Астана ақшамы. – 2010. – №121. – 2 қараша Аймағанбет Ж. Қалың қалай, Хип-Хоп?

Астана ақшамы. – 2010. – №121. – 2 қараша

Аймағанбет Ж.

Қалың қалай, Хип-Хоп?

Жастықтың албырт шағында игі іске ұмтылған жастарға қарап тәнті боласың. Замана ағымына ілескен жастардың бүгінде түрлі бағытта өнер көрсетіп, көптің ықыласына бөленіп жүргендері бар. Жаңа ғасырдың аяқ басуымен өнер әлемінде, жалпы музыкалық жанрда хип-хоп деген ұғым пайда бола бастады. Елімізде бұл музыкалық бағыттағы толқын даму үстінде. Оның жетілуін үстемелеп жүргендердің бірегейлері - «Why NOT» тобының жеткіншектері.
Әуелде үш бозбаладан тұратын топ, 2009 жылы «Слобода» деген атаумен құрылған. Топтың мүшелері Нұрымжан Спанов политехникалық колледждің 4-курс студенті, Бауыржан Нұрымов Аграрлық университеттің 2-курс студенті, Дастан Нұрымов ҚазЭУ-дің 2-курс студенті. Нұрымжан мен Бауыржан топтың шығармашылық жұ-мыстарымен тікелей айналысады. Бірі сөзін, екіншісі әуенін жазады.

Бүгінде топтың ән күйтабағы жарыққа шыққан. Жұмыс барысында қиындықтар туғанмен, олардың әнге деген құлшынысы тек алға жетелеп келеді.

Астаналық хип-хопқа табынушылар арасында бұл топтың аты міндетті түрде аталады. Жастар өздері ән жазып, талпыныс білдіргенмен, бұл бағытта көлемді жарыстар ұйымдастырылмайтыны белгілі. Бірақ, жүректің қалауымен айналысып жүрген істе кедергі болмайтынын топ дөлелдеп келеді.

Астана қаласыңда ұйымдастырылатын түрлі шараларда «Why NOT» тобы жиі көрінеді. Елорданың туған күнінде, «Астана аруы-2010» байқауында аталмыш топ өнер керсетіп, жастар арасыңда үлкен қолдауға ие болды. Жалынды жастардан тұратын топтын алда бағындырар белестері аз емес. Келешекте өз алдына жеке ән жазатын студия ашып, өнерлерін одан әрі өрлетер бастауларды қолға алмақ.

Топтың жетекші орындаушыларының бірі Нұрымжан әрдайым, оқу орны қабырғасыңда жүріп, түрлі шараларға атсалысып, белсенділік танытып келеді. Нұрымжанның айтуынша, қалың жастың арасыңда кеңінен тараған осы бір музыкалық ағымның Қазақстанда дамуы әлі де әлсіз болғанымен, еңбек пен талпыныстың арқасында оның жемісін жейміз дейді. Оның тағы бір асқақ арманы - хип-хоптың астарын қазақи әуенмен өрнектеп, қазақи болмыспен түрлендіру екен. Келешекте алға қойған мақсаттарына жетуіне тек тілектестік білдіреміз.