өтініш түрі

№	Қатысушы оқушының аты-жөні	мектебі	Туған жылы	Байқау номинациясы	Жасына қарай тобы	Орындалатын шығарма. Жұмысының атауы және техникасы
1
2

Оқытушының аты-жөні: __________________________________________

Байланыс телефоны:______________________________________________
Өтініштер келесі мекен-жай бойынша қабылданады:Ақтөбе қаласы, 101 Атқыштар дивизиясы 10А МКҚК «Қазанғап атындағы балалар өнер мектебі»

Тел(факс): 8(7132) 52 35 61, 95 39 57