2012 жылғы Астана қаласы Статистика департаментінде

сапа менеджменті жүйесінің жұмыс істеуі туралы есеп
Қазақстан Республикасы Статистика агенттігінің 2010-2015 жылдарға арналған Стратегиялық жоспарына сәйкес, Астана қаласының Статистика департаментінде ҚР СТ ИСО 9001-2009 ұлттық стандарт талаптарына сәйкес сапа менеджменті жүйесін (бұдан әрі – СМЖ) жұмыс жағдайда қолдау және жетілдіру жөнінде жұмыс жүргізілді. Департаментте жүйенің жұмыс істеуінің негізгі мақсаты - көрсетілетін статистикалық қызметтердің сапасын жақсарту және статистикалық өнімді пайдаланушылардың сұраныстарын барынша қанағаттандыру болып белгіленді.

2012 жылғы мамырда Департамент қызметкерлері Қазақстан Республикасы Статистика агенттігімен өткізілген «Қазақстан Республикасы Статистика агенттігі аумақтық органдарындағы СМЖ-ін енгізу тәжірибесі» семинарына қатысты. Семинарда сапа менеджменті жүйесін енгізген аумақтық органдарда жүйенің жұмыс істеген кезіндегі мәселелер мен енгізу кезеңдері айтылған. Семинарда Астана, Алматы қалалары, Алматы және Қарағанды облыстары Статистика департаменттеріндегі СМЖ-н енгізу тәжірибесі, сонымен бірге қызметте процесстік тұрғы қолданылуы келтірілген.

2012 жылғы тамызда қызметкерлердің қанағаттанушылығын зерттеу өткізілді. Осы зерттеудің сұрақ-жауаптарының нәтижесі бойынша қабылданған шешімдер Департаменттің статистикалық қызметін жақсарту жөніндегі іс-шараларды әзірлеу кезінде пайдаланылды.

2012 жылғы 23 тамызда Департаменттің ішкі аудиторлары барлық басқармаларда ҚР СТ ИСО 9001-2009 талаптарына сәйкес №2 СМЖ ішкі аудит өткізді. 2 азын-аулақ сәйкессіздік айқындалды, олар құжат айналымын ұйымдастыруда табылды. Айқындалған сәйкессіздіктерді жою жөнінде түзету және алдын алу іс-шаралары өткізілді. Ішкі аудит нәтижесі бойынша есеп жасалды.

2012 жылғы шілде-қыркүйекте статистикалық ақпаратты пайдаланушылардың пікіртерімі өткізіліп, сауалнамалар Қазақстан Республикасы Статистика агенттігіне талдау үшін жіберілді.

2012 жылғы 26 қыркүйекте Департаменттің ішкі аудиторлары барлық басқармаларда №3 СМЖ ішкі аудит өткізді. 3 азын-аулақ сәйкессіздік айқындалды. Түзету және алдын алу әрекеттері жасалды. Ішкі аудит нәтижесі бойынша есеп құрастырылды.

2012 жылғы 26 қазанда СМЖ құжаттамаларына талдау өткізіліп, есеп жасалды.

2012 жылғы қарашаның 20-нан 21-не дейін белгіленген тәртіпте Мемстандартпен аккредиттелген сәйкестікті растау органы - «Business Certification Centre» ЖШС Департаменттің сапа менеджменті жүйесін бірінші инспекциялық бақылауды өткізді. Бақылау нәтижесінде менеджмент жүйелерін растау органының Басқарушы кеңесімен 14.12.2012 жылы Қазақстан Республикасының Мемлекеттік техникалық реттеу жүйесінің мемлекеттік тізілімінде 2011 жылғы 29 қарашада тіркелген №KZ.7100957.07.03.00007 СМЖ сәйкестік сертификаттың күшін растау туралы (СМЖ аудиті бойынша №ВВС-06/11-И есептің негізінде) шешім қабылданды.

2012 жылғы 27 желтоқсанда Департаменттің басқарма бастықтарының қатысуымен жоғарғы басшылық тарапынан СМЖ талдау өткізілді, оның мақсаты СМЖ үнемі жарамдылығын, нәтижелілігін және тиімділігін қамтамасыз ету, оның жұмыс істеуін жақсарту жөнінде шешімдер қабылдау болып табылады. Департаментте жұмыс істейтін сапа менеджменті жүйесін жұмыс қалпында ұстау және жақсарту жөніндегі іс-шаралар көрсетілген Департамент бастығымен бекітілген 2013 жылға СМЖ бағдарламасы әзірленді.