Біз, «Ислам терроризмге қарсы» конференциясына қатысушылар, өз елімізде тату-тәтті бейбіт өмір сүру және дінаралық келісімді нығайту үшін атсалысамыз және азаматтарымызды өзара түсіністікке, әр түрлі ұлыстардың, мәдениеттер мен діндердің өзара сыйластығына құрылған тұтас қоғамды қалыптастыру ісіне белсенді түрде қатысуға шақырамыз.

Біз Қазақстан Республикасының Президенті Нұрсұлтан Әбішұлы Назарбаевтың конфессияаралық бірлікті нығайту жөніндегі идеяларын жүзеге асыру үшін бар күш-жігерімізді жұмсауға әзір екендігімізді мәлімдейміз.

Біз Елбасымыздың тағдыры бір Қазақстан халқының рухани байлығын дамытуға және сақтауға бағытталған саясатын қолдаймыз.

Біз ата-бабаларымыздың ғасырдан ғасырларға көшіп келе жатқан төл мәдениеті мен салт-дәстүрін құрметтейміз.

Қазақстан Республикасының «Діни қызмет және діни бірлестіктер туралы» заңы әрбір адамның діни ұстанымының ерекшелігіне қарамастан тең құқылы екендігіне кепіл бола отырып, ханафи бағытындағы исламның ел мәдениетінің дамуы мен рухани өміріндегі тарихи рөлін таниды.

Ислам – бұл орасан зор күш, біз асыл дінімізді Қазақстанның өркендеуі жолында дұрыс пайдалана білуіміз керек.

Біз исламның саясилануына қарсымыз. Біз экстремистер мен лаңкестер ұстанатын жалған діни ұрандарға қарсымыз.

Біз бүгінгі таңда ұстамдылыққа, төзімділікке және өзге мәдениеттермен өзара белсенді іс-қимылға қабілетті исламды экстремистер барлық басқа әлемге қарсы қоюға, сол арқылы конфессияаралық бейбітшілікті бұзып қана қоймай, мұсылман үмбетінің ішкі бірлігін де бұзуға талпынуда деген ортақ пікірдеміз.

Біз және Қазақстан мұсылмандары діни басқармасының өкілдері, қазақстандықтардың рухани бірлігін бұдан әрі нығайтуға, Қазақстан қоғамындағы төзімсіздікке, фанатизмге және ксенофобияға қарсы ымырасыз күресуге ниеттіміз.

Біз ұлттық және конфессиялық қатыстылығына қарамастан республикамыздың барлық азаматтарына, қоғамдық және жастар ұйымдарына, дін басшыларына, ғылыми және шығармашылық зиялы қауымға республикалық деңгейдегі экстремизмге қарсы насихат жұмыстарына белсенді түрде қатысуға шақырамыз.

Біз тәуелсіз еліміздің, мәдениетіміз бен дініміздің рухани және өнегелік тұрғыдан қалыптасуына ынталы адамдардың барлығын біздің идеяларымызды қолдауға және Қазақстанның бірлігін нығайтуға бағытталған іс-шараларды жүргізуге шақырамыз.

Біз көп ұлтты еліміздің рухани және өнегелік дәстүрлері жөніндегі жинақталған білімді тұрақты, жүйелі, мақсатты бағытталған түрде насихаттау үшін атсалысамыз.

Біз терроризмді, оның кез-келген көрінісін айыптаймыз.

Біз діни экстремизм мен терроризм идеяларына қарсы тұру үшін және қазақ халқының ұлттық салт-дәстүрлерін сақтау үшін бар күш-жігеріміз бен ақыл-ойымызды біріктіруді көздейміз.

Біз еліміздің рухани байлығын сақтауды жақтаймыз!