Жоба
«Әлеуметтік педагогика және өзін-өзі тану» мамандығы бойынша екінші курс студенттері арасында «Өзін-өзі тану» пәні бойынша республикалық олимпиаданы өткiзу туралы ереже

1. 
   Жалпы ереже
   

1. 
   Осы ереже «Білім туралы» Қазақстан Республикасының 2007 жылғы 27 шілдедегі № 319-ІІІ Заңының, Қазақстан Республикасы Президентінің 2010 жылғы 7 желтоқсандағы № 1118 Жарлығымен бекітілген «Қазақстан Республикасында білім беруді дамытудың 2011-2020 жылдарға арналған мемлекеттік бағдарламасының» негізінде және Қазақстан Республикасының басқа да нормативтік құқықтық актілеріне сәйкес әзірленген.
   
2. 
   «Әлеуметтік педагогика және өзін-өзі тану» мамандығы бойынша екінші курс студенттері арасында «Өзін-өзі тану» пәні бойынша республикалық олимпиада (бұдан әрі – Республикалық олимпиада) теориялық және практикалық турлардан тұрады.
   
3. 
   Олимпиаданы өткізудің негізгі мақсаттары:
   

1. 
   «Өзін-өзі тану» адамгершілік-рухани білім беру бағдарламасы бойынша теориялық және практикалық білімдері бар дарынды студент жастарды анықтау;
   
2. 
   студенттердің адамгершілік-рухани білім беру саласындағы ғылыми-зерттеу жұмыстарына деген қызығушылықтарын арттыру.
   

4. 
   Олимпиаданы өткізудің негізгі бағыттары – өзін-өзі тану, өзін-өзі танудың тарихы.
   
5. 
   Республикалық олимпиада аталған бұйрықпен бекітілген ереже негізінде жүргізіледі.
   
6. 
   Алқа құрамына адамгершілік-рухани білім беру саласындағы мамандар, жоғары оқу орындарының жетекші ғалымдары, практикалық қызметкерлер енеді. Қазылар алқасы мынадай функцияларды орындайды:
   

1. 
   тапсырмалардың мазмұны мен конкурсты бағалау өлшемдерін бекітеді;
   
2. 
   әзірленген әдістеме мен өлшемдерге сәйкес командалық конкурстар мен конкурсқа қатысушыларды бағалайды;
   
3. 
   Республикалық олимпиадаға қатысущылардың жұмысына талдау жасайды.
   
4. 
   жеңімпаздарды анықтайды.
   

2. 
   Республикалық олимпиаданы ұйымдастыру және өткізу
   

7. 
   Олимпиада 2013 жылдың наурыз айында 2 кезеңде өтеді:
   

1. 
   бірінші кезең – жоғары оқу орындарының ішінде
   
2. 
   екінші кезең - Павлодар мемлекеттік педагогикалық институтының базасында 2013 жылғы 27-28 наурызда өтеді.
   

8. 
   Бірінші кезең (білім беру мекемелері деңгейінде) «Әлеуметтік педагогика және өзін-өзі тану» мамандығы бойынша оқитын екінші курс студенттері арасында оқу орындарында өткізіледі. Келесі кезеңге қатысуға команда құрылады (3 адам).
   
9. 
   Студенттерді Республикалық олимпиаданың екінші кезеңіне қатысу үшін ұсынуда жоғары оқу орны базалық жоғары оқу орнына Республикалық олимпиадаға қатысуға өтінім жолдайды (тіркеу карточкасы).
   
10. 
    Республикалық олимпиаданың екінші кезеңі екі турда өтеді.
    

Бірінші тур 2013 жылғы 10 наурызға дейін: шығармашылық, үй тапсырмасы.

«Әуестікті іздеуде» шығармашылық эссесі.

Конкурстың мақсаты: шығармашылық нысанда адамгершілік-рухани білім беру проблемаларының тұтас көрінуін анықтау.

Жұмыс электрондық пошта ([email protected]) арқылы жіберіледі.

Жұмыс қөлемі 4 бетке дейін. Мәтін баспа түрінде А4 форматты ақ қағаздың бір жағында, Times New Roman 14 шрифтімен теріледі, интервал - 1,0, абзац үстінен, астынан, сол жағынан – 2,5 см, оң жағынан – 1,5 см.

Эссенің ең жоғары балл көлемі 10 балды құрайды.

Келесі турға қатысу үшін жұмыстың қағаз нұсқасы Республикалық олимпиаданың ұйымдастыру комитетіне тапсырылады.

Бағалау өлшемдері:

1. 
   эссе мазмұнының конкурстың тақырыбына сәйкестік дәрежесі;
   
2. 
   эссе мазмұны құрылымының қисындылығы және тұтастығы;
   
3. 
   эссені ұсыну нысанының тұпнұсқалығы.
   

Екінші тур – теориялық және жобалық, базалық жоғары оқу орнында 2013 жылғы 27 наурызда өткізіледі.

Теориялық – жеке компьютерлік тестілеу (өзін-өзі тану тарихы және теориясы сұрақтары бойынша). Аталған конкурста ең жоғары балл - 25.

Жобалау – «Өзін-өзі тану – Махаббат және Шығармашылық педагогикасы» педагогикалық жобасын қорғау (командалық сынақ) 10 минут.

Бағалау критерийлері:

1. 
   жоба мазмұнының конкурстың тақырыбына сәйкестік дәрежесі;
   
2. 
   адамгершілік-рухани білім беру идеясы проблемасының, маңыздылығының өзіктілігін негіздеу;
   
3. 
   ұсынылған жобаның теориялық негіздеуінің тұтастығы және сөз сөйлеу мазмұнын құру қисындылығы, конструктивті-ұйымдастырушылық және коммуникативтік іскерлігі;
   
4. 
   жобаны ұсыну нысанының тұпнұсқалығы.
   
5. 
   сөз сөйлеу мазмұнының үйлесімділігі, музыкалық және көркемдік ресімделуі;
   
6. 
   орындаушылық мәдениеті;
   
7. 
   регламентті сақтау;
   
8. 
   таныстыру мәдениеті.
   

Команданы таныстыру (командалық сынақ) 7 минут: «Өзін-өзі тану біздің өмірде» атты таныстыру рәсімін өткізу.

Жарияланған тақырып контексінде команда қатысушылары кәсіпті таңдау туралы бейнефильм немесе таныстыру ұсынады. Ұсынулар нәтижесі бойынша командаларға номинациялар беріледі.

3. 
   Қорытындылау және Республикалық олимпиада
   

қатысушыларын марапаттау

1. 
   Қазылар алқасы әр тур өткеннен кейін кезең-кезеңмен Республикалық олимпиаданың қорытындысын жасайды.
   
2. 
   Ең жоғары балл жинаған команда олимпиаданың жеңімпазы болып саналады.
   
3. 
   Мынадай жүлделі орындар саны белгіленеді:
   

1. 
   командалық сынақта бірінші орын – біреу, екінші орын – екеу, үшінші орын – үшеу;
   
2. 
   жеке сынақта – номинациялар.
   

4. 
   І, ІІ, ІІІ орындарға ие болған қатысушылар бірінші, екінші және үшінші дәрежелі дипломдармен және естелік сыйлықтармен марапатталады.
   
5. 
   Жүлделі орынға ие болмаған қатысушы командаларға Республикалық олимпиадаға қатысқанын растайтын дипломдар беріледі.