Шымкент қаласы білім бөліміндегі

бірінші басшының функционалдық міндеттері.

4.1. Шымкент қаласының 2011 -2015 жылға арналған даму бағдарламасының іске асырылуын қадағалайды;

4.2. Қазақстан Республикасында білім беруді дамытудың 2011-2020 жылдарға арналған мемлекеттік бағдарламасының іске асырылуын қадағалайды;

4.3. Қазақстан Республикасының білім беру мекемелерінің 2006-2011жылдарға арналған тәрбие жұмысының кешенді бағдарламасының іске асырылуын қадағалайды;

4.4. Оңтүстік Қазақстан облысындағы СПИД індетіне қарсы күрестің 2009-2011 жылдарға арналған аймақтық бағдарламасы іске асырылуын қадағалайды;

4.5. Республикалық және жергілікті бюджет қаржысы есебінен бөлімге қарасты мекемелердің (мектеп жасына дейінгі, мектептен тыс мекемелердің және жалпы орта мектептер мен шағын орталықтардың) ашылу жұмыстарының жүргізілуіне бақылау жасайды;

4.6. Республикалық және жергілікті бюджет қаржысы есебінен мектеп жасына дейінгі, мектептен тыс мекемелердің және жалпы орта мектептер мен шағын орталықтардың материалдық-техникалық базамен (компьютер, лингофондық кабинеттер, пән кабинеттері, жиһаздармен және т.б.) жабдықталуын қадағалайды;

4.7. Мемлекеттік сатып алу комиссиясының, бөлімге қарасты мекеме басшыларын тағайындау жөніндегі конкурс комиссиясының, педагог қызметкерлер мен мекеме басшыларының аттестация жөніндегі комиссияның жұмыстарына бақылау жасайды;

4.8. Қазақстан Республикасы қаулысымен бекітілген «Мемлекеттік қызмет көрсету реестрі» негізінде мемлекеттік қызмет көрсетудің 7 түрінің орындалуына бақылау жасайды;

4.9. Сыбайлас жемқорлыққа қарсы күрес жұмыстарының орындалуына бақылау жасайды;

4.10. Басқарып отырған бөлім қызметкерлерін, бөлімге қарасты мекеме басшыларын тағайындау және босату, тәртіптік жазалау мен марапаттаулар және қызметкерлердің ынталандырылу жұмыстарының орындалуына бақылау жасайды;

4.11. Өз мүддесі шегінде азаматтарды қабылдауды жүрзізеді;

4.12. Негізгі және қосымша білім беру бағдарламаларының іске асырылуын қадағалайды;

4.13. Білім алушылардың тиісті білім беру бағдарламаларының меңгеруді ұйымдастырады;

4.14. Мемлекеттік бақылаудың негізгі түрлерін (мемлекеттік аралық бақылау, ұлттық бірыңғай тестілеу, білім алушыларды қорытынды мемлекеттік аттестаттау, білім беру ұйымдарын мемлекеттік аттестаттау) ұйымдастырады;

4.15. Ата-ананың қамқорлығынсыз қалған балаларға қамқорлық жасаудағы жұмыстарды ұйымдастырады;

4.16. Мектепке дейінгі мекемелерге баратын балалардың есебін алып, тіркеу және мектепке дейінгі мекемелерге жолдама беру жұмыстарын ұйымдастырады;

4.17. Мектеп жасына дейінгі, мектептен тыс мекемелердің және жалпы орта мектептер мен шағын орталықтарға тиесілі қаржының бөлінуін, қызметкерлерге айлық-жалақының төленуін қадағалап, қамтамасыз етеді.

4.18. Мектеп жасына дейінгі, мектептен тыс мекемелердің және жалпы орта мектептер мен шағын орталықтардың материалды-техникалық базамен қамтамасыз етілуін уақытылы және сапалы ағымдағы жөндеу жұмыстарының жүргізілуін, жаңа оқу жылына және жылу беру кезеңіне дайындығын қамтамасыз етеді.

4.19. Мектеп жасына дейінгі, мектептен тыс мекемелердің және жалпы орта мектептер мен шағын орталықтардың тексеру жұмыстарын және бақылау шараларын жүзеге асырады;

4.20. Балалардың жазғы маусымдағы демалысын ұйымдастырады;

4.21. Бөлімдегі ішкі еңбек тәртібінің ережелерінің сақталуын қадағалайды.