Почталық индекстеу анықтамалығы әдістемелік құрал ретінде почта байланысының клиенттері үшін басылып шығарылады және қала, қала үлгісіндегі кенттер, аудан орталықтары мен ауылдық елді мекендердің өндіріс объектілерінің почта индекстері жайлы деректерден тұрады.

Барлық атаулар Қазақстан Республикасы облыстарының атаулары мен тұрғысында алфавиттік тізбекпен берілген. Цифрмен белгіленген шартты белгіден басталатын елді мекендердің атаулары әр облыс бойынша тізімнің соңында көрсетілген.

Осы Анықтамалықта қандай да бір елді мекен болмаған жағдайда елді мекен орналасқан аумақтағы аудан орталығының индексін қолдану қажет.

Почта индексі алты белгіден тұрады және мына үлгіде беріледі:

1 мен 2 белгі - облыс коды ;

3 пен 4 белгі - аудан коды ;

5 пен 6 белгі - елді мекеннің коды.

Мысалы : 020103

02 - Ақмола облысы ;

01 - Ақкөл ауданы ;

03 - Иванов с. ( почта байланысының бөлімшесі бар елді мекен ) .

Индекстер почталық жөнелтілімдердің барлық түрлерінде, яғни алушының да, жөнелтушінің де адрестерінде көрсетілуге тиіс.

• 
  адресаттың немесе жөнелтушінің атауы (заңды тұлғалар үшін тегі, есімі, әкесінің есімі);
  
• 
  көшенің аты, үй нөмірі, пәтер нөмірі;
  
• 
  елді мекеннің атауы (қала, кент т.с.с.);
  
• 
  почта байланысы бөлімшесінің атауы немесе нөмірі;
  
• 
  ауданның атауы;
  
• 
  облыстың атауы;
  
• 
  ел атауы (халықаралық почта жөнелтілімдері үшін);
  
• 
  почта индексі.