«Түгәрәк саннарны тапкырлау»

Математика 2 класс

УМК «Перспектива»буенча төзеде: Шекше урта гомуми белем бирү мәктәбенең I категорияле башлангыч класслар укытучысы Ханнанова Алсу Саубановна

Тема: «Түгәрәк саннарны тапкырлау»

Максатлар:

укучыларны «Түгәрәк саннарны тапкырлау» темасын өйрәнүгә мотивлаштыру;
тапкырлау гамәленең эчтәлеге турындагы белемнәрне актуальләштерү;
түгәрәк саннарны тапкырлау ысуллары белән таныштыру;
өйрәтергә:

100 эчендәге түгәрәк саннарны ике төрле ысул белән тапкырлауны;
икеурынлы түгәрәк санны берурынлы санга тапкырлауның рациональ ысулын табу һәм үз фикереңне нигезләүне;
түгәрәк саннарны тапкырлауның төрле ысулларын комментарияләргә;
максатка туры китереп биремнәрне үтәү.

УУД

Шәхси: яңа теманы өйрәнүгә кызыксыну булдыру.

Регулятив: икеурынлы түгәрәк саннарны тапкырлауның рациональ ысулын табу.

Танып-белү: 100 эчендәге түгәрәк саннарны ике төрле ысул белән тапкырлау.

Коммуникатив: түгәрәк саннарны тапкырлауның төрле ысулларын комментарияләү.

Эш формалары: фронталь, парлап, индивидуаль.
Дәрескә җиһазлар:

компьютерда презентация;
биремле карточкалар;
үзбәя өчен карточкалар.
эш дәфтәре

Дәрес материалы.

Математика дәреслеге, Г.В. Дорофеев, Т.Н.Миракова, II кисәк, 17-18 нче битләр.
Интернет – ресурслар.

Дәрес тибы: яңа тема аңлату.

Дәреснең структурасы:

Оештыру өлеше.
Үзбилгеләмә , эшчәнлекнең алымнарын билгеләү. Уку мәсьәләсен кую.
Уку мәсьәләсен чишү, танып-белү эшчәнлеге:

белемнәрне актуальләштерү;
икеурынлы түгәрәк саннарны тапкырлау ысулларын табу;

4. Модельләштерү.

5. Практик – мөстәкыйль эшчәнлек;

Рефлексия.

Үзанализ һәм үзбилге.

ДӘРЕС КОНСПЕКТЫ

Тема: Түгәрәк саннарны тапкырлау

Дәрес барышы:

Оештыру өлеше.

- Исәнмесез, укучылар. Утырыгыз, дәресне башлыйбыз.

- Дәреснең девизы итеп мин академик А.Александровның “Математика үзенең катлаулылыгы, авырлыгы белән файдалы!” –дигән сүзләрен сайладым. Сез килешәсезме аның белән?

II. Уку мәсьәләсен кую.

Галим Ябалак та үзенең математика турындагы фикерен шифрлар белән биргән, укыр өчен сездән ярдәм сорый.

СЛАЙД 2

- Шифрларны укый аласызмы?Җавап бирүе авыррак,бу аңлашыла да, тема яңа бит. Моның өчен нәрсә белергә кирәк? Сезнең өйрәнергә теләгегез бармы соң?

30 Х 3=...ТЕ 40:4=...С

2 Х 40=...Ы 60:10=...КА

12:6=...НӘР 70:10=...ФӘН

50Х2=...ПАТ 60:2=...ТИ

80:2=...МА 7 Х3=...ША

40	90	40	30	6		7	2		100	21	10	80
ма	те	ма	ти	ка	-	фән	нәр		пат	ша	с	ы

-Дәрес ахырында Галим Ябалак сүзләрен кабат укып карарбыз.

III. Уку мәсьәләсен чишү.

Белемнәрне актуальләштерү.

- Сез берурынлы саннарны тапкырлый беләсез. Мисаллардатапкырлау гамәлен кушу белән алыштырыгыз һәм киресенчә. Бирем№1не вариантлап эшлибез.

СЛАЙД 3.

Беренче вариант

2 + 2 + 2 + 2 + 2 =

6 + 6 + 6 =

4 + 4 + 4 +4 =

Икенче вариант

3 х 5 =

5 х 4 =

7 х 2 =

- Дәфтәрләрегезне алышып, бер-берегезнең эшен тикшерегез, хаталарыгызны төзәтергә булышыгыз.

- Тактадан дөреслеген тикшерегез.
СЛАЙД 4

- Бирелгән арифметик гамәлләр арасыннан һәр мәсьәләгә дә туры килгәннәрен сайлап алыгыз. Үзегезнең җавабыгызны нигезләгез.

- Ике атнада ничә көн?

- Дүрт куянның ничә тәпие бар?

- Биш керпенең ничә колагы бар?

- Өч үрмәкүчнең ничә тәпие бар?

- Мисаллар калды, ә мәсьәләләр бетте. Бу аңлатмаларга карата үзегез мәсьәлә төзегез.

СЛАЙД 5

- Түгәрәк саннарны үсә бару тәртибендә языгыз, рәтне дәвам итегез:

60 6 40 33 12 20 5

Түгәрәк саннарны тапкырлауның кагыйдәсен табу.

- Түгәрәк саннарны ничек тапкырлыйсы икәнен без дәреслектән карап белербез. Дәреслекнең 14 нче битен ачыгыз.

Беренче арифметик аңлатманы укыгыз һәм рәсемне карагыз.

СЛАЙД 6
Сөйләгез, 1 ысул белән ничек исәпләгәннәр.

20 х 3 = 20 + 20 + 20 = 60 ( 20 шәр итеп 3 тапкыр алу, димәк 20 + 20 + 20)

Икенче арифметик аңлатманы укыгыз һәм рәсемне карагыз.

Сөйләгез, 2 нче ысул белән ничек исәпләгәннәр.

20 х 3 = 2дис. х 3 = 60 ( 20 – ул 2 дис.)

Кайсы ысул рациональ, җайлырак?

( - Икенче ысул)
Нәтиҗә чыгару:

- Димәк, икеурынлы түгәрәк санны берурынлы санга тапкырлау өчен, түгәрәк санны дистәләр белән күрсәтергә һәм берурынлы санга тапкырларга кирәк икән. Моделен төзербез.

IV. Физкультминутка.

СЛАЙД 7
V.Мөстәкыйль эшчәнлек.

- Арифметик аңлатмаларны укыгыз һәм чишү юлларының ике ысулын да күрсәтегез:

СЛАЙД 8

20 х 4

20 + 20 + 20 + 20 =80

2дис. х 4 = 8дис.

30 х 3

30 + 30 + 30 = 90

3дис. х 3 = 9дис.

Түгәрәк саннарны беренче ысул белән чишү рациональ дип әйтә алабызмы? Үзегезнең фикерне нигезләгез.

- Дәреслектәге арифметик гамәлләрне №2парларда эшләп исәпләгез.

- №3. Үрнәктән карап эшли аласыз. Парларда эшлибез.

VI. Диагностик бирем.

- Аңлатмаларны түгәрәк саннарны тапкырлау белән алыштырып исәпләгез.Бирем 4

1 В.

10 + 10 + 10 + 10 + 10 + 10 =

20 + 20 + 20 + 20 =

30 + 30 =

2 В.

40 + 40 =

20 + 20 + 20 =

50 + 50 =

- Бер-берегезнең җавапларын парларда тикшерегез.

- Дөреслеген тактадан тикшерегез.

СЛАЙД 9

- Барысын да дөрес итеп эшләгә укучылар кулларын күтәрә. /х укучы.

- Барысын да эшләп бетерә алмаган, ләкин дөрес эшләгәннәр кул күтәрә. /х укучы.

- Хаталары чыккан укучылар кул күтәрә. /х укучы.

- Бер дә эшли алмаган укучылар кул күтәрә.
VII.Рефлексия.

- Дәрестә нәрсәләр белдек?

СЛАЙД 2

- Дәрес башындагы биремгә кире кайтыйк әле. Галим Ябалак нәрсә ди?

30 Х 3=...ТЕ 40:4=...С

2 Х 40=...Ы 60:10=...КА

12:6=...НӘР 70:10=...ФӘН

50Х2=...ПАТ 60:2=...ТИ

80:2=...МА 7 Х3=...ША

40	90	40	30	6		7	2		100	21	10	80
ма	те	ма	ти	ка	-	фән	нәр		пат	ша	с	ы

1)Репродуктив вариант.

Математика – фәннәр патшасы.
Ни өчен дәрес ахырында бу сорауга җавап бирүе тизрәк булды?

2)Импровизацион вариант

Түгәрәк саннарны тапкырлау һәм бүлүгә үзегезнең аңлатмаларыгыз-ны языгыз:

=...ТЕ =...С

=...Ы =...КА

=...НӘР =...ФӘН

=...ПАТ =...ТИ

=...МА =...ША

40	90	40	30	6		7	2		100	21	10	80

3)Эвристик вариант

Алдагы дәрескә “ Математика өйрәтә – акылны үткенләтә” мәкален санлы шифр белән үзегез язып килерсез.

VIII. Йомгаклау.

Эшчәнлеккә үзбәя

СЛАЙД 10

- Смайлик сайлагыз:

«Мин аңладым, башкаларга да ярдәм итә алам»

«Мин чишәргә өйрәндем, ләкин миңа ярдәм кирәк»

«Миңа дәрестә авыр булды»

-Кем үзенең сайлаганын аңлатырга тели?

-Сез мине шатландырдыгыз.Авыр булдымы? Кызыклымы?

Дәрес бетте.Рәхмәт.

СЛАЙД 1