«№3 жалпы орта білім беретін мектеп-кешен» КММ

Курмашева Алмагуль Амантаевна

Математика

3-сынып

Сабақтың тақырыбы: 120·3, 360:3 түріндегі жазбаша көбейту және бөлу.

Сабақтың мақсаты: жазбаша көбейту мен бөлуді орындау дағдыларын қалыптастыру; экологиялық білімдерін тереңдете отырып, сабаққа қызығушылықтарын арттыру.

Міндеттері:

1. 
   120×3, 360:3 түріндегі жазбаша бөлу мен көбейтудің алгоритмін меңгеру; 2-3 амалын өрнек түрінде шығарылатын есептер құрастыру және шешу дағдыларын бекіту.
   
2. 
   Шамалардың мәнін қосу және азайту, санға көбейту және бөлу туралы білімдерін жүйелендіру; есептеу дағдыларын жетілдіру; логикалық ойлауларын, шығармашылықпен жұмыс жасау дағдыларын дамыту.
   
3. 
   Экологиялық білімдерін тереңдету, табиғатты сүюге және қорғай білуге бейімдеу.
   

Көрнекілігі: кесте, дидактикалық материалдар, слайдтар, магнитті тақта құс ұясы, құстар суреттері.

Сабақтың түрі: аралас сабақ.

Әдіс-тәсілдері: тірек білім, білік, дағдыларын белсендіру, жаңа сабақты түсіндіру; алғашқы бекіту тапсырмалары, өздік жұмысы, қорытындылау.

Сабақтың барысы:

І. Психологиялық дайындық.
Табиғатты сүйіңдер,

Орман, көлді бағала

Ыстық күнге шіліңгір,

Аязға да қарама.

Қумайықшы құстарды,

Самғасын көкте, қалықтап

Тимейікші аңдарға,

Жетімсірер атырап.

• 
  Қыстан қысылып шыққан өлкеміз қай мезгілді қуана қарсы алып жатыр?
  
• 
  Көктем мезгілімен бірге өлкемізге нелер келеді? Дүниетану пәнінен білеміз жыл құстары келеді. Олар не істейді? – Ұя жасап, ұрпақ таратуға кіріседі. Ендеше, біз де ұя жасап, құстардың өлкемізге орналасуына көмектесеміз. Әр құстың тапсырмасын орындай отырып, көктемнің алғашқы қызғалдақтарын алып отырамыз.
  
• 
  Өлкемізге алғашқы келетін қандай құс?
  
• 
  Тірек білімдерімізді жетілдіру тапсырмасын орнатып, ұзақты қарсы аламыз.
  

ІІ. Бағдарлау-мотивациялық кезеңі.

1-тапсырма. «Ұя құрастыру».

345, 504, 540, 54 сандарында барлығы қанша бірлік, қанша ондық, қанша жүздік бар?

2-тапсырма. Математикалық диктант.

• 
  906 мен 3-тің бөліндісінің мәнін тап.
  
• 
  Қалдықпен бөлуді орында 49:5
  
• 
  Тәтті нан 90 теңге тұрады. 360 теңгеге осындай неше нан алуға болады?
  
• 
  90 мен 4-тің көбейтіндісін 40-қа арттыр.
  
• 
  Шаршының периметрі 24 см, қабырғасының ұзындығы нешеге тең?
  

3-тапсырма. Ауызша есеп.

32·3 150:3 22·4

24·2 903:3 70·5

40·20 820:2 54·2

11·4 210:3 41·3
4-тапсырма. Бөлінді мен қалдықты ата.

Бөлінгіш	Бөлгіш	Бөліндінің мәні	Қалдық
41 33 49 14	8 5 6 3

(Ұзақты ағашқа қондыру).
ІІІ. Жаңа тақырыпты түсіндіру.

1. 
   Жазбаша көбейту, бөлу алгаритмін түсіндіру. Түсіндіру барысында көбейтіндіде бірлік, ондық, жүздік қайда жазылатынына назар аудару. (№1)
   

Бөлу алгаритмімен таныстыру кезінде балаларға бөлудің толық түріндегі жазылуын ұсыну. (№2)

2. 
   Алғашқы бекіту. Қараторғай тапсырмасы.
   

№3 тапсырманы тақтада толық түсіндіре отырып орындайды.

Сергіту сәті.

3. 
   Өткен тақырыппен жұмыс.
   

№4. Есепті талдай отырып, орындату. Тырна тапсырмасы.

1-ші аквариумда – 104 б. 1) 104·2=208 (б)

2-ші аквариумда - ? 2 есе артық 485 б. 2) 485-(104+208)=173(б)

3-ші аквариумда - ?

№5. Қысқаша жазу бойынша есеп құрастырып шығару.

Дуадақ тапсырмасы.

ә) 1-ші кітапта – 342 б. ? артық

2-ші кітапта - ? 2 есе кем

1. 
   342:2=171 (б)
   
2. 
   342-171=171(б)
   

4. 
   Өздік жұмысы. Үйрек тапсырмасы.
   

№7 орындалып, оқушылар бірін-бірі тексереді.

5. 
   Логикалық тапсырма. Бүркіт тапсырмасы.
   

1 тоннаның жартысы - □ кг.

1 сағаттың алтыдан бір бөлігі - □ мин.

1 километрдің ширек бөлігі - □ м.

1 сантиметрдің бестен бір бөлігі - □ мм.

ІV. Сабақты қорытындылау.

Сұрақтар қою арқылы бекіту.

V. Рефлекциялық - бағалау кезеңі.

Оқушылар қолындағы жауқазындарды есепке ала отырып бағалау.

VI. үйге тапсырма беру.

№5 (а) 129-бет, №6, №8 130-бет.