«Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңының 14 бабына және Қазақстан Республикасының 2007 жылғы 9 қаңтардағы Экологиялық кодексiнiң 17-бабы 38) тармақшасына сәйкес БҰЙЫРАМЫЗ:

1. Қоса беріліп отырған Қоршаған ортаны қорғау, табиғи ресурстарды молықтыру және пайдалану саласы бойынша жеке кәсіпкерлік саласындағы тексерілетін субъектілерді тексеру мәселелері жөніндегі міндетті ведомстволық есеп беру нысаны бекітілсін.

2. Қазақстан Республикасы Қоршаған ортаны қорғау министрлігінің Экологиялық реттеу және бақылау комитеті (С. Мұташев):

1) осы бірлескен бұйрықты Қазақстан Республикасының заңнамаларында белгіленген тәртіппен ресми жариялауды және Қазақстан Республикасы Қоршаған ортаны қорғау министрлігінің ресми интернет-ресурсында орналастыруды;

2) осы бірлескен бұйрықты Қазақстан Республикасы Қоршаған ортаны қорғау министрлігі Экологиялық реттеу және бақылау комитетінің аумақтық бөлімшелерінің назарына жеткізуді;

3) ай сайын есепті келесі есеп айының 10-ында және келесі есеп жылының 20 қаңтарына өткізілген тексерулер мен оның нәтижелері туралы ведомстволық есептің жинақ деректерін, сондай-ақ, облыстар мен Астана, Алматы қалалары бойынша да Қазақстан Республикасы Қоршаған ортаны қорғау министрлігінің ресми интернет-ресурсында жариялануды қамтамасыз етсін.

3. «Қоршаған ортаны қорғау саласындағы тексерулер жөніндегі міндетті ведомстволық статистикалық есептілік нысанын бекіту туралы» Қазақстан Республикасының Қоршаған ортаны қорғау министрлігінің 2010 жылғы 23 ақпандағы № 46-ө, Қазақстан Республикасының Экономика және бюджеттік жоспарлау министрінің 2010 жылғы 25 ақпандағы № 105, Қазақстан Республикасының Бас прокуратурасының Құқықтық статистика және арнайы есепке алу жөніндегі комитетінің 2010 жылғы 26 ақпандағы № 40 н/қ бірлескен бұйрық жойылсын.

Қазақстан Республикасы

бірлескен бұйрығымен бекітілген