O’ZBEKISTON TRANSPORT, YO’L VA KAPITAL QURILISH,

QURILISH INDUSTRIYASI XODIMLARI KASABA UYUSHMASI

M A R KA Z I Y K E N G A SH I

R A Y O S A T Q A R O R I

2011 yil 17 fevral Тoshkent sh. 5-19 «О» son

Тармоқ касаба уюшмаси тизимидаги касб-хунар коллеж талабалари ўртасида мини-футбол бўйича (йигитлар), волейбол бўйича (қизлар) спорт мусобақасини ўтказиш тўғрисида

Тармоқ касаба уюшма Марказий Кенгашининг 2012 йил учун мўлжалланган иш режасига асосан ҳамда касаба уюшма тизимида бўлган касб-ҳунар коллеж талабаларини жисмоний тарбия ва спортга кенг жалб қилиш, соғлом турмуш тарзини тарғиб этиш, улар ўртасида жисмоний тарбия ва спортнинг оммавийлигини ошириш мақсадида Марказий Кенгаш Раёсати қарор қилади:
1. 2012 йилнинг апрел-май ойларида тармоқ касаба уюшмаси тизимидаги касб-ҳунар коллеж талабалари ўртасида қуйидаги босқич ва муддатларда мини-футбол бўйича (йигитлар), волейбол бўйича (қизлар) спорт мусобақаси ўтказилсин:

I босқич (спорт мусобақасининг саралаш қисми) – апрел ойининг биринчи ярмида худудларда жойлашган касб-хунар талабалари спорт жамоалари ўртасида;

II босқич (спорт мусобақасининг зонал қисми) – апрел ойининг иккинчи ярмида Наманган шаҳрида (Андижон, Наманган ва Фарғона вилоятлари бўйича I босқич ғолиблари ўртасида); Самарқанд шаҳрида (Сурхондарё, Қарши, Навоий ва Самарқанд вилоятлари бўйича I босқич ғолиблари ўртасида); Урганч шаҳрида (Қорақалпоғистон Республикаси, Бухоро ва Хоразм вилояти бўйича I босқич ғолиблари ўртасида); Тошкент шаҳрида (Тошкент шаҳри, Тошкент, Сирдарё ва Жиззах вилоятлари бўйича I босқич ғолиблари ўртасида);

III босқич (спорт мусобақасининг финал қисми) – жорий йилнинг май ойида Тошкент шаҳрида (II босқич ғолиблари ўртасида).

2. Спорт мусобақасининг ўтказиш Низоми ва унинг ўтказиш бўйича ташкилий қўмита таркиби ҳамда мусобақанинг финал қисмини ўтказиш бўйича харажатлар сметаси 1,2 ва 3- иловаларга мувофиқ тасдиқлансин.

3. Қорақалпоғистон Республикаси, вилоятлар ва Тошкент шаҳар тармоқ касаба уюшмалари Кенгашларини раисларига:

2 хафта муддатда ушбу қарор асосида тегишли Кенгаш қарорини қабул қилиб уни ва тасдиқланган Низомни касаба уюшма тизимида бўлган барча касб-хунар коллежларига етказиш;

спорт мусобақасининг саралаш қисмини белгиланган муддатларда ўтказиш;

спорт мусобақасида касб-хунар коллежлари талабалари спорт жамоаларини иштирок этишини таъминлаш;

жорий йилнинг 20 апрелига қадар ўтказилган I босқич (спорт мусобақасининг саралаш қисми) бўйича маълумотномаларни, унда иштирок этган ва ғолиб деб топилиб II босқичда иштироқ этиш учун йўлланмани қўлга киритган касб-хунар коллеж спорт жамоалари буюртмаларни Тошкент шаҳар, Наманган, Самарқанд, Хоразм вилоятлари тармоқ касаба уюшмалари Кенгашлари(нусҳаси касаба уюшма МК)га тақдим этиш;

жорий йилнинг 5 майига қадар спорт мусобақасини II босқичи (спорт мусобақасининг зонал қисми)да иштироқ этган ва ғолиб деб топилиб спорт мусобақасини III босқичи (финал қисми)да иштироқ этиш учун йўлланмани қўлга киритган ҳудуд касб-хунар коллеж спорт жамоалари буюртмаларни касаба уюшма МКга тақдим этиш топширилсин.

4. Тошкент шаҳар, Наманган, Самарқанд, Хоразм вилоят тармоқ касаба уюшмалари Кенгаши раислари спорт мусобақасининг зонал қисмига маъсул эканлиги белгилансин ҳамда уларга:

спорт мусобақасининг зонал қисмини белгиланган муддатларда юқори савияда, тасдиқланган Низом ва амалдаги тартиб-қоидаларга риоя қилган ҳолда ташкил этиш ва ўтказиш;

спорт мусобақасининг зонал қисмини молиялаштириш учун (спорт қатнашчиларни ва ғолибларни тақдирлаш, уларни овқатлантириш билан боғлиқ бўлган харажатлар) аниқ харажатлар сметасини ишлаб чиқиб, касаба уюшма МКга тақдим этиш;

жорий йилнинг 5 майига қадар, ўтказилган II босқич (спорт мусобақасининг зонал қисми) бўйича маълумотномаларни (фотолавхалар билан) касаба уюшма МКга тақдим этиш топширилсин.

5. Касаба уюшма Марказий Кенгаши меҳнат муҳофазаси бўлими мудири (Д.А. Абдурахмонов)га ўтказилган спорт мусобақа бўйича маълумотларни ўрнатилган тартибда Ўзбекистон касаба уюшмалари Федерацияси жимоний тарбия ва спорт жамияти Марказий Кенгашига тақдим этиш ҳамда интернет тармоғидаги Ўзбекистон транспорт, йўл ва капитал қурилиш, қурилиш индустрияси ходимлари касаба уюшма веб-сайтига жойлаштириш топширилсин.

6. Касаба уюшма Марказий Кенгаши бош ҳисобчиси (М.Т. Розиқова)га:

спорт мусобақаларининг зонал қисмини молиялаштириш учун Тошкент шаҳар, Наманган, Самарқанд, Хоразм вилоят тармоқ касаба уюшма Кенгашлари томонидан тақдим этган харажатлар сметаларини текшириш, тасдиқлатиш ҳамда молиялаштириш;

спорт мусобақаларининг финал босқичига мўлжалланган пул маблағини тасдиқланган сметага асосан молиялаштириш топширилсин.

7. Мазкур қарорнинг ҳамда спорт мусобақасининг ўтказиш Низом талабларини бажарилишини назорат қилиш касаба уюшма Марказий Кенгаш раисининг ўринбосари А.М. Мадалимов зиммасига юклатилсин.

Марказий Кенгаш раиси О.Т. Тургунов

Ўзбекистон транспорт, йўл ва капитал қурилиш, қурилиш индустрияси ходимлари касаба уюшмаси МК Раёсатининг

2012 й. ____ феврал № ______ сонли қарорига

1- илова

Тармоқ касаба уюшмаси тизимидаги бўлган касб-хунар коллеж талабалари ўртасида мини-футбол бўйича (йигитлар), волейбол бўйича (қизлар) спорт мусобақасини ўтказиш

НИЗОМИ

1. 
   Мақсад ва вазифалар
   

Спорт мусобақасини ўтказишдан кўзланган мақсадлар:

касб-хунар коллежлар орасида спортни оммалаштириш ва ривожлантириш;

касб-хунар коллеж талабаларида соғлом турмуш тарзини шакллантириш, уларни жисмоний тарбия ва спортга жалб этиш, улар ўртасида жисмоний тарбия ва спортнинг оммавийлигини ошириш;

жисмоний тарбия ва спорт соғломлаштириш ишларини ташкил этишда касаба уюшмаси қўмиталарини фаолиятини ошириш.
II. Спорт мусобақасининг ўтказишга раҳбарлиқ қилиш
Спорт мусобақасининг ташкиллаштириш ва уни ўтказишга умумий раҳбарлик қилиш касаба уюшмаси Марказий Кенгашининг тузилган ташкилий қўмитаси томонидан амалга оширилади.

Спорт мусобақасининг I-чи(спорт мусобақасининг саралаш қисми) ва II-чи(спорт мусобақасининг зонал қисми) босқичларида тайёргарлик кўриш ва ўтказишга раҳбарлик қилиш, жойларда тузилган ташкилий қўмиталар томонидан амалга оширилади.

Мусобақаларда ҳакамлик қилиш касб-хунар коллежларини жисмоний тарбия ва спорт ўқитувчилари томонидан амалга оширилади.

3. 
   Спорт мусобақасининг ўтказиш жойи ва муддати
   

I босқич (саралаш қисми)	худудларда жойлашган касб-хунар коллежлари спорт жамоалари ўртасида	апрел ойининг биринчи ярмида
II босқич (зонал қисми)	Наманган шаҳрида (Андижон, Наманган ва Фарғона вилоятлари бўйича I босқич ғолиблари ўртасида); Самарқанд шаҳрида (Сурхандарё, Қарши, Навоий ва Самарқанд вилоятлари бўйича I босқич ғолиблари ўртасида); Урганч шаҳрида (Қорақалпоғистон Республикаси, Бухоро ва Хоразм вилояти бўйича I босқич ғолиблари ўртасида); Тошкент шаҳрида (Тошкент шаҳри, Тошкент, Сирдарё ва Жиззах вилоятлари бўйича I босқич ғолиблари ўртасида).	апрел ойининг иккинчи ярмида
III босқич (финал қисми)	Тошкент шаҳрида (II босқич ғолиблари ўртасида)	май ойида

IY. Спорт мусобақасининг ўтказиш шартлари

Мини-футбол бўйича (йигитлар).

Жамоа таркиби – 9 кишидан кўп бўлмаган холда (дарвозабон + 4 майдон ўйинчиси, 2 захирадаги ўйинчи, мураббий ҳамда жамоа раҳбари (касб-ҳунар коллеж касаба уюшма қўмитаси раиси ёки вилоят Кенгаш раиси)дан иборат.

Хар бир ўйин давом этиш муддати – 2 тайм 20 дақиқадан. Тайм оралигида – 10 дақиқадан танаффус.

Ўйинлар давра тизимида ўтказилади.

Жамоалар ўринлари жаъми ўйинлар бўйича энг кўп тўпланган очколар миқдори бўйича аниқланади.

Очколарни хисобланиши: ютуқ – 3 очко, дуранг – 1 очко, мағлубият – 0 очков.

Агар 2 та жамоаларнинг очколари тенг бўлган холда қўйидаги кўрсаткичлар эътиборга олиниб ғолиб аниқланади:

а) ўзаро ўйиндаги ғолиблик;

б) ўйинларда киритилган ва ўтказилиб юборилган тўплар нисбати;

в) энг кўп киритилган тўплар миқдори.

Агар финал ўйинларида асосий вақт дуранг натижа билан тугаланган холда, ўйиндан кегин пеналтилар белгиланади (3 маротаба)дан.

Ҳакамлик амалдаги мини-футбол қоидалар асосида ва ушбу Низом талабларини инобатга олган холда амалга оширилади. Бошқа ўзгаришлар хар бир ўйиндан олдин ўйин бош ҳаками билан келишилган холда тартибга солинади.

Қизил карточкага эга бўлиб ўйиндан чиқариб юборилган ўйинчи келгуси ўйинни ўтказиб юборади.

Волейбол бўйича (қизлар).

Жамоа таркиби – 10 кишидан кўп бўлмаган холда (6 майдон ўйинчиси, 2 захирадаги ўйинчи, мураббий ҳамда жамоа раҳбари (касб-ҳунар коллеж касаба уюшма қўмитаси раиси ёки вилоят Кенгаш раиси)дан иборат.

Ўйинлар давра тизимида ўтказилади ва уч партиядан ўйналади. Учинчи партия “тайм-брек” усули бўйича ўтказилади.

Уч ва ундан ортиқ жамоалар очколари тенг бўлганида имтиёз афзал кўрсаткичга эга бўлган жамоага кетма-кетлик асосида берилади. Унда биринчи навбатда:

а) ютуқ ва ютуқсиз партияларнинг афзалликдаги фарқи;

б) ютуқ ва ютуқсиз партиялардаги тўпларнинг афзалик нисбати инобатга олинади.

Ҳакамлик амалдаги волейбол қоидалар асосида ва ушбу Низом талабларини инобатга олган холда амалга оширилади. Бошқа ўзгаришлар хар бир ўйиндан олдин ўйин бош ҳаками билан келишилган холда тартибга солинади.

Жамоа раҳбарлари ҳакамлар қарорига таъзиқ етказишга ҳақли эмаслар ва ўйин вақтида иштироқчиларнинг интизоми учун тўла жавобгардирлар. Ҳар бир иштироқчи жамоа юқори интизомга риоя этишга, ҳамжиҳатлик асосида ҳаракат қилишга, рақиблар, ҳакамлар, ишқибозларга нисбатан ҳурмат сақлашга мажбурдирлар.

Жамоа ўйинга 15 дақика кечикган (чиқмаган, ўйинни сабабсиз тарқ этган) ҳолларда ушбу жамоага мағлубият ёзилади.
Y. Мусобақада қатнашувчи жамоаларни расмийлаштириш тартиби

Касб-хунар коллеж спорт жамоалари мусобақаларда иштироқ этиш учун мусобақа бошланишидан бир кун олдин ташкилий қўмитага ҳар бир спорт тури (алоҳида мини-футбол ва волейбол) бўйича ўрнатилган шаклида буюртма тақдим этадилар.

Буюртма тибиёт муассаса ва коллеж касаба уюшма қўмита раиси томонидан имзоланган ҳамда коллеж раҳбари томонидан тасдиқланган бўлиши шарт.

Нотўғри тузилган ва расмийлаштирилган буюртма берилган тақдирда бутун спорт жамоаси ташкилий қўмита томонидан мусобақадан четлаштирилади ва умуман иштироқ этмаган деб ҳисобланади.

Спорт мусобақаси иштироқчиси (коллеж талабаси)да паспорт (ксерокопия қилинган нусхаси қабул қилинмайди), касб-хунар коллежида ўқиятгалиги тўғрисида гувоҳнома ёки фотосурати ёпиштирилган ва коллеж раҳбари томонидан тасдиқланган маълумотнома бўлиши шарт.

Мусобақа даврида спорт жамоалар иштироқчилар орасида ёлланган профессионал спортчи ёки буюртмада кўрсатилган ўйинчини ўрнига бошқа (соҳта) ўйинчи иштироқ этаётгани аниқланган тақдирда бутун спорт жамоаси ташкилий қўмита томонидан мусобақадан четлаштирилади ва умуман иштироқ этмаган деб ҳисобланади.

YI.Мусобақа ғолибларининг тақдирлаш

Мусобақани I босқич ғолиблари (I, II ва III ўринларга эга бўлган спорт жамоалари) худудий Кенгаш таркибида тузилган ташкилий қўмиталар томонидан тақдирланади. Ғолибларни тақдирлаш учун диплом ва жамоавий соврин қиймати қуйидаги лимитларда белгиланади:

I ўрин учун - энг кам иш ҳақининг 1 бараваригача;

II ўрин учун - энг кам иш ҳақининг 0,8 бараваригача;

III ўрин учун - энг кам иш ҳақининг 0,5 бараваригача.

Мусобақани II босқич ғолиблари (I, II ва III ўринларга эга бўлган спорт жамоалари) Тошкент шаҳар, Наманган, Самарқанд, Хоразм вилоятлари касаба уюшма Кенгашлари таркибида тузилган ташкилий қўмиталар томонидан тақдирланади. Ғолибларни тақдирлаш учун диплом ва жамоавий соврин қиймати қуйидаги лимитларда белгиланади:

I ўрин учун - энг кам иш ҳақининг 2 бараваригача;

II ўрин учун - энг кам иш ҳақининг 1 бараваригача;

III ўрин учун - энг кам иш ҳақининг 0,8 бараваригача.

Мусобақани III босқич ғолиблари (I, II ва III ўринларга эга бўлган спорт жамоалари) касаба уюшма Марказий Кенгаши таркибида тузилган ташкилий қўмиталар томонидан тақдирланади. Ғолибларни тақдирлаш учун диплом ва жамоавий соврин қиймати қуйидаги лимитларда белгиланади:

I ўрин учун - энг кам иш ҳақининг 3 бараваригача;

II ўрин учун - энг кам иш ҳақининг 2 бараваригача;

III ўрин учун - энг кам иш ҳақининг 1 бараваригача.

Жамоавий совриндан ташқари барча босқичларда иштироқ этган жамоа қатнашчилар(фақат ўйинчилар)нинг ҳар бири тегишли даражадаги медаль ва эсдалик совға билан тақдирланади. Медаль ва эсдалик совға қиймати қуйидаги лимитларда белгиланади:

I ўрин эгаллаган жамоа таркибида - энг кам иш ҳақининг 0,5 бараваригача;

II ўрин эгаллаган жамоа таркибида - энг кам иш ҳақининг 0,3 бараваригача;

III ўрин эгаллаган жамоа таркибида - энг кам иш ҳақининг 0,2 бараваригача.

Мусобақа ўйинларида фаол иштироқ этган ҳакамлар ташкилий қўмитанинг дипломи ва эсдалик совғалари билан тақдирланади. Диплом ва эсдалик совға қиймати энг кам иш ҳақининг 1 бараваригача белгиланади.

YII. Спорт мусобақасининг молиявий таъминоти

Спорт мусобақасининг I босқичини ўтказишини тайёрлаш ва уни ўтказиши билан боғлик сарф-харажатлар Қорақалпоғистон Республикаси, вилоятлар ва Тошкент шаҳар тармоқ касаба уюшмаси Кенгашлари ҳамда тармоқ тизимида бўлган касб-хунар коллежлари касаба уюшма қўмиталарининг зиммасига юклатилади.

Спорт мусобақасининг II босқичини ўтказишини тайёрлаш ва уни ўтказиши билан боғлик сарф-харажатлар (жу жумладан иштироқчиларни овқатлантириш, соврин ва совғалар билан тақдирлаш ва бошқалар) Тошкент шаҳар, Наманган, Самарқанд, Хоразм вилоятларини тармоқ касаба уюшма Кенгашлари таркибида тузилган ташкилий қўмиталар зиммасига юклатилади ҳамда касаба уюшма МК томонидан молиялаштирилгандан сўнг улар томонидан амалга оширилади.

Спорт мусобақасининг III босқичини ўтказишини тайёрлаш ва уни ўтказиш билан боғлик сарф-харажатлар (жу жумладан ётоқхона харажатлари, иштироқчиларни овқатлантириш, соврин ва совғалар билан тақдирлаш ва бошқалар) касаба уюшма МК таркибида тузилган ташкилий қўмита зиммасига юклатилади ҳамда МК ҳисобидан амалга оширилади.

Спорт мусобақасининг II-чи ва III-чи босқичларида иштироқ этиш билан боғлиқ сарф-харажатлар (мусобақалар ўтадиган жойларга келиб-кетиш, иштироқчиларини спорт формалари билан таъминлаш ва кунлик пул харажатлари) жўнатувчи ҳудудий Кенгашлари ҳисобидан амалга оширилади.


Ўзбекистон транспорт, йўл ва капитал қурилиш, қурилиш индустрияси ходимлари касаба уюшмаси МК Раёсатининг

2012 й. ____ феврал № ______ сонли қарорига

2- илова

Тармоқ касаба уюшмаси тизимидаги бўлган касб-ҳунар коллежлари талабалари ўртасида спорт мусобақасининг финал қисмини ўтказиш бўйича

Марказий Кенгашида таркибида тузилган ташкилий қўмита

ТАРКИБИ

Қўмита раиси	Турғунов О.Т.	Марказий Кенгаш раиси
Комиссия раиси ўринбосари	Мадалимов А.М.	МК раис ўринбосари
Қўмита аъзолари	Мирзажонов А.	МК ташкилий ишлар бўлими мудири
	Абдурахмонов Д.А.	МК меҳнат муҳофазаси бўлими мудири
	Розиқова М.Т.	МК бош ҳисобчиси
	Худойбердиева Ш.Л.	МК етакчи мутахассиси
	Мавлонов А.Ж.	Тошкент шаҳар тармоқ касаба уюшма Кенгаши раиси
	Бурхонов Ш.Д.	Самарқанд вилояти тармоқ касаба уюшма Кенгаши раиси
	Абдурахмонов И.Т.	Наманган вилояти тармоқ касаба уюшма Кенгаши раиси
	Хаитов Р.Х.	Хоразм вилояти тармоқ касаба уюшма Кенгаши раиси

Ўзбекистон транспорт, йўл ва капитал қурилиш, қурилиш индустрияси ходимлари касаба уюшмаси МК Раёсатининг

2012 й. ____ феврал № ______ сонли қарорига

3- илова

Тармоқ касаба уюшмаси тизимида бўлган касб-ҳунар коллежлари талабалари ўртасида спорт мусобақасининг финал қисмини ўтказиш бўйича сарф-харажатлар
СМЕТАСИ
Спорт мусобақасини финал қисмида иштироқ этадиган жамоалар сони – 8.

Иштироқчилар сони мини-футбол бўйича – 9 киши х 4 жамоа = 36 киши, волейбол бўйича 10 киши х 4 жамоа = 40 киши. Жаъми – 76 киши.

1.Мусобақа иштироқчиларининг ётоқхона харажатлари:

76 киши Х 25 000 сум = 1 900 000 сум.

Тошкент вилояти жамоаси (9 киши)дан ташқари.

2. Мусобақа иштироқчиларининг озиқ-овқат харажатлари:

76 киши Х 10 000 сум Х (3 марта овқатланиш ҳисобидан) = 2 280 000 сум
3. Мусобақа ғолибларини тақдирлаш харажатлари:

Совриндор ўринлар	Диплом ва жамоавий соврин қиймати	Иштироқ этган жамоа қатнашчиларининг тегишли даражадаги медаль ва эсдалик совғалари қиймати	Жаъми
I ўрин	62920 х 3 = 188 760	31460 х 15 = 471 900	660 660
II ўрин	62920 х 2 = 125 840	18876 х 15 = 283 140	408 980
III ўрин	62920	12584 х 15 = 188 760	251 680
Жаъми:	377 520	943 800	1 321 320

4. Мусобақа ўйинларида фаол иштироқ этган ҳакамларни тақдирлаш учун харажатлар:

Диплом ва эсдалик совға билан тақдирлаш учун харажат

3 киши х 62920 = 188 760 сум
5. Жаъми харажатлар:

1 900 000 + 2 280 000 + 1 321 320 + 188 760 = 5 690 080 сум