«
Спорт деген бір сиқыр», «спорт деген саясат» деген сөздердің ойдан шығарылмағанын ескерсек, салауатты өмір салты, спортқа баулу мәселесі басты назарда ұсталатын маңыздылардың бірі.
Мектебіміздің дене шынықтыру пәні мұғалімдері аудан, облыс, республикада өткен жарыстарға белсенді қатысып, жетістіктерін көрсетуде. Оқушылары волейбол, баскетбол, теннис, шахмат, дзюдо, каратэ, күрестен аудан, облыс чемпионы атануда.
Осыған дәлел ретінде 2012 жылдың 18-21 қазан аралығында Республикалық дене тәрбие және спорт агенттігінің және әскерге шақыруға дейінгі жастар арасында Республикалық әскери спорт клубтар федерациясының ұйымдастыруымен Щучье қаласында сайыс өткізілді. Бұл сайысқа әр облыстан іріктелген әскери спорттық клубтар қатысты. Сайыстың мақсаты: Республикалық әскери спорттық клубтарды анықтау, жастарды елжандылыққа, отаншылдыққа және патриоттыққа тәрбиелеу. Республикалық Қорғаныс Министрінің Кадет корпусы мен ЦСКА спорт базасында саптық дайындық, автоматты жинақтау мен бөлшектеу, әскери эстафета, мылтық ату, 200-2000 метрге жүгіру, граната лақтыру түрінде өткізілген сайыстан біздің команда ел намысын қорғады.
Шығыс Қазақстан облысы бойынша Семей қаласы Шәкәрім атындағы ОДБ ҮТО ММ-тің «Жас Қыран» әскери спорт клубы қатысып, команда бойынша автоматты жинақтау мен бөлшектеуден ІІ орын, саптық дайындықтан ІІІ орын, 2000 метрге жүгіруден ІІІ орынды жеңіп алды.
Жекелеген сайыста автоматты жинақтау мен бөлшектеуден 11 «Ә» сынып оқушысы Төлеумұхаметов Саяхат ІІІ орынға ие болса, 200 метрге қашықтықтан жүгіруден 11 «Б» сынып оқушысы Нұржанов Дархан ІІ орынды иеленді.
Команда бойынша ІІІ орынға ие болған әр қатысушылар қола медаль мен гармоталармен марапатталса, жаттықтырушылары Түсіпов Серік Асаубайұлы мен Жакупов Шалқар Асқарбекұлына медаль мен грамота тапсырылды. Қатысушылар Бурабайдағы «Зеленый бор» санаториінде демалып қайтты.
