қозғаушы

Ат сабылтып алыстан

Борандатып жетеді

Үш ай төрде қонақ боп

Аунап қунап кетеді.

-Қыста неше ай бар?

Қыс айларын атаңдар?

Неге Желтоқсан дейді?

Неге Қаңтар дейді?

Неге Ақпан дейді?

Толықтыру

Қыс мезгілі мен құбылыстары жайлы туралы өз білетіндерін ортаға салады. Сюжетті сурет бойынша әңгіме құрастырады.

Қыс айларын атап, неліктен желтоқсан, қаңтар, ақпан деп аталатынына түсінік береді.

ұйымдастырушы

Ал жазушы Р. Тышқанбаев осы мезгілге арнап өлең жазған екен. Өлеңнің тақырыбын ойын «Сөзжұмбақ» шешу арқылы тауып алайық. Мына суреттердің (қасқыр, ыдыс, сиыр) бірінші әріпін алып сөз құрастырсаңдар өлеңнің аты шығады.

-Міне, балалар, бүгінгі тақырып Қыс

Мағынаны тану

-Қыс өлеңін мәнерлеп оқимын. Сендер әр шумақта не туралы айтылғанын мұқият тыңдап отырыңдар.

Шыңнан сырғып түсті де

Келді етекке қыс міне.

Ақ қарлар ақ көбелек,

Қонды үйлердің үстіне

Боран соғып бірде өкпек,

Үйге айдады кір деп тек.

Мұз көрпеге оранды,

Сулар тоңып дірдектеп.

Аулаға қар үйгізді,

Бетті аязға сүйгізді.

Тоңбасын деп теректер,

Қырау ішік кигізді.

Өлеңді талдау.

-Өлең не туралы? Қарлар қандай,Дала қандай күйге енді? Сулар қайтті? Теректер ше? Ауа райының суықтығын қалай суреттеген? Т.б

Қар түрлері туралы түсінік беру: Жапалақ қар, көбік қар, ақша қар, күртік қар, қиыршық қар, қырбық қар.

Сөздік жұмыс жүргізу

Сергіту сәті «Боран соқты»

Топпен жұмыс

Деңгейлік тапсырмалармен таныстыру

1-топ – Берілген гүл құрамындағы пішіндерден аққала құрастыру

2-10 таяқшадан қар құрастыру

3-топ – берілген пішіндерден шырша құрастыру

Жұмыстарын тексеріп қортындылау

Ойлау, есте сақтау, зейіндерін дамытуға байланысты өлең жолдарындағы сұраққа жауап беру арқылы төрт жол өлең құрастырту.

Қар жауады қалай?

Кімдер? жүр шапалақтап,

Балалар не?киеді

Не? беттен сүйеді.

Оқылған өлеңді зейін қойып тыңдайды.

Өлең мазмұнын талдайды.
Балалардың ықтимал жауаптары:

-Өлең қыс мезгіліндегі сырғанақ туралы.

-Дала аппақ

-Айнала қар жапқан

-Дала тау-тау қар

-Бала шананы сүйреп тауға шығып барады.

-Балалар сырғанақ теуіп ойнап жүр.

күртік қар, қиыршық, қырбық

қыс-зима-winter , қар-снег- snow, суретші-художник-artist

сөздерін қайталап еске сақтауға жаттығады.

Сұраққа жауап беру арқылы өлең құрастырады:

Қар жауады жапалақтап,

Балалар жүр шапалақтап.

Балалар қолғап киеді,

Аяз беттен сүйеді.

коррекциялаушы

Топтастыру әдісі арқылы тақырыпты

қортындылату.

Балалардың жетістіктері мен іс-әрекет белсенділіктерін атап мадақтау, үлгі ету.