Қазақстан Республикасы «Халықты жұмыспен қамту туралы» Заңының 14 бабына сәйкес мемлекет жұмыссыздықтан әлеуметтiк қорғаудың мынадай түрлерiн көрсетедi:
ҚОҒАМДЫҚ ЖҰМЫСТАР
Қоғамдық жұмыстар – жергiлiктi атқарушы органдар ұйымдастыратын, қызметкердiң алдын ала кәсiптiк даярлаудан өтуiн талап етпейтiн, әлеуметтiк пайдалы бағыттағы және Қазақстан Республикасы азаматтарының уақытша жұмыспен қамтылуын қамтамасыз ету үшiн уәкiлеттi органның жолдамасы бойынша олар орындайтын еңбек қызметiнiң түрлерi.

Алматы қаласы әкімдігінің қаулысымен қоғамдық жұмысқа жіберілген жұмыссыздардың еңбекақысы айлық төменгі жалақының 2 есе мөлшерінде белгіленген.

         1) қоғамдық жұмыстар жұмыссыз азаматтарға арналған;

      2) қоғамдық жұмыстар жұмыс орындарының саны iс жүзiнде шектелмейдi, жұмыс уақытша сипатта болады және оларды ұйымдастыру үшiн тұрақты жұмыс орындары мен бос қызмет орындарын пайдалануға болмайды;

3) жұмысты толық емес жұмыс күнi жағдайында және икемдi график бойынша ұйымдастыру мүмкiндiгi болады;

4) аймақ үшiн экономикалық, әлеуметтiк және экологиялық пайдасы болады;

5) арнаулы бiлiмi жоқ адамдардың уақытша жұмысқа орналасуына мүмкiндiк бередi.

Қоғамдық жұмыстарға жолдама алу үшін тұрақты мекен жайы бойынша Басқарманың аудандық жұмыспен қамту және әлеуметтік бағдарламалар бөлімдеріне өтініш берулері қажет:

• 
  Ататау ауданы: Шаңырақ-2 ықшамауданы, Жангожа батыр к-сі,26, т. 299-87-79,
  
• 
  Алмалы ауданы: Шевченко к-сі,89 т.261-05-82,
  
• 
  Әуезов ауданы: 3 ықшамаудан,41 үй т.276-50-56,
  
• 
  Бостандық ауданы: Жандосов к-сі, 2 т.392-22-68,
  
• 
  Жетісу ауданы: Мақатаев к-сі,142 т.279-64-92,
  
• 
  Медеу ауданы: Төле би к-сі,12 т.291-62-18,
  
• 
  Түрксіб ауданы: Р.Зорге к-сі,18 т.235-04-05.
  

Есепке тұруға қажетті құжаттар: жеке куәлік, Халыққа қызмет көрсету орталығынан тұрақты мекен жайы туралы анықтама, ӘЖК (СИК), СТН (РНН) және еңбек қызметін, кәсіби біліктілігін, бiлiмiн растайтын құжаттар.