Жаңақоныс негізгі мектебі

2012-2013 оқу жылы
Жаңақоныс негізгі мектебінде 2012жылғы қыркүйек айынан бастап «Еріктілер қозғалысы» атты ұйым құрылды. Жаңа оқу жылына іс-шаралар жоспары құрылды және бекітілді.

Еріктілер немесе волонтерлер - бұлар өздерінің бос уақытын қоғам ісіне өтеусіз арнайтын жандар.

Өмірдің қиын жағдайына тап болған,әлеуметтік қорғалмаған тұрғындар мен балаларға олар белсенді түрде көмектеседі.

Мектепте қараша айында Бүкіл әлемдік балалар күніне арналған «Барлық әлем мен үшін» атты декада өтті.

Бұл іс-шараның мақсаты-еріктілер қозғалысының практикасын кеңейту,өскелең ұрпақтың құқықтық мәдениетін арттыру.

Осындай мақсатпен басқа да іс шаралар өткізілуде. Желтоқсан-қаңтар айларында соғыс ардагерлерінің отбасыларына көмек көрсетілді.

Рәзия әжей мен Өрік әжейлердің ауласы қардан тазартылды, қысқа отын дайындалды.

Осы атқарылып жатқан игі шаралар шын ниетпен,пейілмен жасалуы қажет.

Әр адам волонтерлыққа түсіністікпен қарап, өз еркімен келуі керек.

Егер олардың саны артатын болса елімізде көптеген жұмыстар атқарылады деп ойлаймын.