ШҚо тжд аягөз ауданының Төтенше Жағдайлар Бөлімінің жеке және заңды тұлғалардың өтініштерін қабылдау бойынша

ШҚО ТЖД Аягөз ауданының Төтенше Жағдайлар Бөлімінің жеке және заңды тұлғалардың өтініштерін қабылдау бойынша

Қазақстан Республикасының 2007 жылғы қаңтардың 12 күнгі «Жеке және заңды тұлғалардың өтініштерін қарау тәртібі туралы» Заңының 8 бабының 1, 2 тармақтарына сәйкес

8-бап. Өтінішті қарау мерзімдерi

1. Қарау үшін өзге субъектілерден, лауазымды тұлғалардан ақпарат алу не жергілікті жерге барып тексеру талап етілмейтін жеке және (немесе) заңды тұлғаның өтініші күнтізбелік он бес күн ішінде қаралады.

2. Қарау үшін өзге субъектілерден, лауазымды тұлғалардан ақпарат алу не жергілікті жерге барып тексеру талап етілетін жеке және (немесе) заңды тұлғаның өтініші субъектіге, лауазымды тұлғаға келіп түскен күнінен бастап күнтізбелік отыз күн ішінде қаралады және ол бойынша шешім қабылданады.

Қосымша зерделеу немесе тексеру жүргізу қажет болған жағдайларда, қарау мерзімі күнтізбелік отыз күннен аспайтын мерзімге ұзартылуы мүмкін, бұл туралы қарау мерзімі ұзартылған кезден бастап күнтізбелік үш күн ішінде арыз берушіге хабарланады».

Сонымен қатар, өтінішке жеке тұлғалармен жеке кәсіпкерлер келесі құжаттардың көшірмелерін қоса ұсыну қажет: нысан иесінің жеке куәлігі, жеке кәсіпкер куәлігі (егер нысан коммерциялық болса), нысанды іске қосу қабылдау актісі.

Заңды тұлғалар өтінішті өздерінің фирмалық бланктерінде шығыс нөмірімен күнін көрсетіп, келесі құжаттар көшірмелерімен бірге беруі тиіс: заңды тұлғаның мемлекеттік тіркеу куәлігі, статистикалық карта және СТН.

Соңғы уақытта азаматтардың өтініштерді қабылдау кестесін бұзатындықтарынан, төменде Аягөз ауданының ТЖБ-нің жеке және заңды тұлғалардың өтініштерін қабылдау кестесін келтіреміз:

Дүйсенбіден бейсенбіге дейін қабылдау уақыты 09:00-12:00 дейін

(12:00 кейін өтініштер қабылданбайды).

Жұма – профилактикалық күн.

ШҚО ТЖД «Өрт сөндіру және авариялық құтқару жұмыстары қызметі» ММ

№ 50 ӨСБ ҚКТ инженері

өртке қарсы қызмет аға лейтенанты

Д.М.Байнакаров