Халықтың осал топтары арасындағы

алдын алу жұмысы
ЖИТС ОО мамандарымен облыстағы жалпы халық пен тұрғындардың осал оптары арасында алдын алу және эпидемияға қарсы іс-шаралар жүргізілуде.

ЖИТС ОО базасында СП (сенім пункті) жұмыс істейді, онда халықтың осал топтары қатарынан волонтерлер мен аутрич-қызметкерлер (ИЕТ - инъекциялық есірткі тұтынушылар, КСҚ – коммерциялық секс қызметкерлері) және оқытылған медбикесі бар «Газель» маркалы автомашинада жылжымалы сенім пункті жұмыс жасайды.

Сенім пунктінде инъекциялық есірткі тұтынушылар арасынан 18 волонтер, КСҚ арасынан волонтер жұмыс жасайды.

Инъекциялық есірткі тұтынуға жол беретін адамдар, олар қандай топқа жататындығына қарамастан, АИТВ жұқтыруға қатысты ең осал топтардың бірі болып табылады.

АИТВ-жұқпасы таралуының даму беталысын ескере келе, осал топтар арасында АИТВ-жұқпасының одан әрі таралуын болдырмау үшін және жұртшылық денсаулығын сақтау мүддесінде, инъекциялық есірткіні тұтынуға жол беретін адамдарға тиімді емдеу-профилактикалық бағдарламаларға қолжетімділігін қамтамасыз ету қажет.

АИТВ/ЖИТС алдын алу бағдарламаларын, бірінші кезекте, АИТВ-инфекциясына халықтың неғұрлым осал топтарына кеңейту қажеттілігі, АИТВ-инфекциясына қарсы іс-әрекет саласындағы басымдылық міндеттердің бірі болып табылады.

01.09.2012 жылға ЖИТС МОО мамандарымен 2298 ИЕТ (БОС –тың 56,1%), алдын алу бағдарламасымен қамтылды, қала бойынша жағдайды тез бағалау бойынша 4100 ИЕТ бар. Қамтылған адамдарға 10902 презерватив, 935 ИОМ таратылды. «Зиянды азайту» қағидаты бойынша, пайдаланылған 389400 (74,5%) шприц қайтарылып, орнына жаңа 522563 шприц берілді. Жыл басынан бері 2551 кішігірім-сессия өткізілді, мұнда «Тең-теңімен» қағидаты бойынша АИТВ/ЖИТС алдын алу мәселелері қамтылды.

ЖИТС ОО базасында АИТВ/ЖИТС мәселелері бойынша аутрич-қызметшілердің білімі мен кәсіби тәжірибесін арттыру жөніндегі семинар-тренингтер жүйелі түрде өткізіледі.

9 айда 102 коды бойынша АИТВ-инфекциясына 1480 инъекциялық есірткі тұтынушы тексерілді.

Ағымдағы жылдың 26 маусымында Ақтау қ. «Астана» алаңында, халық арасында есірткіге қарсы акция өткізілді, оған ЖИТС ОО мамандары белсене қатысты.

Акция өткізілген кезінде «ЖИТС-ке қарсы» мүйісі ұйымдастырылды, онда ЖИТС-тің алдын алу және оған қарсы күрес жөніндегі облыстық орталығының мамандары психоәлеуметтік консультация өткізді.Буклеттер, кітапшалар, қабырғалық және қалта күнтізбесі түріндегі ақпараттық-білім беру материалдары, сондай-ақ жекелей қорғаныш құралдары таратылды.

Эпидемиолог-дәрігер Ж. Махамбетқалиева.