«Бейбітшілік пен келісімнің жол картасы» шеңберінде 2013 жылғы 15-16 наурызда Маңғыстау облысы Қызылорда облысына келіп, эстафетаны тапсырады

«Бейбітшілік пен келісімнің жол картасы» шеңберінде 2013 жылғы 15-16 наурызда Маңғыстау облысы Қызылорда облысына келіп, эстафетаны тапсырады.

Маңғыстау делегациясын Маңғыстау облысы әкімінің орынбасары Х.Нұрғалиева бастап келеді. Делегация құрамында 86 адам бар.

Қызылорда облыстық әкімдігі тарапынан жасалған бағдарлама бойынша төмендегідей шаралар атқарылады:

15 наурыз күні сағат 12.00-де облыс әкімі делегация басшылығын қабылдайды, 12.15-те делегацияның басшылық құрамы мен этномәдени бірлестіктері облыстың жалпы активімен кездеседі.

Сол күні сағат 15.00-де делегацияның бірқатар мүшелерінің қатысуымен «Қазақстандағы этносаралық қатынастар: дәстүр сабақтастығы мен ынтымақтастық негізі» тақырыбында дөңгелек үстел отырысы ұйымдастырылады. Сағат 16.00-де делегация басшылығы облыстық бұқаралық ақпарат құралдарына сұхбат береді.

Сағат 18.00-де Н.Бекежанов атындағы облыстық театрда Маңғыстау делегациясының өнер мерекесі өтеді. Сол кезеңде Қызылорда облысының этномәдени бірлестіктерінің көрмесі жасалады.

16 наурыз күні делегацияның ресми мүшелері әлеуметтік объектілермен (жастар үйі, қазақ-түрік лицейі, оңалту орталығы, «Шұғыла» балабақшасы) танысады. Ал, делегацияның өзге мүшелері қаланың көрікті жерлерін («Сыр Ана» монументі, «Сыр сүлейлері» аллеясы, облыстық мұражай; Жалаңтөс Бахадүр, Бұқарбай батыр ескерткіштері, Қорқыт Ата кітабының 1300 жылдығына арналған ескерткіш, т.б. ) аралайды.