№ 102 н/қ

«Қазақстан Республикасындағы баланың құқықтары туралы» Қазақстан Республикасының 2002 жылғы 8 тамыздағы Заңының 7-бабы 1-тармағының 8) тармақшасына және «Қазақстан Республикасындағы мемлекеттiк бақылау және қадағалау туралы» Қазақстан Республикасының 2011 жылғы 6 қаңтардағы Заңы 14-бабының 1-тармағына сәйкес БҰЙЫРАМЫЗ:

1. Қоса беріліп отырған баланың құқықтарын қорғау саласындағы жеке кәсіпкерлік аясындағы тексерілетін субъектілерді тексеру мәселелері жөніндегі міндетті ведомстволық есептіліктің нысаны бекітілсін.

2. «Білім беруді басқару органдары мен жетім балалар мен ата-анасының қамқорлығынсыз қалған балаларға арналған ұйымдарды тексеру бойынша міндетті ведомстволық статистикалық есеп беру нысанын бекіту туралы» Қазақстан Республикасы Білім және ғылым министрінің 2010 жылғы 5 наурыздағы №102, Қазақстан Республикасы Экономика және бюджеттік жоспарлау министрінің 2010 жылғы 11 наурыздағы №130 және Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті төрағасының 2010 жылғы 17 наурыздағы №58 н/қ бірлескен бұйрығы жойылсын.

3. Қазақстан Республикасы Білім және ғылым министрлігінің Балалардың құқықтарын қорғау комитеті (Р.П. Шер):

1) осы бірлескен бұйрықтың Қазақстан Республикасы Білім және ғылым министрлігінің интернет-ресурсында жариялануын қамтамасыз етсін;

2) осы бірлескен бұйрықты Балалардың құқықтарын қорғау комитетінің құрылымдық бөлімшелері мен өңірлік органдарының, облыстардың, Астана, Алматы қалалары білім басқармаларының назарына жеткізсін;

3) ай сайын, есептік кезеңнен кейінгі айдың 10-күніне және есептік жылдан кейінгі жылдың 20 қаңтарына қарай жүргізілген тексерулер және олардың қорытындылары туралы ведомстволық есептіліктің жиынтық, сондай-ақ облыстардың, Алматы және Астана қалаларының бөлінісіндегі деректерін Қазақстан Республикасы Білім және ғылым министрлігінің интернет-ресурсында жарияласын.

4. Осы бірлескен бұйрықтың орындалуын бақылау Қазақстан Республикасының Білім және ғылым вице-министрі М.Н. Сарыбековке жүктелсін.

5. Осы бірлескен бұйрық мемлекеттік органның бірі неғұрлым кеш қол қойған күнінен бастап қолданысқа енгізіледі.