Көгінде көк байрағы желбіреп, еркіндіктің арайлы таңымен тыныстаған Тәуелсіз қазақ еліне 20 жыл толды. Мерейлі мерекесіне табыс-тартумен, береке – бірлікпен қарсы алу барысында «Журавушка» балабақшасында «Тәуелсіздік күні дедік бұл күнді» атты ертеңгілік өткізілді. Мерекелік іс-шараның басты мақсаты бүлдіршіндерді отан сүйгіштікке, тілін, дінін құрметтеуге тәрбиелеу. Мерекелік шарада Отанға, Туған жерге арналған өлеңдер, ән-шашулар, ырғақты билер және қазағымыздың ұлттық ойындары ойнатылды. Бүлдіршіндер мерекелік іс-шараға өздерінің ынта - жігерлерімен қатысып, көрермендерге көңілді шаттық күй сыйлады.
Тәуелсіздік күні дедік бұл күнді,
атын атап ақын оны жыр қылды.
Сол күнменен қатар туған сәбилер,
кішілерге аға болып үлгерді.
Осы өлең шумақтарымен аяқтай келе, Тәуелсіздік тұғырымыз еңселі, еліміз тыныш, күш-жігерімізбен, ынтымағы жарасқан бейбіт ел болайық! Әрқашан аспандарыңыздан күн сөнбесін! Тәуелсіздік еліміздің көк байрағы желбірей берсін!