Оқу пәндеріне тіркеу және қайта тіркеу тәртібі

Оқу пәндеріне тіркеу және қайта тіркеу тәртібі

Магистранттардың пәндерді меңгеруге тіркелуі Жоғары оқу орнынан кейінгі білім басқармасымен ұйымдастырылады.
Ғылыми-педагогикалық бағыттағы 1 курс магистранттарын келесі оқу жылындағы 2 курс пәндерін меңгеруге тіркеу 1 сәуірден 15 сәуірге дейінгі кезеңде жүзеге асырылады.
Бірінші курсқа қабылданған студенттер қабылданғаннан кейін апталық мерзімде таңдаған пәндеріне тіркелуі керек.
Тіркеу кезінде пәнді таңдау магистранттың перереквизит пәндерді меңгеруі есебімен өткізіледі.
Оқу пәндеріне жазу барысында таңдалған оқу пәндерінің тізімі мен кредиттер немесе академиялық сағаттар саны кіретін студенттің жеке оқу жоспары қалыптастырылады..
Екінші курс магистрантының жеке оқу жоспарына оқу жылы басталғанға дейін белгіленген мерзімде магистранттың жазба анегізделген тапсырысы негізінде жалпы кредиттер санының 10%-нан көп емес мөлшерде өзгерістер енгізілуі мүмкін.
Тіркеу қорытындылары бойынша Жоғары оқу орнынан кейінгі білім басқармасы академиялық лектер және/немесе топтар қалыптастырады.
Академиялық лекте және/немесе топта білім алушылар саны әрбір нақты пәннің тиімділігі есебінен белгіленеді.
Егер оқытушыға жазылғандар саны максималды белгіленген нормадан асып кетсе, білім алушылар бірнеше академиялық лектерге бөліне алады. Бұл жағдайда деканат қосымша тиісті біліктілігі бар оқытушыларды тағайындайды.
Келесі курсқа көшірілген және Жоғары оқу орнынан кейінгі білім басқармасына белгіленген мерзімде жеке оқу жоспарын ұсынбаған магистрант аталған курстың жұмыс оқу жоспары бойынша білім алады.
Магистранттардың жеке оқу жоспарлары жазбалар мен барлық түзетулер енгізіліп болғаннан кейін факультет деканымен бекітіледі.
Магистрант оқу пәндерін бекітілген жеке оқу жоспарына қатаң сәйкестікте меңгереді.
Магистранттардың жеке оқу жоспарлары және пәндерге тіркелу нәтижелері негізінде кафедралар педагогикалық жүктеме сағаттарын есептеуді жүзеге асырады және жұмыс оқу жоспарларын құрады.
Егер магистранттардың минималды белгіленген санынан азы жазылған болса, пән жұмыс оқу жоспарына енгізілмейді. Аталған пәнге жазылған магистранттар деканат тарапынан қайта тіркелу тәртібі мен мерзімдері және жеке оқу жоспарын өзгерту туралы хабардар етілуі керек.