|
Такен Эльмира Қасымжанқызы 1966 жылы 19 желтоқсанда Жамбыл облысы, Қордай ауданы, Кенен селосында дүниеге келген. 1984-1989 жылдары Абай атындағы Қазақ педагогикалық институтын физика-математика пәнінің мұғалімі мамандығы бойынша бітірген.Алғашқы еңбек жолын 1989 жылы Алғабас ауылында, №157 орта мектепте бастауыш сынып мұғалімі болудан бастап, 1989-1999 жылдары №157, №244, №127 мектептерінде информатика пәнінен дәріс береді. Қоғамның өзгермелі даму жағдайына бейім жеке тұлға тәрбиелеуде жаңа формация мұғаліміне тән біліктіліктің жоғары деңгейін көрсете білді. «Ұстазы жақсының ұстамы жақсы» демекші зор іскерлігінің нәтижесінде толағай табыстарға қол жеткізді. Сол жылдардағы еңбегі Қ.Р Білім және ғылым министрлігінің және облыстық білім басқармасының Құрмет грамоталарымен марапатталды. 1999-2008 жылдар аралығында №127 мектеп-лицейі және №45 «Ақ Орда» мектеп-гимназиясында директордың оқу-тәрбие жұмыстары жөніндегі орынбасары қызметінде болып, оқушы сұранысын қанағаттандыруда жаңашылдықтың жарқын үлгісін көрсетіп, тың идеялардың бастамашысы болды.Шығармашылықпен жұмыс істейтін мұғалімдерді нәтижеге бағдарланған білім беру үрдісіне жұмылдырды. 2008 жылдан бастап 2011 жылдың қараша айына дейін «Айналайын», «Аққайың» және «Кәусар» балабақшаларында меңгеруші қызметін абыроймен атқарады. Ізденіске толы 20 жылда жинақтаған мол тәжірибе оның кәсіби мүмкіндігінің қаншалықты зор екендігін көрсетті. Соның арқасында балабақшаны басқару ісіндегі әрекеттері негізінде мол табыстарға жетіп отырды. 2011 жылдың 7 қарашасынан бастап аудандық білім бөлімінің бастығы. |