БАСПАСӨЗ ХАБАРЛАМАСЫ
4 қыркүйек 2010 жыл	Атырау қаласы

Атырау МӨЗ-ындағы ароматикалық көмірсутектер шығаратын кешен құрылысының іргетасына «алғашқы тас» қалау рәсімі өткізу жоспарланған. Шараға Қазақстан Республикасы мұнай саласының жетекшілері, мемлекеттік қадағалаушы органдар, ҮЕҰ және БАҚ өкілдері қатысады.
Қосылған құны жоғары экспорттық мұнай-химия өнімдерін шығаратын көмірсутек шикізатын тереңдете өңдейтін әлемдік деңгейдегі мұнай-химия кешендерін құру мақсатында 2006 жылы Қазақстанда әлемдік деңгейдегі мұнай-химия кешендерін қалыптастыру және алғашқы мұнай-химия кешенін құру жөніндегі шаралар жоспары бекітілді.

Осы кешеннің аясында Атырау облысында алғашқы біріктірілген мұнай-химия кешенін тұрғызу, бензол мен праксилол және басқа хош иісті қосылыстар алатын мұнай-химия өндірісін дамыту қарастырылған.

Шаралар жоспарын іске асыруда Атырау мұнай өңдеу зауыты маңызды рол атқарады, оның базасында 2010 жылы хош иісті көмірсутектер шығаратын кешен құрылысы басталады.

2009 жылғы 29 қазанда “Атырау МӨЗ” ЖШС мен Қытайдың “Синопек Инжиниринг” компаниясы арасында “түбегейлі тапсыру” шартымен хош иісті көмірсутектер шығаратын кешен құрылысы Шартына қол қойылды. Жобаның құны 1040 млн. АҚШ долларын құрайды.

Хош иісті көмірсутектер құрылысының жобасын “ҚазМұнайГаз” Сауда Үйі” АҚ мен “Атырау МӨЗ” ЖШС жүзеге асырады.

Хош иісті көмірсутектер шығаратын кешен мынадай объектілерден тұрады:

- катализаторды үздіксіз қалпына келтіретін каталитикалық риформинг қондырғысы, шикізат бойынша өнімділігі жылына 1 млн. тонна.

- бензол мен толуолды экстракциялау қондырғысы

- параксилол шығаруға арналған қондырғы

- толуол мен ауыр ароматты көмірсутектерді трансалкилдеу қондырғысы

- рафинат бөлетін секция

- жалпызауыттық шаруашылық объектілері

Хош иісті көмірсутектер шығаратын кешен құрылысы жобасы бойынша қазіргі кезде барлық әзірлік жұмыстары аяқталды.

Жоба ароматты көмірсутектер шығаруды, сондай-ақ, экологиялық таза бензиндер шығаруды қамтамасыз етуге мүмкіндік береді.

Халықтың автомобилдерден шығатын пайдаланылған газ буымен бірге жұтып жүрген концерогенді заттары мұнай-химиясының шикізаты түрінде бөлек алынады.

Хош иісті көмірсутектер шығаратын кешен өндірісінің сызбасы икемді және ол жоғары октанды бензинді барынша көп алуға немесе жылына 133 мың тоннаға дейін бензол өндіруге және жылына 496 мың тоннаға дейін параксилол алуға мүмкіндік береді.

Француздың “Axens” компаниясы технология лицензиары болып есептеледі.

Атырау мұнай өңдеу зауытын дамыту нәтижесінде мынадай міндеттер шешімін табады:

- қайталама процестер қуатын жылына 1 000 мың тоннаға дейін ұлғайту, жоғары октанды автобензин құрауыштары көлемін ұлғайту мақсатында, жұмыс істеп тұрған қуаты жылына 420 мың тонна каталитикалық риформинг қондырғысының жұмысы кезінде.

- қосылған құны жоғары бензол мен парксилол өнімін мұнай-химия саласының базалық шикізаты ретінде өндіру;

- сутекпен тазарту қондырғысы үшін қажетті сутек жөніндегі ресурстарды ұлғайту және өнім сапасын жақсарту

- Батыс Қазақстандағы мұнай-химия өндірісін дамыту жөніндегі жобалармен біріктіру

- қазіргі заманғы техникалық деңгейге шығару үшін технологиялық қуаттарды түбегейлі қайта жаңғырту және Қазақстанды сапалы мотор отынымен, мұнай-химия шикізатымен және басқа мұнай өнімдерімен, сондай-ақ, экспортты сапасы әлемдік стандартқа, ішкі және экспорттық рыноққа жауап беретін мұнай өнімдерімен қамтамасыз ету.

- Атырау қаласында жаңа жұмыс орындарын ашу.

Хош иісті көмірсутектер шығаратын кешен құрылысы Жобасының басты аспектісі- экологиямен құрамдас.

• шығарылатын автомобиль бензиндері өнімдерінің сапасының Евростандартқа сәйкестігін хош иісті көмірсутектер мен бензолдың мөлшерін азайту есебінен қамтамасыз ету, сөйтіп автоморбиль көлігінің қоршаған ортаға ықпалын азайту.

• Адам факторының әсерін толығымен болдырмайтын, апаттық жағдайлардың болуына жол бермейтін тек қана әлемдік сападағы қазіргі заманғы жабдықтарды қолдану.

• атмосфераға ластаушы заттардың шығарылуын қысқарту есебінен, қазіргі заманғы технологиялар мен технологиялық жабдықтарды қолдану арқылы қоршаған ортаға зиянды әсерді азайту.

Ағымдағы жылдың 30 шілдесінде «Қазақстанның даму Банкі» АҚ-ы мен «Атырау мұнай өңдеу зауыты» ЖШС арасында 1 млрд 63 млн АҚШ доллары көлемінде несие беру жөніндегі Бас несие келісіміне қол қойылды. Енді АМӨЗ-ын модернизациялау кезеңі бастауын алмақ. Несие жеңілдетілген пайызбен 13 жылға беріліп отыр. Бұл несиенің екі көзі бар: несиелік зайым қытайлық Эксимбанкінен, бұл шамамен жалпы сомманың 85 пайызы, қалған 15 пайызы Ұлттық қордың қаржысы.

Бұл жобаны жүзеге асыру Атырау мұнай өңдеу зауытына еліміздің бірегей мұнайхимиясы тізбегіне енуге, европалық экологиялық стандарттардың жоғары деңгейіне сәйкес келетін инновациялық технологияларды енгізуге және қазіргі заманғы отын нарығында бәсекеге қабілеттілікті сақтауға мүмкіндіктер ашпақ.

Анықтама:
«Атырау мұнай өңдеу зауыты» ЖШС:

99,5% үлестің иесі «ҚазМұнайГаз – қайта өңдеу және маркетинг» АҚ.

«ҚазМұнайГаз – қайта өңдеу және маркетинг» АҚ - «ҚазМұнайГаз» ҰҚ» АҚ 100% еншілес ұйымы.

«ҚазМұнайГаз» Ұлттық компаниясы» АҚ - көмірсутектерді барлау, өндіру және тасымалдау бойынша қазақстандық ұлттық оператор. «ҚазМұнайГаз» ҰҚ» АҚ 100% акциясы «Самұрық-Қазына» ұлттық әл-ауқат қорына» тиесілі.