Қазақстан Республикасы Статистика агенттігі Оңтүстік Қазақстан облысының Cтатистика департаменті
Баспасөз-хабарламасы		№103 2013 жылғы 29 мамыр

2012 жылы өткізілген ауыл шаруашылығы өнімдерін өткізудің пайдалылық деңгейі 37,3%-ды, одан өсімдік шаруашылығының өнімі – 39,7%-ды, мал шаруашылығы – 17,2%-ды құрады. Өсімдік шаруашылығының негізгі түрлері бойынша дәнді және бұршақты дақылдар (пайдалылық деңгейі – 33,6%), картоп (51,8%), көкөніс (46,7%), бақша дақылдары (55,7%) және жүзім (40,4%) сияқты өнімдер табысты болып, ал қант қызылшасы (- 4,9%) залалды болды.

Мал шаруашылығының өнімдерінен ірі қара малдың еті (пайдалылық деңгейі – 10,3%), қой мен ешкі еті – 16,2%, жылқы еті – 23,2% және жұмыртқа 51,5% өткізу тиімді болып шықты, ал шошқа етін – 0,8%, жүн – 1,0% және қаракөл – 5,1% өнімдерін өткізу залалды болып отыр.

Облыстың ауыл шаруашылығы кәсіпорындары өсімдік шаруашылығы өнімдерін өткізуден 1105,8 млн. теңге (пайдалылық деңгейі 16,5%), ал мал шаруашылығы өнімдерін өткізуден 701,4 млн. теңге табыс алды (15,9%). Шаруа немесе фермер қожалықтары өсімдік шаруашылығы өнімдерін өткізуден – 23165,7 млн. теңге (42,6%), ал мал шаруашылығынан – 548,6 млн. теңге (19,1%) табыс алды.

2012 жылы Арыс қ.ә. басқа барлық өңірлердің ауыл шаруашылығы құралымдары өсімдік шаруашылығы өнімдерін табыспен өткізді. Ең үлкен табыс Мақтаарал (6582,8 млн. теңге, пайдалылық деңгейі 27,4%), Сарыағаш (тиісінше 4367,7 млн. теңге, 71,0%), Шардара аудан-дарының (3524,6 млн. теңге, 62,5%) және Түркістан қ.ә. (2417,9 млн. теңге, 50,4%) ауыл шаруашылығы құралымдарына тиесілі.

Сондай-ақ, барлық өңірлердің ауыл шаруашылығы құралымдары Шымкент, Кентау қ.ә. және Қазығұрт аудандарынан басқа мал шаруашылығы өнімдерін табыспен өткізді. Ең үлкен табыс Сайрам (534,0 млн. теңге, пайдалылық деңгейі 22,9%), Ордабасы (тиісінше 163,0 млн. теңге, 6,6%), Шардара аудандары (129,9 млн. теңге, 34,1%) және Түркістан қ.ә. (121,5 млн. теңге, 37,5%) ауыл шаруашылығы құралымдарына тиесілі.