…Шамаликоц ся войнать аф мазы,

Тянемс атянь ваймотнень муцяй…

1945-це кизонь 9-це майсь мзярдонга аф юкстави ломаттненди. Победань шись – инь оцю и валда праздниксь. Минь народоньке Великай Отечественнай войнань кизот­нень эсь героическяй тюремасонза аф аньцек ванфтозе кельго­мa 'Родинанц, но фашисттнень эзда идезе сембе миронь циви­лизациять.

Тя сяськомаса сембе с:оветскяй народть мархта марса лама тисть мокшэрзянь ломаттневок. Велень хозяйствань и про­.мышленностень труженикне фронту кучсесть ярхцамбяль, ору­жия,боеприпаст,лямбе щапт-каряпт.

Инь республиканьконь территорияса мусть лямбе уженя, седи ваксстонь примама Ук­раинань и Белоруссиянь аккупированнай райоттнень эзда лама семья. Тяфта, 1941 кизоть песта Мордовияв сась пцтай кодге­монь тёжянь эвакуированнай ломань, синь эздост комсь сисем­ге тёжянць иттельхть. И сембонь синь республикань трудя­щайхне примазь, эждезь, андозь-симдезь, ладязь тевс-кис

Лама тисть победань тевса боецне - минь земляконьке. Республикасонк формировандафоль. аф фкя часть и дивизия. Синь ётксост славань канды 236 стрелковайське, кона лемневсь мордовскяй дивизиякс. Сон, 1941-кизонь дек;абрьста ушедомок етась пяк оцю ки - Подмосковьяста Эльбать беряконзонды.

Аф юкстави слава сатсть минь республиканьконь эзда ла­-

моц фронтовикне и тылса трудендайхне. Синь эздост 105 ло­маненди максф Советскяй Союзонь Геройнь лем и 75 тёжянь- да ламось казьфт орденца и медальса.

Великай Отечес:твеннай войнань летописьса аф фкя страни­-

ца сёрматф мордовскяй народть цёранц, советскяй оцю полко­водецть, армиянь генералть Максим Алексеевич Пуркаевть колга. Улемок Киевскяй военнай округса штабонь начальни­кокс, сон эсь войсканзон мархта войнать ушедомстокиге вась­фтезе фашистскяй армиять вероломнай врьгятеманц. Сяда меле сонь командованиянц ала Колмоце ударнай армиясь лия соединениятнень мархта марса участвондась историческяй сра­женияса и контрнаступленияса Москуть ала. А пинге ётазь путфоль командующайкс Калининскяй фронтти.

Сембе странаньконь келес тусь славац мордовскяй народть цёранц Михаил Петрович Девятаевть. Весть менельса фашист­тнень каршес тюремста М. П. Девятаевонь крьвязсь и прась самолётоц. Ежефтома лётчиксь повсь пленц.

Но кодамовок сталмотне ашезь пульзяфта советскяй ло­манть, ашезь синде Родинанцты кельгоманц. Тейнза сафтовсь васькафтомс фашисттнень, синь сельмингольдест, синь само­лётсост, вейхкса ялганзон мархта ворьгодсь пленцта. Тяш­ка подвигонкса М. П. Девятаевонди максф Советскяй Союзонь Геройнь лем. ­

Пара мялезонк, мзярда няйсаськ, кода сельминголенк кядьта кядьс ётни Родинать инкса тиендеви героизмань эстафе­тась, кода миньцонк подвигсь и славнай традициятне эряйхть марса молезь.

Национальнай культурать виияфтоманц колга партиять и правительствать заботаснон вельде мордовскяй народть искус­ствац стаки вииякшнесь войнань стака кизотненьге. Сонь эсон­за касондсть патриотизмань идеятне.

Тя пингть Kaccь искусствань учреждениятнень лувкссна.

1943 кизоня А. В. Луначарскяйнь лемса театральнай искус­ствань Московскяй государственнай институтть видеса пан­жевсь Мордовскяй драматическяй студиясь. Тоса тонафнесь 25 ломань. Сяка кизоня Л.Собиновонь лемса Саратовскяй государственнай консерваториять видеса тифоль опернай сту­дия, коза тонафнема кучфоль 22 ломань. 1944 кизоня Саран­скяйса меки кармась работама музыкальнай училищась, тиф моронь и кштимань мордовскяй ансамбль. Оперань и балетонь театрать эса тонафнефт хоронь 15 артист и балетонь 15 ар­тист, конатнень эзда ламотне мокшет и эрзят.

Войнань кизотнень ашезь лотксе работамда народнай инст­рументонь оркестрсь, конань вятиец ульсь- РСФСР-нь заслу­женнай и Мордовскяй АССР-нь народнай артистсь Л. И. Вои­нов.

Саранскяйса работасть идень музыкальнай школась, коса тонафнесь 110 од скрипач и пианист, и идень художественнай школась. Тяфтама жа идень школа панчфоль Рузаевка ошса.

Мордовиянь искусствань работникне кода маштсть лезнесть победань тевти. Синь путнесть концертт действуюшай армиянь воиттненди и тылонь трудящайхненди, кепсезь синь мяльснон од боевой и трудовой подвигс Родинать инкса. Войнань пинг­ста фронту якасть 5 бригадат. Синь тисть пцтай 400 выступле­ния, конатнень пара мяльса васьфтезь фронтовикне. Тяда баш­ка, синь няфтсть 1121 концерт Мордовияса, сяка лувксса, Са­ранскяйнь госпитальхнень эса ранендаф боецненди. Респуб­ликань колхоснень, совхоснень и МТС-нь эса искусств ань ра­ботникне тисть 4250 выступления. Тя ульсь оцю патриотиче­скяй тев.

Плодотворнайста работась войнань кизотнень РСФСР-нь. искусствань заслуженнай деятельсь Ф. В. Сычков, конань кол­га великай русскяй художниксь И. Е. Репин мярьгсь: «Пяк цебярь живописец». Ф. В. Сычков тяштсь мяляфтови картина «Велеса геройть васьфтемац», конань эса сон маштозь няфте­зень советскяй ломаттнень оцю арьсемаснон и мяльснон. Тя: картинать колга мяльсь шачсь нинге войнань кизотнень, но ху­дожниксь аделазе сонь войнада меле.

Врагть каршес тюремаса оцю боевой идеологическяй ору­жиякс ульсь советскяй лама нациянь литературась. Войнань пингста нинге сяда кассь сонь мобилизующай и воспитатель­най значенияц. Пяк кеподсь эрь писательть ролец, кона эсь творчестванц мархта тюрсь валда павазть инкса, лездсь ломат­тнень сознанияснон касфтоманцты, моральнай качестваснон ти­евомаенонды.

Инь цебярь советскяй писательхнень эзда фкясь Алексей Толстой «Войнать и литературать колга. статьясонза, конань сёрмадозе 1942 кизоня, пяк лац панжезе литературать и писа­тельхнень тя оцю гражданскяй тевснон. «Вага мес пяк эрявиня шитнень,- сёрмадсь сон,- корхтамс литературать колга, аф няеви крепостень, народнай ваймонь крепостень каменщик­нень колга».

Мордовскяй литературась, кода единай советскяй литерату­рать пяльксоц, эсь патриотизмань идеянзон вельде стане жа активнайста тюрсь фашизмать каршес, кона ёразеньтиемс ра­бокс сембе нароттнень и машфтомс синь культураснон.

Мордовскяй писательскяй организацияста колмогемонь ниле поэттнень и прозаикнень эзда комсь кафксувось ульсть дейст-­ вующай армияса. Геройнь куломаса кулость талантливаи писательхне А. Рогожин, Ст. Родькин, Г. Ельмеев, А. 3иньков, Ф. Дурнов, П. Кономанин. Аф кржаль од авторда, конат ша­вовсть войнаса, конат минь литературасонк няфтезь пряснон кода машты писательхть.

Военнай печатьса седиень-ваймонь путозь сотрудничендасть Мордовиянь писательхне А. Лукьянов, А. Моро, П. Гайни, I В. Радин, Е. Пятаев, С. Вечканов, П. Батяев, И. Антонов, И. Воронин и лиятне. Поэттне-фронтовикне П. Кириллов, П. Гайни, А. Щеглов, И. Девин, А. Малькин эсь произведени­яснон печатлакшнезь армейскяй и дивизионнай газетатнень эса и тяфта жа Мордовиянь периодическяй печатьса, азондозь эсь землякснонды фронтса тефнень и художественнай валса кепсезь синь мяльснон од трудовой подвикненди.

Ся писательхне, конат тяда-сяда лядондсть тылу, населе­ниять ёткса вятсть общественно-политическяй оцю работа: лу­вондсть лекцият и доклатт, работасть редакционно-издатель­екяй тевса. Синь эсь художественнай валснон мархта лездсть республиканскяй партийнай организацияти кемокстамс фронтть и тылть ёткса сотксть, кочкамс народть вийнзон тапамс врагть.

Тя тевса пяк лама работасть Н. Эркай, А. Мартынов, И. Кривошеев, Ф. Беззубова и лиятне. Синь сидеста улендсть колхозга, предприятиява, военнай госпитальга, антифашист­екяй митингса, коса лувондозь эсь произведенияснон. Ф. И. Без­зубовась, аф ваномок сире шинц лангс, мордовскяй делегациять мархта якась действующай армияв фронтовикненди казнень максома. Тоса сон аф весть лувондозень сказонзон воиттнендии, кадондсь синь седиезост аф пульзяфтови тядянь образ.

Тяста няеви, Мордовиянь -писательхне, кода и СССР-нь

братскяй народонь сембе литераторхне, и фронтса, и тылса тисть оцю тев. Ся nингть подвигсь и морось мольсть ряцок фкя-фкянь виияфтозь и кеподезь.

Ашесть иляда сембонь эзда Ковылкинскяй райононь ломаттневок. Войнань васенце шитнень няфтезь эсь смелшиснон минь земляконьке. Синь воявасть аф аньцек 326-це Мордовскяй дивизияса, но и лия Великай Отечественнай фронттнень эса. Ламонцне ульсть партизанскяй соединениятнень эса. Ковылкинскяй модась макссь 8 геройхть, казьфт Золотой Звездань орденца. Синь ётксост: Н.А. Пшеничников, Г.М.Головин, В.А.Андронов, М.Г.Гуреев, А.А.Абдершин, К.Е.Чекиров, А.Г.Котов.

Лама тисть минь райононь ломаненьке и тылса. Синь фронту прважасть 600-700 тонна кши. Кочксесть лямбе вещат: 1500 полушубка, 2000 понань насокт и варягат,500 кодаф шарф. Аньцек самолётонь тиемс кучфоль 300 тёжяньда лама цалковай.

Аш кода аф лятфтамс минь велень ломаттненьге. Лама аляда ашезь мрда фронцта. А конат мрдасть, сятка ни ашет шиса. Тячиень шити велесонк эряй аньцек фкя фронтовик- Дьяков Филипп Петрович.

Войнась кунара ни аделавсь, но ломаттне нинге ламос кармайхть мяляфтома сонь, сяс мес Победать инкса юмась лама ломанень вайме. Сюкпря сембонди, кит максозь эсь эряфснон минь павазоньконь инкса!
Сёрмадозе: Очкин Алексейсь.