АҚПАРАТТЫҚ ХАТ
Л.Н.Гумилев атындағы Еуразия ұлттық университеті мен Қазан (Еділ бойы) Федеральді университетінің Филология және өнер институты 2013 жылдың 3 мамырында аса көрнекті ғалым, академик Зәки Ахметовтың туғанына 85 жыл толуына орай «З.Ахметовтың ғылыми зерттеулері және қазіргі әдебиеттанудың теориялық мәселелері» атты Халықаралық ғылыми-теориялық конференция өткізеді.
Секция жұмыстарының бағыттары:
-
З.Ахметов зерттеулері және әдебиет теориясының жаңа концепциялары
-
Ұлт әдебиеті тарихының өзекті мәселелері
-
Әдеби интеграция және бүгінгі рухани-мәдени даму
Конференцияға қатысу үшін баяндамаларды
2013 жылдың 15 сәуіріне дейін мына мекен-жайға жіберуге болады: 010000 Астана қаласы, Қажымұқан көшесі 11, Л.Н.Гумилев атындағы ЕҰУ, 330 кабинет, қазақ әдебиеті кафедрасы. Электрондық пошта:
kafedra_kzli@ enu.kz
Баяндаманы рәсімдеуге қойылатын талаптар:
Баяндама мәтіні 6 беттен кем емес, А4 форматымен, Times New Roman шрифтімен, 14 көлемінде, 1 интервал аралығында, барлық жағынан 20 мм қашықтықпен жазылуы тиіс. Мақаланың аты ортада бас әріппен жазылады. Оның астында екі аралықтан соң бас әріппен автор(лар)дың аты-жөні және тегі, жіберуші ұйымның (ЖОО) аталымы, ел (мемлекет) аты оң жаққа курсивпен беріледі.
Келесі жолға мақала мәтіні жазылады. Пайдаланылған әдебиеттер тізімі мақаланың соңында беріледі. Сызбалар, суреттер және бейнелер жеке файл түрінде ұсынылады.
Тақырыпқа сәйкес келмейтін, сондай-ақ, талапқа сай емес мақалалар жинақта жарияланбайды.
Байланыс телефондары:
тел.: 8(7172) 70-95-00 (факс) (ішкі телефон: 32-313, 32-319).
Конференцияға қатысушылардың жол қаражаты жіберуші ұйымның есебінен төленеді.
Конференцияға қатысу үшін баяндамен бірге төмендегі үлгі бойынша толық мәліметтер жіберуі керек:
-
Қатысушының толық аты-жөні
-
Қызметі, ғылыми атағы, ғылыми дәрежесі
-
Жұмыс орнының толық атауы
-
Пошталық мекен-жайы
-
Телефон, факс
-
e-mail
-
Баяндама атауы
Конференция қазақ, орыс, татар тілдерінде өтеді. Конференцияның ұйымдастыру жарнасы - 3000 теңге.