«Қызылорда облыстық ішкі саясат басқармасы» мемлекеттік мекемесінің мемлекеттік әлеуметтік тапсырысы аясында жүзеге асырылатын «Аула клубтарының қызметін үйлестіру жөніндегі әдістемелік-ресурстық қызмет жұмысын ұйымдастыру» әлеуметтік қызметін тиімді ұйымдастыру мақсатында БҰЙЫРАМЫН:

1. 
   «Аула клубтарының қызметін үйлестіру жөніндегі әдістемелік-ресурстық қызмет жұмысын ұйымдастыру» әлеуметтік қызметі аясында Қармақшы ауданы, Жосалы кентінде «Қармақшы ауданындағы аула клубтарының жұмысын үйлестіру бойынша әдістемелік - ресурстық орталығы» ұйымдастырылсын.
   
2. 
   «Қармақшы ауданындағы аула клубтарының жұмысын үйлестіру бойынша әдістемелік - ресурстық орталығының Ережесі» осы бұйрықтың 1-қосымшасына сәйкес бекітілсін.
   
3. 
   Осы бұйрықтың орындалуына бақылау жасау «Аула клубтарының қызметін үйлестіру жөніндегі әдістемелік- ресурстық қызмет жұмысын ұйымдастыру» әлеуметтік қызметінің аға үйлестірушісі Қ. Ботжановқа жүктелсін.
   
4. 
   Осы бұйрық қол қойылған күнінен бастап өз күшіне енеді.
   

Директор Ж. Тұсмағамбетов

Бұйрықпен таныстырылды:

_______________Қ. Ботжанов

«____» ____________ 2011 ж.

БЕКІТЕМІН



Қармақшы ауданындағы аула клубтарының жұмысын үйлестіру бойынша әдістемелік - ресурстық орталығының

ЕРЕЖЕСІ
1. Әдістемелік-ресурстық орталық (бұдан әрі - орталық) – Қармақшы ауданында орналасқан аула клубтарының жұмысын жүйелі әрі тиімді жүргізу мақсатында ұйымдастырылады.

2. Қармақшы ауданындағы аула клубтарының жұмысын үйлестіру бойынша әдістемелік - ресурстық орталығына «Самұрық» инновациялық идеяларды дамыту орталығы» қоғамдық қорының жүзеге асырып отырған «Аула клубтарының қызметін үйлестіру жөніндегі әдістемелік-ресурстық қызмет жұмысын ұйымдастыру» әлеуметтік қызметінің жоба үйлестірушісі жетекшілік етеді.

3. Орталық ауданда жұмыс жасайтын аула клубтары бойынша тиісті мәліметтер мен ақпараттарды жинақтап, ол бойынша тиісті жұмыстарды ұйымдастырады.

4. Орталық ауданда жұмыс жасайтын аула клубтарына әдістемелік көмектер мен кеңестер (аула клубтарының жұмысын тиімді ұйымдастыру, спорттық, мәдени бағыттағы іс-шараларды өткізуге яғни, іс-шараның сценарийін әзірлеуге, бағдарламасын дайындауға, үйірмелер мен секция жұмыстарын ұйымдастыру бойынша және т.б.) береді.

5. Орталық жетекшісі аудан орталығында (аудан әкімдігінің келісімі бойынша) кемінде 1 (бір) аула клубының ашылуын және оның жұмысын ұйымдастыруды қамтамасыз етеді.

6. Орталық жетекшісі орталық жанынан құрылған аула клубта кемінде 3 (үш) үйірме, секцияның ашылуын және бекітілген кесте бойынша жұмыс жасауын ұйымдастырады.

7. Орталық ауданда жұмыс жасайтын аула клубтарының жұмысын тиімді және жүйелі ұйымдастыру бойынша тиісті мемлекеттік органдарға ұсыныс жасауға құқылы.

8. Орталық тарапынан берілген тапсырмалар мен ұйымдастыру жүктемелерін ауданда жұмыс жасайтын аула клубтар жүзеге асыруға (келісім бойынша) міндеттеледі.

9. Орталықтың сұранысы бойынша аудандағы аула клубтар (жетекшісі) өз кезегінде тиісті ақпараттар мен мәліметтерді беруге тиісті.

10. Орталық ауданда ай сайын атқарылған жұмыстар туралы ақпараттарды әрбір айдың 25 жұлдызына дейін «Самұрық» инновациялық идеяларды дамыту орталығы» қоғамдық қорына жолдауға міндетті.

11. Орталық ауданда орналасқан аула клубтарының Ережесін бекітуге, жылдық іс-шаралар жоспарын әзірленуіне және орындалуына бақылау жасайды.

12. Орталық ауданда орналасқан аула клубтары тарапынан ұйымдастырылған іс-шараларды мүмкіндігінше аудандық, облыстық БАҚ-на жариялауды қамтамасыз етеді.

13. Орталық аудандағы жасөспірімдер арасында түрлі бағыттар бойынша іс-шаралар ұйымдастыруды қамтамасыз етеді.

14. Орталық жетекшісі аудандағы жергілікті атқарушы органдармен, үкіметтік емес ұйымдармен, БАҚ-мен және аудандық оқушылар үйімен әріптестік қарым-қатынас орнатуды қамтамасыз етеді.

15. Орталық жетекшісі Қармақшы аудандық жастар саясаты мен патриоттық тәрбие беру жөніндегі бірлескен кеңестің мүшесі болуына тиісті мемлекеттік органдарға ұсыным жасауға құқылы.

16. Орталық «Самұрық» инновациялық идеяларды дамыту орталығы» қоғамдық қор директорының бұйрықтарын, шешімдерін басшылыққа алып, орындауға міндетті.

17. Орталық мемлекеттік органдардың құқықтық актілерін басшылыққа алуға және ол бойынша тиісті жұмыстарды жүзеге асыруға міндетті.

18. Орталық өз қызметінде Қазақстан Республикасының Конституциясын, ҚР-ның Азаматтық кодексін, ҚР Еңбек кодексін және «Коммерциялық емес ұйымдар туралы» Заңдарын сонымен қатар, басқада заң актілерін басшылыққа алады.

19. «Аула клубтарының қызметін үйлестіру жөніндегі әдістемелік-ресурстық қызмет жұмысын ұйымдастыру» әлеуметтік қызметінің аға үйлестірушісі және орталық ұсынысы бойынша «Қармақшы ауданындағы аула клубтарының жұмысын үйлестіру бойынша әдістемелік - ресурстық орталығының Ережесіне» өзгерістер мен толықтырулар енгізуге болады.


«Аула клубтарының қызметін

үйлестіру жөніндегі әдістемелік-

ресурстық қызмет жұмысын

ұйымдастыру» әлеуметтік

қызметінің аға үйлестірушісі Қ. Ботжанов

Келісілді: