Сынып– 11 Қазіргі әлемдегі Қазақстан

Калиева Зауре Сейтхановна
Көкшетау қаласындағы физика-математика бағытындағы Назарбаев Зияткерлік мектебі

Сынып– 11

Қазіргі әлемдегі Қазақстан
3)ТАПСЫРМА :

Терминдердің мағынасын ашу

1.Этнос-

2.Өркениет-

3.Шежіре-

4.Дін-

5.Мәдени орталықтар-

6. Егемендік-

4)КІЛТІ/ТАПСЫРМАНЫҢ ЖАУАПТАРЫ:

Этнос - этникалық қауымдастық - [грек, ethnos - тайпа, халық] - бір халықты екіншісінен ажыратуға мүмкіндік беретін ортақ белгілері бар қауымдастық. Гректiң – еtпоs — тайпа, халық деген сөзiнен шыққан. Этникалық қауымдастық мағынасындағы этнос ретінде көбіне бірыңғай атауы, ортақ мәдениет элементтері бар, тағдырлас тарихы бар, ерекше географиялық ортадағы топтық ынтымақтастық танытатын адамдар тобын атауға болады

Өркениет (лат. сіvіlіs – азаматтық) – қоғамның материалдық және рухани жетістіктерінің жиынтығы. Ежелгі римдіктер азаматтық қоғам, қалалық мәдениет, заңға негізделген басқару тәртібі орнаған даму дәрежесін білдірген.Өркениет атауының ор түрлі, кейде бір-біріне қарама-қайшы анықтамалар қалыптасты. Америка тарихшысы Л.Морган (1818-1881) мен Ф.Энгельс оны адамзат дамуындағы жоғары, жазусызуды енгізу кезеңі ("тағылық — жабайылық — "өркениеттілік" ұштағаны арқылы) ретінде сипаттады. Кейінгі кездері бүл термин адамзат дамуының аймақтық, салыстырмалы түрде бір-біріне тәуелсіз жетілген пішімдерін бейнелеу үшін қолданылып жүр.

Шежіре, (арабша шаджарат — бұтақ, тармақ) — тарих ғылымының халықтың шығу тегін, таралуын баяндайтын тармағы. Ру, тайпалардың тарихын ұрпақтан ұрпаққа жеткізген, қалыптасқан ресми Шежіре барлық халықтарда кездеседі

Дін – адамзат қоғамындағы аса күрделі де маңызды әлеуметтік-мәдени сана. Діннің басты мақсаты – адамның рухани жетілуі және оның Жаратушы Құдайға сенімі.

Мәдени орталықтар – белгілі бір ұлттың ұлттың тарихи, салт-дәстүрлері, мәдениеті мен рухани құндылықтарын сақтау әне жаңғырту мақсаттарын іске асыратын Қазақстандағы кіші ұлттардың ұйымдары. Этностың республиканың қоғамдық өміріне араласуы, мәдениетінің өсуі, жастарға ана тілдерін оқыту, патриоттық сезім, елдің өркендеуіне қосқан үлес жайында және тағы басқа көптеген өзекті мәселелер көтеріледі.

Егемендік - (фр. souverainete - жоғарғы билік) - мемлекеттің сыртқы саясатта толық тәуелсіз болуы және елдің ішкі саясатында мемлекеттік биліктің бәрінен жоғары тұруы.

5) ЖАЛПЫ БАҒАЛАУ КРИТЕРИІ

	Критерии	Максималды балл
А	Білу және түсіну	6

6) КРИТЕРИАЛДЫ БАҒАЛАУ ШКАЛАСЫ

Критерий	Нәтиже деңгейі	Дескрипторлар
А (max6)	1	Нақты білімді көрсете алмады (1-2 ғана жауабы бар), терминдердің мағынасы ашылмаған немесе орынсыз қолданылған.


	2	Терминдердің білуі мен түсінуі төмен деңгейде көрсетілген, нақты фактілер қолданылмаған. Мысалдар келтірілмеген, немесе орынсыз келтірілген. Сонымен қатар фактілер мен оқиғалар туралы, өзара байланысы туралы шамалы түсінігі бар. Мағынасы толық ашылмаған немесе үстірт ашылған.


3	Терминдер туралы шектеулі білімі мен түсінігі бар, бірақ жауаптары үйлесімді және орынды берілген. Фактілер, оқиғалар және тарихи үрдіс туралы түсінігі қалыптасқан. Мысалдар келтірілген, бірақ тереңдетіліп ашылмаған. Жауаптары толық емес және қарапайым сөзбен жазылған.
4	Қарастырылған мәселе туралы қанағаттанарлық білім мен түсінік қалыптасқан. Терминдердің мағынасын ашқанда фактілер, оқиғалар мен тарихи үрдістің өзара байланысын түсінеді, орынды қолданады. Келтірілген мысалдар мағынасына сәйкес, мағынасын толықтырады.
5	Қарастырылған мәселе туралы жақсы білім көрсете білді. Терминдердің мағынасын ашқанда фактілер, оқиғалар мен тарихи үрдістің өзара байланысын түсінеді, орынды қолданады. Келтірілген мысалдары толық және мағыналы.
6	Қарастырылған мәселе туралы өте жақсы білім мен түсінігі қалыптасқан. Ақпаратты нақты, толық және орынды жеткізген. Терминдердің мағынасын ашқанда фактілер, оқиғалар мен тарихи үрдістің өзара байланысын жақсы түсінеді, орынды қолданады. Түсіндіру барысында білімін толығымен және жан-жақты пайдалана алады.

7) ТЕКСЕРУ ПАРАҒЫ

Критерийлер бойынша балдары		Балдар жиынтығы	Баға

В	С

8) БАЛДАРДЫ БАҒАҒА АЙНАЛДЫРУЫ

Жинаған балдарының қосындысы	Баға
6	«5»
4-5	«4»
3	«3»
0-2	«2»