2012 жылдың 6-сәуірінде университеттің ғылыми кітапханасында әлеуметтік ғылымдар факультетінің оқырмандарына арналған «Кафедра күндері» атты іс-шара өтті. Осы ашық есік күніне әлеуметтік ғылымдар факультетінің деканы Т.С.Садықов, кафедра меңгерушілері, оқытушылар, магистранттар, студенттер мен кітапхана қызметкерлері келіп қатысты.
Аталған іс-шараны ғылыми кітапхананың директоры Б.Ә.Оразалиев ашты. Оқырмандар ғылыми әдебиеттер, психология, педагогика, философия, дене шынықтыру және спорт сияқты әр сала бойынша ұйымдастырылған көрмені тамашалады, оның ішінде қорға келіп түскен жаңа кітаптармен де танысты. 
Электрондық ресурстар бөлімінің бастығы М.З.Ермағанова оқырмандарға электрондық каталогпен жұмыс істеу туралы мәлімет беріп қана қоймай, толық мәтінді деректер базаларын насихаттады.
Сонымен қатар, сұраныста жоқ кітаптар да көрмеге қойылды. Оқытушылар ескірген, ұмытылып кеткен кітаптарды белгілеп, пікірлерін айтты.
Әлеуметтік ғылымдар факультетінің деканы Т.С.Садықов өткізіліп жатқан іс-шараның маңыздылығын, кітапхананың білім алу жүйесіндегі рөлін атап өтті. Философия кафедрасының меңгерушісі Х.Б.Данысбекова кафедра тарапынан беріліп жатқан тапсырыстардың толықтай орындалып жатқанын айтып, ризашылығын білдірді. Кітапхана мен оқытушылардың тығыз байланыста болуы қордың қажетті әдебиеттермен толығуына кепіл болатынын айтып кетті. Басқа да оқытушылар мен студенттер өздерінің ұсыныстары мен тілектерін білдірді.
Ғылыми кітапханада «Кафедра күндері» жоспарлы түрде мамыр айының соңына дейін жалғасын таппақ.
Барша оқырмандарды Ашық есік күніне шақырамыз!