Оқу жылындағы атқарылған жұмыстардан есеп

2011-2012 оқу жылындағы атқарылған

жұмыстардан есеп
С.Жаңғабылов атындағы орта мектепте 2011 - 2012 оқу жылында жоспарға сай жыл бойы шаралар атқарылды. Былтырғы оқу жылын 504 оқушымен аяқтады. Оның ішінде үздіктер саны - 87, озаттар – 145. Мектепте «Мәнерлеп оқу», «Драма», «Би», «Спорт» үйірмелері және «Маңғыстау тарихы», «Маңғыстау өсімдіктері», «Маңғыстау жануарлары» факультативтері жұмыс жасады. Мектептің әдістемелік кабинетінде 6 бірлестік жұмыс жасайды. Әр бірлестік оқу жылы басында бекітілген өндірістік жоспарға сай уақытылы апталықтарын өткізіп отырды. Атап айтар болсақ, политехникалық пәндер бірлестігінде «МИФ-тің ғажайып сырлары», гуманитарлық пәндер бірлестігінде «Ана тілім – пір тұтқан кием менің», «Тәуелсіздік арайланған гүл бағым, нұрға бөлеп, жырмен тербер аймағын», эстетикалық пәндер бірлестігінде «Халқымыздың қолөнері – асыл қазына», жаратылыстану пәндер бірлестігінің «Көктем және табиғат», шет тілдер бірлестігінде «Единство народа Казахстана», бастауыш әдістеме бірлестігінде «Ана тілім – бал тілім» атты апталықтар өтілді. Әр апталық өз деңгейінде аса жауапкершілікпен, жоғары дайындықпен өтілді. Мектепте жыл сайын мұғалімдер арасында өткізіліп отыратын 3 буын өкілдерінің апталықтары болды. Қазан айында «Талпыныс» жас мұғалімдер мектебінің «Ұстаз болу менің игі арманым»,орта буын мұғалімдерінің «Шыңдалу» мектебінің «Ұстаз өнегесі – ұрпаққа үлгі», аға буын өкілдерінен құралған «Ізденіс» мектебінің «Ізденіс – кәсіби шеберлік бастауы» атты тақырыптар аясында өтті. Былтырғы оқу жылында мектеп мұғалімдері мен оқушыларының жетістіктері ауыз толтырып айтарлықтай. Қазақ тілі мен әдебиеті пәнінің мұғалімі Жұмағали Айкөркем аудандық қазақ тілі мен әдебиеті пәнінің олимпиадасынан ІІ орын, Қожабергенова Күлпан «Үздік психолог – 2011» аудандық байқауынан Бас жүлде, қазақ тілі мен әдебиеті пәнінің мұғалімі Серикова Нұргүл қазақ тілі мен әдебиеті мұғалімдері үшін «Аудан әкімі гранты» байқауынан ІІІ орындар иеленді. Оқушылар жетістіктері де жоғары деңгейде болды.

№	Аты - жөні	Қатысқан шарасы	Жүлдесі
1.	Молдағараева Амангүл	«Жарқын болашақ», аудан	ІІ орын
2.	Амангелді Ықылас	«Ілияс оқулары», аудан «Маңғыстаунама»,аудан	ІІІ орын ІІ орын
3.	«Драма үйірмесі»	«Жарқын болашақ», аудан	ІІІ орын
4.	Ерғалиева Ботагөз	Сурет көрмесі, облыс	ІІ орын
5.	Рахметов Ербөбек Алдажанова Алтынай	«Ханзада мен Ханша»байқауы, аудан	ІІІ орын
6.	Ақболатова Әзиза	Шығармашылық жастар байқауы, облыс «Сөз сүлейі - Қашаған» ақындар мүшәйрасы, аудан	ІҮ орын Алғыс хат
7.	Ерсайынов Нұрболат	«Маханбет оқулары», аудан	ІІ орын
8.	Қойсарина Сәуле	«Маңғыстаунама», аудан	І орын
9.	Түйебаев Жебе	Аудандық бастауыш математика пәні олимпиадасы, аудан	ІІ орын
10.	Рахметов Райымбек	Ғылыми жоба, «Дарын», облыс республика, жетекшісі Айтуарова А.	ІІІ орын ІІІ орын
11.	Қобыланова Құндыз	«Көктем аруы - 2012», аудан Обл.ғылыми тәжірибелік конференция, облыс жетекшісі: Кенжебекова Г.	Бас жүлде ІІІ орын
12.	Амантай Қасым	Облыстық ғылыми тәжірибелік конференция, облыс,жетекшісі Жұмақалиев Д.	ІІ орын
13.	Ниязбаева Жанерке	Кіші ғылыми жоба (МАН), облыс Республика,жетекшісі Себепбай Б.	ІІІ орын ІІІ орын
14.	Ізғалиев Жарас	«Тәуелсіздіктің 20 жылдығы», жыр-терме жанры, аудан	ІІ орын
15.	Қобдабаев Қасымәлі	«Тәуелсіздіктің 20 жылдығы», жыр-терме жанры, аудан	ІІІ орын
16.	Ниязбаева Жанерке	Ғылыми жоба, аудан Жетекшісі: Себепбай Б.	ІІІ орын
17.	Сүлейменов Нұрбек	Ғылыми жоба, аудан Жетекшісі: Молдажанова Ж.	ІІ орын
18.	Рахметов Ербөбек	Ғылыми жоба, аудан Жетекшісі: Айтуарова А.	ІІ орын
19.	Қобыланова Құндыз	Ғылыми жоба, аудан Жетекшісі: Жексенова А.	ІІІ орын

Бітіруші түлектер Әбдешов Шоң дәне Рахметов Райымбек Республикалық «Қазақстанның үміт артарлары» жинақ кітабына енді. Мектептің 6-7 сыныптардың оқушыларынан құралған «Барыс» командасы дене тәрбиесі пәнінің мұғалімі Едігеев Тимурдың басшылығымен «Қазақстан - Ақтау» телеарнасының ұйымдастыруымен өткен «Дарабоз» спорттық сайысында ІІ орын иеленіп қайтты.

Санатын көтеруге арыз берген Ванова Б., Абай О., Бесінбаева О., Досанова Г., Жұмақалиева Д., Қойшыбаева С. іс-тәжірибелері зерттеліп, аудан, облыс көлемінде таратылды, Едігеев Т., Сұлтанова С., Дүйсенова Р., А. Дәрібаевалардың іс-тәжірибелері мектепішілік таратылды. 6 мұғалім жоғары санатқа, 4 мұғалім І санатқа, 1 мұғалім ІІ санатқа өтті, және 1 мұғалім өзінде бар санатын қайта қорғады.

Өткен оқу жылында мектеп асханасынан 106 оқушы ыстық тамақпен, 126 бала, яғни 2-4 сынып оқушылары сүтпен қамтамасыз етілді. Мектепте 39 аз қамтылған отбасы баласы, оның ішінде жартылай жетім -25, мүжәлсіз отбасы – 2, сәтсіз отбасынан – 11, ата-анасының қамқорлығынсыз қалған 1 бала оқиды. Көп балалы отбасының 52 баласы оқиды. Барлық балалардың жеке құжаттары жинақталған. «Мектепке жол» акциясы өткізіліп, жинақталңан 11160 теңгені арнайы құрылған комиссия мүшелерінің қатысуымен түскен ақшаны аз қамтылған 5 отбасының баласына 2232 теңгеден бөлініп берілді. Жылда облыс, аудан көлемінде тойланатын жаңа жылдық шырша тойына облысқа 1 оқушы, ауданға аудандық шырша тойына сұраныс берілді. 100 000 теңгеге конкурс өткізіліп, аз қамтылған отбасыларының 9 баласына киім алынып берілді.

Биылғы оқу жылы да мектеп үшін жақсы жетістіктерімен басталды. Әр түрлі сайыстардан жүлделі орын алған оқушылардың жетістіктері соның дәлелі.

№	Оқушының аты-жөні	Сыныбы	Қатысқан шарасы	Жүлдесі
1.	Көптілеуов Мерей	9	«Абай әндері» аудан	Бас жүлде
2.	Тұрарбекова Мадина	8	«Абай оқулары» аудан	Бас жүлде
3.	Түйебаев Жебе	5	«Ілияс оқулары» аудан «Махамбет оқулары» аудан	Бас жүлде ІІ орын
4.	Ерсайынов Нұрболат	10	«Тәу етер жалғыз кием, Тәуелсіздік!» аудан	ІҮ орын
5.	Ерубаева Мадина	5	«Ілияс оқулары» аудан	ІІІ орын
6.	Қалыбай Бекарыс	5	«Жамбыл оқулары» аудан	ІІІ орын

Желтоқсан айының 21-22 күндері аралығында өткен аудандық пәндік олимпиадаға қатысқан оқушыларымыз да жүлдесіз емес.

№	Оқушының аты-жөні	Сыныбы	Пәні	Алған орны
1.	Сүлейменов Нұрбек	11	Математика	ІІ
2.	Сатиман Әліби	11	Тарих	ІІ
3.	Қыдырбай Айдана	10	Физика	ІІ
4.	Қойшыбаева Ләззат	10	География	ІҮ
5.	Оразова Дария	9	Құқық	ІҮ
6.	Амангелді Жайнагүл	9	Физика	ІҮ
7.	Мергенова Айдана	9	Әдебиет	ІҮ
8.	Омарова Ақсынай	8	Математика	ІІІ
9.	Қобдабаев Мерей	8	Ағылшын тілі	ІҮ
10.	Ізғали Шапағат	8	Физика	ІҮ

Осы аталған оқушылардың ішінен ІІ орын алған оқушылар Сүлейменов Н., Сатиман Ә., Қыдырбай А. облыстық олимпиадаға орын алған. Қаңтар айының 8-9 кундері аралығында өткен облыстық олимпиададан тарих пәні бойынша Сатиман Әліби ІІІ орынға ие болды.

Мектепішілік «Үздік сынып жетекші - 2013» байқауы өткізіліп, қатысқан сынып жетекшілердің ішінен бастауыш пәні мұғалімі Сисенбаев а Ардақ бас жүлдені жеңіп алды.