Қазақстан Республикасы Еңбек және халықты әлеуметтiк қорғау министрлiгiнiң 2009 - 2011 жылдарға арналған стратегиялық жоспарын бекiту туралы

Қазақстан Республикасы Үкiметiнiң 2008 жылғы 23 желтоқсандағы N 1218 Қаулысы

"Егемен Қазақстан" 2009 жыл, 6 ақпан N 49-52 (25449)

      Қазақстан Республикасының 2008 жылғы 4 желтоқсандағы Бюджет кодексiнiң 62-бабына сәйкес Қазақстан Республикасының Үкiметi ҚАУЛЫ ЕТЕДI:

      1. Қоса берiлiп отырған Қазақстан Республикасы Еңбек және халықты әлеуметтiк қорғау министрлiгiнiң 2009 - 2011 жылдарға арналған стратегиялық жоспары бекiтiлсiн.
      2. Осы қаулы 2009 жылғы 1 қаңтардан бастап қолданысқа енгiзiледi және ресми жариялануға тиiс.

      Қазақстан Республикасының

      Премьер-Министрi                                     К. Мәсiмов

Қазақстан Республикасы 

Үкiметiнiң        
2008 жылғы 23 желтоқсандағы
N 1218 қаулысымен    
бекiтiлген        

Қазақстан Республикасы Еңбек және халықты әлеуметтiк қорғау министрлiгiнiң 2009 - 2011 жылдарға арналған стратегиялық жоспары

Мазмұны

       1. Қазақстан Республикасы Еңбек және халықты әлеуметтiк қорғау министрлiгiнiң миссиясы және пайымдау

       2. Ағымдағы ахуалды талдау
       3. Қазақстан Республикасының Еңбек және халықты әлеуметтiк қорғау министрлiгi қызметiнiң стратегиялық бағыттары, даму мақсаты және негiзгi индикаторлары
       4. Функционалдық мүмкiндiктер және қатер-менеджментi
       5. Негiзiнде Стратегиялық жоспар әзiрленген нормативтiк құқықтық актiлердiң тiзбесi
       6. Бюджеттiк бағдарламалар тiзбесi

       Миссиясы. Халықтың өмiр сүру деңгейi мен сапасын арттыруға жәрдемдесу

       Пайымдау. Лайықты еңбектiң iлгерiлеуiн және әлеуметтiк қорғаудың конституциялық кепiлдерiнiң iске асырылуын қамтамасыз етушi мемлекеттiк орган

2. Ағымдағы ахуалды талдау

      Мемлекет басшысының "... халықтың барлық буындарының өмiр сүрудiң жоғары сапасы мен озық әлеуметтiк стандарттарына" қол жеткiзу жөнiндегi тапсырмаларын iске асыру жөнiндегi жұмыс адам капиталын дамытумен байланысты мәселелердi алдыңғы қатарға шығарды.

      Адам капиталын дамыту үшiн лайықты еңбекке қол жетiмдiлiктi ұлғайтудың ерекше маңызы бар.
      Мемлекет басшысы бiрнеше мәрте атап көрсеткенiндей, жұмыспен қамту саясаты кедейлiктi еңсеру мен адамдардың әл-ауқатын арттыруда ең пәрмендi құрал болып отыр.
      Қазақстан Республикасының 2005-2007 жылдарға арналған халықты жұмыспен қамту бағдарламасын iске асыру шеңберiнде өнiмдi жұмыспен қамтуға жәрдемдесу үшiн бос жұмыс орындарын белсендi iздестiру және iрiктеу, жұмыссыздар мен халықтың нысаналы топтарының басқа да өкiлдерiн оқыту, қайта оқыту және бiлiктiлiгiн арттыру; қоғамдық жұмыстарды ұйымдастыру; әлеуметтiк жұмыс орындарын құру, бос орындар жәрмеңкелерiн өткiзу, жастар практикасын ұйымдастыру және т.б. пайдаланылды.
      Елiмiзде жыл сайын екi жүз мыңнан астам жұмыс орындары, оның жартысынан астамы - ауылдық жерлерде құрылды. 2005-2007 жж. Жұмыспен қамту органдарына жұмыс iздеп барған бес жүз мыңнан астам азаматтардың 87% жұмысқа орналастырылды; 55,5 мың жұмыссыз кәсiптiк оқытуға және қайта даярлауға жiберiлдi. Жұмыссыздарды әлеуметтiк қорғау мақсатында мiндеттi әлеуметтiк сақтандыру енгiзiлдi және атаулы әлеуметтiк көмек берiледi.
      Тұрақты экономикалық өсу аясында қабылданған шаралардың нәтижесiнде 2007 жылы жұмыспен қамтылған халықтың саны 7,6 млн. адамға дейiн көбейдi (2006 жылғы 7,4 млн.), ал жұмыссыздық деңгейi 7,8%-дан 7,3%-ға дейiн төмендедi.
      Қазiргi заманғы еңбек нарығының сипатты трендi шетелдiк жұмыс күшiн тартудың көбеюi болып табылады. 2007 жылы қазақстандық кәсiпорындар мен ұйымдарда 58,8 мың шетелдiк мамандардың еңбегi пайдаланылды, бұл олардың 2005 жылғы санынан екi еседен астам артық. Iшкi еңбек нарығын және жергiлiктi қызметкерлердiң мүддесiн қорғау, Қазақстан Республикасы азаматтарының жұмыспен қамтылуы мен жалақысына әсерiн барынша азайту мақсатында Қазақстан Республикасының Үкiметi шетелдiк жұмыс күшiн тартуға квота белгiлейдi және оның орындалуын бақылайды, шетелдiк мамандарды жергiлiктi кадрлармен алмастыру саясатын жүргiзедi.
      Сонымен бiрге, қазақстандық еңбек нарығындағы ахуалда проблема да жоқ емес, олардың заңды еңбек нарығындағы ең маңыздары: жұмыс күшi  сапасының төмендiгi мен тиiмсiз жұмыспен қамтудың (экономиканың еңбектi көп қажетсiнетiн салаларында жұмыс iстейтiндердiң үлес салмағы жоғары) орын алуы болып табылады. Өзiн өзi жұмыспен қамтыған халықтың саны әжептәуiр (оның iшiнде 1,3 млн. адам өзiнiң жеке үй шаруашылығымен айналысады), көлеңкелi жұмыспен қамту да сақталып отыр.
      Жұмыссыздық сақталуда, әсiресе жастар мен әйелдер жұмыссыздығының деңгейi жоғары.
      Болашақта (2012 - 2020 жж.) жұмыс күшiнiң тапшылығы болжануда, бұл XX жүз жылдықтың 90-жылдарындағы қолайсыз демографиялық ахуалмен байланысты.
      Iшкi еңбек нарығындағы ахуалдың дамуы экономиканың жаһандануымен және алда тұрған Қазақстанның ДСҰ-ға енуiне байланысты әсерлердi көбiрек сезiнуде.
      Мұндай жағдайда жұмысынан (жұмысының болмауы) айрылу қатерiн басқару Министрлiктiң және жергiлiктi уәкiлеттi органдар қызметiнiң стратегиялық басты бағыты болып табылады.
      Еңбек қатынастарын реттеуде мыналарды:
      Қазақстан Республикасы Еңбек кодексiнiң қабылдануын;
      қауiпсiздiк және еңбектi қорғаудың халықаралық стандарттарының енгiзiлуiн;
      әлеуметтiк әрiптестiктi дамыту және корпоративтiк әлеуметтiк жауапкершiлiктi арттыру жөнiндегi жұмысты;
      еңбек заңнамасының сақталуын бақылауды;
      қызметкер еңбек (қызмет) мiндеттерiн атқарған кезде оның өмiрi мен денсаулығына зиян келтiргенi үшiн жұмыс берушiнiң азаматтық-құқықтық жауапкершiлiгiн мiндеттi сақтандырудың енгiзiлуiн;
      азаматтық қызметшiлердiң еңбекақы жүйесiн жетiлдiрудi атап көрсету қажет.
      Еңбек қатынастарын дамытудың негiзгi тенденциялары мен Мемлекеттiк еңбек инспекциясы мен Министрлiктiң еңбек қатынастары мәселелерiмен айналысатын өзге де бөлiмшелерiнiң жұмыс нәтижелерiн талдау еңбектi қорғау және еңбек қауiпсiздiгiнiң халықаралық стандарттарының енгiзу, өндiрiстiк жарақаттанудың төмендеуi; әлеуметтiк әрiптестiк релiнiң артуы мен аясының ұлғаюы; еңбекақының өсуi сияқты оң тенденцияларды дәлелдейдi. Мысалы, елiмiз бойынша орташа айлық жалақы 2006 жылғы 40 775 теңгеден 2007 жылы 53 238 теңгеге көбейген. Бұл ретте бюджеттiк сала қызметкерлерiнiң жалақы деңгейi өткен жылы 30 % арттырылған болатын.
      Сонымен қатар, еңбек саласын одан әрi дамыту стратегиясын айқындауда мынадай проблемаларды да назарға алу қажет:
      1. Ұжымдық-шарттық қатынастардың жеткiлiктi дамымауы. Барлық кәсiпорындар мен ұйымдардың 16 % сәл ғана астамы ұжымдық шарттармен қамтылған.
      2. Өндiрiстiк жарақаттанудың бiршама жоғары деңгейiнiң сақталуы.
      3. Еңбекақы деңгейiнiң әлi де бiршама төмендiгi (әсiресе, бюджеттiк салада және ауылда).
      4. Еңбекақының өсуi мен еңбек өнiмдiлiгi қарқынының сәйкессiздiгi.
      5. Еңбек заңнамасының бұзылуы.
      Осыған байланысты, еңбек құқықтарының бұзылуы қатерiн басқару министрлiк жұмысының екiншi стратегиялық бағыты болуға тиiс.
      Көшi-қон саясатын iске асыру да министрлiк құзiретiне жатады.
      Еуразия құрлығындағы басқа да елдер сияқты Қазақстан да - еңбек және этникалық көшi-қонның, транзиттiк және заңсыз көшi-қон ағындарының айтарлықтай өсуiнiң әсерiн бастан кешiруде. 2004 жылдан бастап елiмiзде көш-қонның оң сальдосы сақталып отыр.
      Iшкi көшi-қонның жандануы соңғы жылдардағы ерекшелiк болып табылады. Жалпы елiмiз бойынша соңғы бес жыл iшiнде бұған бiр жарым миллионнан астам, оның iшiнде 1 млн. астам ауыл тұрғындары қатысқан. Iшкi мигранттардың негiзгi бөлiгi - еңбекке жарамды жастағы адамдар (шамамен 75 % 15-тен 39 жасқа дейiнгiлер).
      Қазақстан шетелде тұратын көпшiлiк қазақ диаспорасының мұң-мұқтажына жауап беретiн этникалық көшi-қон саясатын жариялаған және iске асырып жатқан елдердiң бiреуi болып табылады. Қуғын-сүргiн және қудалау ұжымдастыру және аштық жылдарында елден кетуге мәжбүр болған қазақтар тарихи отанына қайта оралуға нақты мүмкiндiк алды. 1991 жылдан бастап 2007 жылдар аралығында республикамызға жалпы саны 651 299 адам 165 861 этникалық қазақ отбасылары (оралмандар) көшiп келдi. Соңғы жылдары елге келген оралмандардың нақты қатары олардың көшi-қон квотасынан айтарлықтай асып отыр.
      Көшi-қон процестерiн және оралмандарды әлеуметтiк қорғау жөнiнде қабылданып жатқан шараларға қарамастан, көшi-қон саласында:
      iшкi көшi-қон процестерiнiң бытыраңқы түрде дамуы;
      шетелдiк жұмыс күшiн пайдалану тиiмдiлiгiнiң жетiспеушiлiгi;
      заңсыз көшi-қонның сақталуы;
      тарихи отанында оралмандардың баяу бейiмделуi және кiрiгуi байқалады.
      Осы проблемаларды шешу және кiрiктiрудi пайдалану үшiн көшi-қон процестерiн басқару министрлiк жұмысының үшiншi стратегиялық бағыты болмақ.
      Жоғарыда аталған бағыттармен қатар, адам дамуын жақсарту шаралары әлеуметтiк қамсыздандыруды ұйымдастыруды да қамтиды.
      Соңғы жылдары ол көп деңгейлi үлгi шеңберiнде дамып келедi. 2005 жылы базалық зейнетақы төлемiнiң енгiзiлуi мен мемлекеттiк әлеуметтiк жәрдемақы мөлшерiнiң дәйектi арттырылуы конституциялық кепiлдiктердi базалық деңгейде iске асыру жағдайын бiршама жақсартты.
      Ынтымақты зейнетақы мөлшерi жыл сайын инфляция деңгейiнен iлгерiлеп индекстелдi (2007 ж. ең төмен ынтымақты зейнетақы мөлшерi 7236 теңгенi; орташа мөлшерi - 10823 теңгенi құрады). Жинақтаушы зейнетақы жүйесi дамуда. 2008 жылғы 1 қаңтардағы жағдай бойынша республикада 14 жинақтаушы зейнетақы қоры (ЖЗҚ) жұмыс iстедi; зейнетақы жинақтарының жалпы сомасы бiр триллион теңгеден асты (1 208,1 млрд. теңге). Инвестициялық таза табыс - 339,7 млрд. теңгеге жеттi. Зейнетақы қорларымен шарт жасасқан адамдардың бiрыңғай тiзiмi 7,5 млн. адамды қамтиды. 2005 жылдан бастап мiндеттi әлеуметтiк сақтандыру жүйесi енгiзiлуде.
      Мүгедектердi әлеуметтiк қорғау және оларды оңалту, кiрiктiру жөнiндегi жұмыс 2005 жылы қабылданған "Қазақстан Республикасында мүгедектердi әлеуметтiк қорғау туралы" Қазақстан Республикасы Заңы және Мүгедектердi оңалтудың 2005 - 2008 жылдарға арналған бағдарламасы шеңберiнде жүзеге асырылуда. Осыларға сәйкес негiзгi күш-жiгер мүгедектiктiң алдын алуға; мүгедектердi тең мүмкiндiктермен қамтамасыз етудiң халықаралық стандарттарын енгiзу; заманауи оңалту және медициналық-әлеуметтiк мекемелер мен ұйымдар тапшылығын еңсеру; мүгедектердiң заманауи техникалық көмекшi (орнын толтырушы) құралдар мен арнайы қозғалыс құралдарына деген қажеттiлiктерiн қанағаттандыруға бағытталды.
      Осындай оң өзгерiстерге қарамастан, әлеуметтiк қамсыздандыру деңгейi әлi де барабар болмай отыр.
      Мысалы, 2007 жылы табысты алмастыру ставкасының, инфляцияның өсуi жағдайында базалық төлемдi ескергенде зейнетақы төлемдерiнiң сатып алу қабiлетi 25,9 %-ға дейiн, Мемлекеттiк әлеуметтiк сақтандыру қорынан берiлетiн төлемдердi ескергенде, мүгедектiгi және асыраушысынан айрылу жағдайы бойынша берiлетiн әлеуметтiк жәрдемақылардың сатып алу қабiлетi 24-25%-ға дейiн төмендеуi байқалды.
      Мемлекеттiк әлеуметтiк стандарттарды жаңарту (жекелеген жағдайларда әзiрлеу) Әлеуметтiк реформаларды одан әрi тереңдетудiң 2005 - 2007 жылдарға арналған бағдарламасы шеңберiнде жүзеге асырылды. Базалық әлеуметтiк норматив - ең төмен күнкөрiс деңгейi (ЕТКД) анықтамасына айтарлықтай өзгерiс енгiзiлдi. Тұтынудың нақты құрылымын ескере отырып азық-түлiк себетiнiң құрамы қайта қаралды және көбейтiлдi, ЕТКД құрылымы өзгердi, бұл 2005 жылға қарағанда ең төмен күнкөрiс деңгейiнiң шамамен 40% көбеюiне әкелдi. Бүгiнде базалық әлеуметтiк төлемдердiң мөлшерi осының негiзiнде есептеледi. Әлеуметтiк-еңбек саласындағы стандарттар мен нормативтердiң басым бөлiгi Қазақстан Республикасының Еңбек кодексiмен, " Халықты жұмыспен қамту туралы ", " Мүгедектердi әлеуметтiк қорғау туралы " Қазақстан Республикасының Заңдарымен және өзге де нормативтiк құқықтық актiлермен бекiтiлдi.
      Алайда, әлеуметтiк саланы стандарттау әлi де аяқталған жоқ. Мемлекеттiк әлеуметтiк стандарттардың болмауы және жетiлдiрмеуi әлеуметтiк қамсыздандырудың барабарлығына қол жеткiзуде, арнаулы әлеуметтiк қызметтердiң қол жетiмдiлiгi мен әлеуметтiк бағдарламаларды бюджеттендiру кезiнде айтарлықтай қиындықтар туғызады.
      Негiзгi әлеуметтiк қатерлер - кәрiлiктiң, мүгедектiктiң, асыраушысынан айрылудың туындауын жұмсарту мәселесiн әлеуметтiк қызмет көрсетудi дамыту iсiнен бөлiп қарауға болмайды. Қазiргi уақытта ол денсаулықты сақтау және жазатайым оқиғалардың алдын алуды; медициналық және бiлiм беру қызметтерiн; өндiрiсте зардап шеккен мүгедектердi оңалтуды; мүгедектер мен қарттарға арналған арнаулы қызметтер көрсетудi; балалар күтiмi мен үй тұрмысы жөнiндегi және т.б. қызметтердi қамтиды. Әлеуметтiк қызметтердi негiзiнен мемлекеттiк органдар мен жергiлiктi мемлекеттiк мекемелер жүзеге асырады. Арнаулы әлеуметтiк қызметтер көрсетуге мемлекеттiк емес сектордың қатысуы айтарлықтай емес.
      Қазiргi уақытта жұмыс iстеп тұрған әлеуметтiк қызметте жүйесi толық көлемiнде және жеке адамдардың қажеттiктерiне сәйкес барлық мұқтаж адамдарға көмек көрсетiлуiне кепiлдiк бере алмайтыны мойындауымыз керек. Әлеуметтiк қызметтердi таңдау мүмкiндiгi де шектеулi. Әлеуметтiк мекемелердiң басым үлгiсi әлi де iрi интернат үйлерi болып отыр, онда жалпыға ортақ күтiм мен қамқорлықтағы адамдардың әлеуметтенуiне кедергi келтiретiн оқшаулау тәртiбi сақталып отыр.
      Мүгедек балалармен жұмыстың заманауи нысандарының дамымауына байланысты, олардың күтiмiмен айналысатын ата-аналар заңды жұмыспен қамту жүйесiнен тыс қалуда, бұл да өз кезегiнде кедейлiк проблемасын қиындатуда және олардың балаларының онсыз да шектеулi мүмкiндiктерiн одан әрi тарылтуда.
      Көрсетiлетiн қызметтердiң көлемi мен сапасын және арнаулы әлеуметтiк қызмет көрсетудi ұйымдастыруды белгiлейтiн әлеуметтiк қызметтер көрсетудiң негiзгi стандарттары әзiрленбеген; азаматтардың санаттары мен тегiн және/не ақылы негiзде көрсетiлетiн мiндеттi және қосымша қызметтердiң тiзбесi айқындалмаған.
      Қосымша қаржыландыру көздерiн тартуға, осы салада бәсекелестiк ортаны қалыптастыруға және дамытуға жағдай жоқ.
      Осыған орай, қарттықтың, асыраушысынан айрылу және мүгедектiктiң туындауы салдарынан туындайтын қатердi басқару министрлiк жұмысының төртiншi стратегиялық бағыты болуға тиiс.
      Бұл бағытта қабылданып жатқан шаралар әлеуметтiк көмекпен және әлеуметтiк қолдаумен толықтырылуда. Мұндай қолдауға шынайы қажеттiлiк елде сақталып отырған кедейлiкпен байланысты. 2007 жылы табысы ең төмен күнкөрiс деңгейiнен төмен халықтың үлесi 12,7 %-ды құрады (2006 жылы - 18,2 %), ал ауылдағы кедейлiк деңгейi 20% асты. Анағұрлым қамсыздандырылған 10% халықтың табысы анағұрлым төмен қамсыздандырылған 10% халықтың табысынан жетi есе артық болды, мұндай жағдай халықаралық өлшем бойынша қоғамдық тұрақтылыққа қауiп төндiредi.
      Қазақстан Республикасы Президентiнiң 2006 - 2007 жылдардағы Жолдауларына сәйкес кедейлiк жағдайынан өз бетiмен шығуға мүмкiндiгi жоқ, халықтың анағұрлым мұқтаж буындарына берiлетiн атаулы көмекке баса назар аударылды. Осы мақсатта атаулы әлеуметтiк көмек, арнаулы мемлекеттiк жәрдемақы, тұрғын үй көмегi, отбасылық және балалар жәрдемақылары, жергiлiктi атқарушы органдардың шешiмдерi бойынша аз қамтамасыз етiлген азаматтардың жекелеген санаттарына берiлетiн әлеуметтiк төлемдер пайдаланылды.
      Әлеуметтiк саясаттың тағы бiр маңызды басымдығы ана мен баланы қорғау болды және солай бола бередi. 2006 жылы балалы отбасыларын қорғаудың жаңа жүйесi енгiзiлдi, ол бала туғанда берiлетiн 15 АЕК мөлшерiндегi бiржолғы жәрдемақыны; бала бiр жасқа толғанға дейiнгi сараланған ай сайынғы бала күтiмi жөнiндегi жәрдемақыны (3-тен 4,5 АЕК дейiнгi); аз қамтамасыз етiлген отбасылардағы 18 жасқа дейiнгi балаларға арналған ай сайынғы мемлекеттiк жәрдемақыны (1 АЕК); көп балалы аналарға берiлетiн арнаулы мемлекеттiк жәрдемақыны (3,9 АЕК) қамтиды.
      Алайда әлеуметтiк қолдау саласындағы осындай оң өзгерiстермен қатар, мынадай шешiлмеген мәселелер де қалып отыр:
      1. Кедейлiктен шығу жөнiндегi белсендi шаралар тиiмдiлiгiнiң төмендiгi.
      2. Кедейлiк пен теңсiздiктiң сақталуы.
      3. Ауылдағы кедейлiктiң оқшаулануы.
      4. Көп балалы отбасылардағы кедейлiктiң басымдығы.
      5. Әлеуметтiк көмек және әлеуметтiк қызметтер көрсету стандарттарының жетiлдiрiлмеуi.
      Бұл жағдайда табыстың белгiленген ең төменгi шектi деңгейiнен төмен болуы қатерiн басқару стратегиясы министрлiк жұмысының бесiншi стратегиялық бағыты болуға тиiс.

3. Қазақстан Республикасы Еңбек және халықты әлеуметтiк қорғау министрлiгiнiң стратегиялық бағыттары

      Мемлекеттiк әлеуметтiк саясаттың мақсаттарына сәйкес Қазақстан Республикасы Еңбек және халықты әлеуметтiк қорғау министрлiгi қызметiнiң негiзгi стратегиялық бағыттары:

      1. Жұмысынан (жұмысының болмауы) айрылу қатерiн басқару.
      2. Еңбек құқықтарының бұзылуы қатерiн басқару.
      3. Көшi-қон процестерiн басқару.
      4. Қарттықтың, асыраушысынан айрылу және мүгедектiктiң басталуы салдарынан туындайтын қатердi басқару.
      5. Табыстың белгiленген ең төменгi шектi деңгейiнен төмен болуы қатерiн басқару.

       Қазақстан Республикасы Еңбек және халықты әлеуметтiк

      қорғау министрлiгi қызметiнiң стратегиялық бағыттары,
             даму мақсаты және негiзгi индикаторлары

       Ескерту. Кiшi бөлiмге өзгерту енгiзiлдi - ҚР Үкiметiнiң 2009.04.30 N 620, 2009.12.29 № 2211 Қаулыларымен.

1-стратегиялық бағыты. Жұмысынан айрылу (жұмысының болмауы) қатерiн басқару
1.1-мақсат	Нысаналы индикатор	2007 ж. (есеп)	2008 ж. (жоспар)	2009 ж.	2010 ж.	2011 ж.
Жұмысынан айрылу (жұмысының болмауы) қатерiнiң алдын алу	1. Жұмыспен қамту деңгейi, %-бен	92,7	93,0	92,0	93,0	93,5
Мiндеттер	Көрсеткiштер
1.1.1. Қазақстан Республикасының халықты жұмыспен қамтуға жәрдемдесу саласындағы заңнамасын жетiлдiру	Азаматтардың еңбек бостандығын, кәсiп пен мамандық түрiн еркiн таңдау құқығын iске асыруды қамтамасыз ететiн нормативтiк құқықтық актiлердiң жобаларын әзiрлеу (2009 - 2010 жж.)
1.1.2. Еңбек нарығының мониторингi және еңбек нарығындағы жағдайды болжау жүйесiн жақсарту	1. Өндiрiстiк күштердiң дамуын және орналасуын ескере отырып жұмыс орындарын құрудың және олардың кадрлық қамтамасыз етiлуiнiң бас тәсiмiн (теңгерiмiн) жасау (2010-2011 жж.) (ЭБЖМ, ИСМ, ЭМРМ, БҒМ, АШМ, ККМ, МАМ, ТСМ, СА бiрлесiп); 2. Еңбек нарығы мониторингiсiн қамтамасыз ететiн бiрыңғай автоматтандырылған ақпараттық жүйе құру (2009 - 2011 жж.)
1.1.3. Қайта құрылымдау, өндiрiс көлемiн қысқарту және банкротқа ұшырау салдарынан жұмыс күшiн босатудың алдын алу	Жұмыспен қамтуды сақтау шаралары жөнiнде Қазақстан Республикасы Үкiметiне ұсыныстар әзiрлеу (2009 ж.)
1.1.4. Өңiрлiк еңбек нарықтарын дамыту және жұмыс күшiнiң аумақтық ұтқырлығын арттыру	Iшкi көшiп-қонушыларды "Нұрлы көш" бағдарламасы шеңберiнде қоныстандыру және жайластыру (2010 - 2011 жж.)
1.1.5. Халықтың жұмыспен қамту мәселелерi жөнiнде хабардар болуын арттыру	Ақпараттық-консультациялық қызметтермен қамтылған халықтың үлесi, ЭБХ %		5	10	15	20
1.2-мақсат	Индикатор
Еңбек ресурстарын дамыту	Еңбек ресурстарының құрамындағы бiлiктi қызметкерлердiң үлесi, %-бен	64,7	65,1	65,4	65,5	65,6
Мiндеттер	Көрсеткiштер
1.2.1. Кадр әлеуетiн дамыту, кәсiби бiлiм мен мыналардың: бiлiм беру қызметтерiне мемлекеттiк тапсырыс     халықтың нысаналы топтарының бәсекеге қабiлеттiлiгiн арттыруға жәрдемдесу   мемлекеттiк-жеке әрiптестiктi дамыту негiзiнде жұмыс күшiне сұраныстың теңгерiмдiлiгiн қамтамасыз ету   (БҒМ, ЖАО бiрлесiп)	1.Мемлекеттiк тапсырыс негiзiнде даярланған мамандардың саны, мың адам, оның iшiнде:
	ЖОО-ы	27,1	33,1	31,4	31,8	32,9
	Колледждер	16,6	26,7	34,4	38,2	43,5
	Кәсiптiк лицейлер	37,5	45,3	48,2	52,4	56,1
	2. Кәсiби даярлауға және қайта даярлауға жiберiлген жұмыссыздардың және халықтың нысаналы топтарының өзге де өкiлдерi, мың адам	28,3	25,1	26,1	26,4	27,0
	3. Жұмыс берушiлердiң қаражаты есебiнен кәсiби даярлауға және қайта даярлауға жiберiлген адамдардың саны, мың адам	73,3	74,5	78,2	82,1	86,2
	4. ШЖК күшiн ауыстыру мақсатында дайындалған жергiлiктi персоналдың саны, тартылатын ШЖК жалпы санына %	2	2	2	2	2
1.3-мақсат	Нысаналы индикатор
Жұмыспен тиiмдi қамтуға жәрдемдесу	Жұмыссыздық деңгейi, %,	7,3	6,9	8,0	7,0	6,5
	оның iшiнде:
	әйелдер	8,7	8,5	8,5	8,3	8,0
	жастар	9,4	9,3	9,1	9,0	8,8
	Бәсекеге қабiлеттiлiктiң мемлекеттiк индексiндегi позиция "Жұмыс күшiне әйелдердiң қатысуы" 7.10-тармағы	12	10	10	10	10
Мiндеттер	Көрсеткiштер
1.3.1. Қолданыстағы жұмыс орындарының тиiмдiлiгiн арттыру  және жоғары сапалы жаңа жұмыс орындарын ашу (ИСМ бiрлесiп)	Өнеркәсiпте жұмыс iстейтiндердiң үлес салмағы, жалданған қызметкерлердiң жалпы санына %	18,1	18,3	18,4	18,5	18,6
1.3.2. Азаматтардың жұмыссыздықтан қорғалу құқығын iске асыруды қамтамасыз ету:
Жол картасы iс-шараларының iске асырылуын ескере отырып жұмыспен қамтуға жәрдемдесу (ЖАО-мен бiрлесiп);	Жұмысқа орналастырылған азаматтардың саны, мың адам	211,2	215,4	430,1	354,1	228,6
	оның iшiнде: әйелдер	106,3	102,8	176,8	106,8	108,8
	жастар	61,7	72,3	129,3	99,2	116,2
	«Жол картасы» шеңберiнде			246,4	130,0
	оның iшiнде: әйелдер			70,7	21,7
	жастар			51,7	17,3
халықтың нысаналы топтарын жұмыспен қамту, оның iшiнде:	1. Қоғамдық жұмыстарға қатысқан азаматтардың саны, мың адам	110,5	98,2	101,4	94,7	93
аз қамтамасыз етiлген;	оның iшiнде: әйелдер	72	63,8	65,9	61,5	60,5
21 жасқа дейiнгi жастар;	жастар	11,8	13,5	16,2	17,6	20,1
балалар үйлерiнiң тәрбиеленушiлерi мен жетiм балалар және ата-анасының қамқорлығынсыз қалған 23 жасқа дейiнгi балалар;	2. Әлеуметтiк жұмыс орындары, мың адам	9,6	8,0	82,2	8,4	8,6
	оның iшiнде: әйелдер	5,1	4,2	43,4	4,4	4,5
кәмелетке толмаған балаларды тәрбиелеп отырған жалғыз басты, көп балалы ата-аналар және т.б.	3. "Жастар тәжiрибесi" шеңберiнде жұмысқа орналасқандардың саны, мың адам	5,6	2,6	48,0	3	3,3
қызметкерлердi жұмыстан айрылу қатерiн мiндеттi әлеуметтiк сақтандыру жүйесiмен қамтуды кеңейту	4. Жұмыстан айрылу қатерiн мiндеттi әлеуметтiк сақтандыру жүйесiмен қамтылған қызметкерлердiң саны жұмыспен қамтылғандардың %	65	67	70	75	75
жұмысынан айырылған жағдайда Мемлекеттiк әлеуметтiк сақтандыру қорынан төленетiн әлеуметтiк төлемнiң ең жоғары кезеңiн ұлғайту	5. жұмысынан айырылған жағдайда Мемлекеттiк әлеуметтiк сақтандыру қорынан әлеуметтiк төлем алатын босатылған қызметкерлердiң саны, мың адам			60,0	60,0
2-стратегиялық бағыт. Еңбек құқығының бұзылу қатерiн басқару
2.1-мақсат	Нысаналы индикаторлар	2007 ж. (есеп)	2008 ж. (жоспар)	2009 ж.	2010 ж.	2011 ж.
Еңбек құқығының бұзылу қатерiнiң алдын алу	Кәсiпорындардың үлесi: ұжымдық-шарттық қатынастар жүйесiн қамтыған,  қызмет ететiн кәсiпорындардың санынан %	12	15	20	25	30
	қызметкердiң өмiрi мен денсаулығына зиян келтiргенi үшiн жұмыс берушiнiң азаматтық-құқықтық жауапкершiлiгiн сақтандыру шартын жасасқандар, қызмет ететiн кәсiпорындардың жалпы санына %	35	37	40	45	50
	Бәсекеге қабiлеттiлiктiң мемлекеттiк индексiндегi позиция "Қызметкер - жұмыс берушi қатынасындағы ынтымақтастық" 7.1-тармағы	52	63	60	57	55
Мiндеттер	Көрсеткiштер
2.1.1. Еңбек заңнамасын жетiлдiру	Еңбек кодексiне өзгерiстер мен толықтырулар енгiзу (2010 ж.)
2.1.2. Еңбектiң заманауи стандарттарын әзiрлеу және енгiзу	1. Келiсiлген еңбек үлгi нормалары мен нормативтердiң саны, бiрлiк	43	44	30	45	45
	2. Еңбек қауiпсiздiгi мен еңбектi қорғаудың халықаралық стандарттарын енгiзген кәсiпорындардың үлесi (МОТ-СУОТ-2001), қызмет ететiн кәсiпорындардың жалпы санынан %	-	2	5	10	15
	3. Әзiрленген және өндiрiске енгiзiлген және/немесе нормативтiк құқықтық актiлерде пайдаланылған еңбек қауiпсiздiгi және еңбектi қорғау стандарттарының саны, бiрлiк	10	8	3	9	9
2.1.3. Еңбек қызметiнiң қауiпсiз жағдайларын қамтамасыз ету	1. Еңбек жағдайлары бойынша аттестатталған нысандардың саны, кәсiпорындардың саны	7335	8000	9500	11000	12500
	2. 3иянды және басқа да қолайсыз еңбек жағдайларында жұмыс iстейтiн қызметкерлердiң саны, мың адам	1450	1400	325	320	310
	оның iшiнде:
	әйелдер	550	530	74	72	70
2.2-мақсат	Нысаналы индикаторлар
Азаматтардың еңбек құқықтарын қорғау	1. Еңбек заңнамасын бұзушылықтарды жоюдың үлес салмағы, анықталған заң бұзушылықтардың жалпы санынан %	80	80	85	88	90
	2. Өндiрiстiк жарақат деңгейi: өндiрiстiк жазатайым оқиғалардың жиiлiк коэффициентi 1000 адамға	0,7	0,7	0,67	0,64	0,61
	өндiрiсте өлiммен аяқталған жазатайым оқиғалардың жиiлiк коэффициентi 1000 жұмыс iстейтiн адамға	0,09	0,09	0,085	0,080	0,075
	Бәсекеге қабiлеттiлiктiң мемлекеттiк индексiндегi позиция "Жұмыспен қамтудың икемсiздiгi" 7.4-тармағы	22	22	22	22	22
	Бәсекеге қабiлеттiлiктiң мемлекеттiк индексiндегi позиция "Қабылдау және босату тәжiрибесi" 7.5-тармағы	4	4	4	4	4
	Бәсекеге қабiлеттiлiктiң мемлекеттiк индексiндегi позиция "Жалақыны белгiлеудiң икемдiлiгi" 7.2-тармағы	20	44	40	35	30
	Бәсекеге қабiлеттiлiктiң мемлекеттiк индексiндегi позиция "Еңбекақы және өнiмдiлiк" 7.7-тармағы	23	33	30	25	33
Мiндеттер	Көрсеткiштер
2.2.1. Еңбектi нормалау жүйесiн жетiлдiру	1. Мемлекеттiк органдар мен кәсiпорындарға көмек ретiнде дайындалған еңбектi нормалау жөнiнде әзiрленген әдiстемелiк ұсынымдардың саны, бiрлiк	1	2	2	2	2
	2. Қайта қаралған ТББА, БА шығарылымдарының және экономиканың әртүрлi саларында қызмет ететiн лауазымдардың бiлiктiлiк сипаттамасының саны (ЕурАзЭҚ ұсынымдарын ескере отырып), бiрлiк	2	7	10	12	12
2.2.2. Бюджеттiк сала қызметкерлерiнiң еңбекақы жүйесiн кезең-кезеңмен жетiлдiру	1. Бюджеттiк сала қызметкерлерiне еңбекақы төлеудiң жаңа жүйесiн әзiрлеу (2009 ж.) 2. Бюджеттiк сала қызметкерлерiне еңбекақы төлеудiң жаңа жүйесiн әзiрлеу және еңбекақысын арттыру (2010 - 2011 жж.)
2.2.3. Бизнестiң әлеуметтiк жауапкершiлiгiн арттыру	1. БҰҰ еңбек қатынастары саласындағы Ғаламдық шартының принциптерiн iлгерiлету жөнiнде Келiсiмге қосылған қол қоюшылардың саны, кәсiпорындардың саны	-	300	230	450	500
	2. Бизнесiнiң корпоративтiк әлеуметтiк жауапкершiлiгi шеңберiнде әлеуметтiк жобаны iске асыру жөнiнде ЖАО мен бизнес құрылымдар арасында жасалған меморандумдардың саны бiрлiк	-	3000	3100	3200	3300
2.2.4. Мемлекеттiк еңбек инспекторларының қадағалау-бақылау қызметiнiң тиiмдiлiгiн арттыру	1. МЕИ тексерулерiмен қамтылған кәсiпорындардың үлес салмағы, кәсiпорындардың жалпы санына %	8	8	9	10	11
3-стратегиялық бағыт. Көшi-қон процестерiн басқару
3.1-мақсат	Нысаналы индикаторлары	2007 ж. (есеп)	2008 ж. (жоспар)	2009 ж.	2010 ж.	2011 ж.
Басқарылмайтын көшi-қон қатерiн алдын алу	1. Оралмандардың көшiп келу квотасы, мың отбасы	15	15	20	20	20
	2. Шетелдiк жұмыс күшiн тартуға арналған квота (ШЖК), ЭБХ %	0,98	1,6	0,75	1,8	2,8
	3. "Нұрлы көш" бағдарламасына қатысушылардың саны, отбасы	-	-	1051	11084	11084
Мiндеттер	Көрсеткiштер
3.1.1. Көшi-қон заңнамасын жетiлдiру	Қазақстан Республикасының Көшi-қон саясаты тұжырымдамасын және "Нұрлы көш" бағдарламасын iске асыру үшiн нормативтiк құқықтық актiлердi әзiрлеу (2009 - 2010 ж.ж.)
3.1.2. Халықтың көшi-қоны мониторингiн және болжауды жақсарту (ҰҚК және IIМ бiрлесiп)	1. "Оралман" дерекқорын жасауды және оның "Бүркiт" дерекқорымен бiрiктiрудi аяқтау (2011 ж.); 2. "Нұрлы көш" бағдарламасына қатысушыларды есепке алуды қамтамасыз ететiн бiрыңғай автоматтандырылған ақпараттық жүйе құру (2011 ж.)
3.1.3. Көшi-қон заңнамасының сақталуын бақылауды қатаңдату	ШЖК тартатын кәсiпорындарды тексерулермен қамту, ШЖК тартатын кәсiпорындардың жалпы санына %	10	10	10,5	11	11,5
3.1.4. Шетелдердегi қазақ диаспорасы өкiлдерiнiң арасында ақпараттық-түсiндiру жұмыстарын жүргiзу (СIМ бiрлесiп)	1. Ақпараттық материалдар, бiрлiк	200	200	500	500	500
3.2-мақсат	Нысаналы индикаторлар
Халықтың көшi-қонын реттеу тетiгiн жетiлдiру	"Халықтың көшi-қоны туралы" Қазақстан Республикасының Заңына өзгерiстер енгiзу (2009 ж.)
Мiндеттер	Көрсеткiштер
3.2.1. Iшкi еңбек көшi-қоны процестерiн тәртiпке келтiру (АШМ, ЭМРМ, ИСМ, БҒМ, ККМ, облыстардың, Алматы және Астана қалаларының әкiмдерiмен бiрлесiп)	Еңбек ресурстарына тапшы өңiрлерге жұмыс күшiн тартуды экономикалық ынталандыру тетiгiн әзiрлеу (2011 ж.)
3.2.2. Экономиканың басым салаларына және серпiндi жобаларды iске асыруға жоғары бiлiктi ШЖК тарту рәсiмдерiн жеңiлдету	1. Тартылатын ШЖК жалпы санында I және II санаттағы ШЖК үлес салмағы, %	38,7	39,0	40,0	42,0	44,0
3.2.3. Этникалық және iшкi көшiп-қонушыларды өңiрлердiң әлеуметтiк-экономикалық және демографиялық жағдайын, ұлттық қауiпсiздiктi күшейту мүддесiн ескере отырып, қоныстандыруды оңтайландыру және ынталандыру	"Нұрлы көш" бағдарламасын iске асыру (2009-2011 ж.)
3.2.4. Оралмандардың бастапқы бейiмделуi мен кiрiгуi жағдайларын жақсарту	1. Оралмандарды бейiмдеу және кiрiктiру орталықтарын салу, бiрлiк	-	-	1	-	-
	2. Кәсiптiк оқумен қамтылған оралмандардың үлес салмағы, еңбекке қабiлеттi жастағы оралмандардың жалпы санына %	0,8	1,2	1,6	1,8	2,0
	3. Жұмысқа орналастырылған оралмандардың үлесi, жұмыспен қамту мәселелерi жөнiндегi уәкiлеттi органдарға жәрдемдесуi үшiн өтiнiш берген еңбекке қабiлеттi оралмандардың жалпы санына %	65	65	67	70	72
	4. Меншiгiнде тұрғын үйi бар оралман отбасылардың үлес салмағы оралман отбасылардың жалпы санынан %	46	47	48	50	50
4-стратегиялық бағыт. Қарттық, мүгедектiк, асыраушысынан айрылу және өзге әлеуметтiк қатерлердiң басталуы салдарынан туындайтын қатерлердi басқару
4.1-мақсат	Нысаналы индикаторлар	2007 ж. (есеп)	2008 ж. (жоспар)	2009 ж.	2010 ж.	2011 ж.
Зейнетақы төлемдерi мөлшерiнiң барабарлығын қамтамасыз ету	Табысты жиынтық зейнетақы төлемдерiмен (базалық, ынтымақты және ЖЗҚ төлемдерiмен) алмастыру коэффициентi %	29,0	37	40	43	45
Мiндеттер	Көрсеткiштер
4.1.1. Зейнетақымен қамсыздандыру жүйесi өлшемдерiн жетiлдiру	1. Зейнетақы төлемдерiнiң мөлшерiн арттыру жөнiнде ұсыныстар әзiрлеу (2009 ж.) 2. Зейнетақы заңнамасына өзгерiстер мен толықтырулар енгiзу (2009 ж.)
4.1.2. Зейнетақы төлемдерiнiң мөлшерiн арттыру	1. Базалық зейнетақы төлемдерiнiң мөлшерi, ЕТКД шамасына %	34	40	40	40	50
	2. Орталықтан төленетiн зейнетақы төлемдерiнiң орташа мөлшерi (ынтымақты зейнетақылар), өткен жылға %	108	126	125	125	130
	3. ЖЗҚ берiлетiн зейнетақы төлемдерiнiң орташа мөлшерi (жинақтаушы зейнетақылар), өткен жылға %	-	-	-	108	107,5
4.1.3. Мiндеттi зейнетақы жарналарының ЖЗҚ-ға уақтылы түсуiн қамтамасыз ету (Қаржыминiмен бiрлесiп)	Мiндеттi зейнетақы жарналары бойынша ЖЗҚ-ға берешектi азайту, мiндеттi зейнетақы жарналары сомасына %	6,4	3,6	3,2	3,0	2,5
4.1.4. ЖЗҚ зейнетақы активтерiнiң сақталуын қамтамасыз ету және инвестициялық кiрiстi арттыруға жәрдемдесу (ҚҚА  және Қаржыминiмен бiрлесiп)	Инфляция деңгейiне индекстеудi ескере отырып, зейнетақы жарналары сомасы мен нақты зейнетақы жинақтары сомасының арасындағы айырманы төлеу, зейнетке шығатын зейнеткерлерге қатысты %	-	-	100	100	100
4.1.5. Жинақтаушы зейнетақы жүйесiне әкiмшiлiк етудi жетiлдiру	1. МЗЖ есебiнен зейнетақымен қамсыздандыру туралы бiреуден артық шарты бар салымшылардың саны, млн. адам.	1,8	2,5	1,5	1,0	0,8
	2. Комиссиялық сыйақы көлемiнiң зейнетақы жинақтарының жалпы сомасына арақатынасы %	8,7	6,0	5,5	5,5	5,5
4.1.6. Әлеуметтiк төлемдердi ұйымдастырудың тиiмдi жүйесiн қамтамасыз ету	1. Электрондық iс-қағаздар макетiн қалыптастыру және жүзеге асырылатын төлемдердi электронды тағайындау тағайындалатын төлемдердiң көлемiнен %	-	-	80	90	100
	2. ЗТМО арқылы жүзеге асырылатын әлеуметтiк төлем түрлерiнiң саны, бiрлiк	-	31	31	32	36
4.2-мақсат	Нысаналы индикаторлар
Еңбек ету қабiлетiнен, асыраушысынан айрылған жағдайларда және заңнамада көзделген өзге де негiздемелер бойынша әлеуметтiк қамсыздандыру деңгейiн арттыруға жәрдемдесу	1. Мемлекеттiк әлеуметтiк жәрдемақылардың орташа мөлшерi, өткен жылға %	124	121	110,1	109,8	109
	2. МӘСҚ берiлетiн әлеуметтiк төлемдердiң мөлшерi, өткен жылға %: еңбек ету қабiлетiнен айрылу жағдайы бойынша	129	123	123	123	123
	асыраушысынан айрылу жағдайы бойынша	123	125	130	135	135
	Бәсекеге қабiлеттiлiктiң мемлекеттiк индексiндегi позиция "Жалақыдан басқа еңбек шығындары" 7.3-тармағы	88	56	56	56	56
	Бәсекеге қабiлеттiлiктiң мемлекеттiк индексiндегi позиция "Жұмыстан босатылуға қатысты шығындар" 7.6-тармағы	12	15	15	15	15
Мiндеттер	Көрсеткiштер
4.2.1. Мiндеттi әлеуметтiк сақтандыру жүйесi өлшемдерiн жетiлдiру	Мiндеттi әлеуметтiк сақтандыру жөнiндегi заңнамаға өзгерiстер мен толықтырулар енгiзу (2010 ж.)
4.2.2. МӘСҚ-ға мiндеттi әлеуметтiк аударымдардың уақтылы түсуiн қамтамасыз етуге жәрдемдесу (Қаржыминiмен бiрлесiп)	МӘСҚ-ға әлеуметтiк аударымдар бойынша берешектi азайту, мiндеттi әлеуметтiк аударымдардың сомасына %	1,9	3	2,5	2	1,5
4.2.3. Халықтың жекелеген санатына әлеуметтiк қолдау көрсету	Әлеуметтiк төлемдердiң (мем. Арнайы жәрдемақы, СЯСП зардап шеккен адамдарға және саяси қуғын-сүргiндердiң құрбандарына бiржолғы төлемдер, жерлеуге төленетiн жәрдемақы) мөлшерi, алдыңғы жылға %	106	107	111	108	107,5
4.3-мақсат	Нысаналы индикаторлар
Арнаулы әлеуметтiк қызмет көрсету жүйесiн жетiлдiру	Арнаулы әлеуметтiк қызмет стандарттарын әзiрлеу және енгiзу:
	мүмкiндiктерi шектеулi балаларға, бiрлiк,			1
	психоневрологиялық аурулармен ауыратын мүгедектерге, бiрлiк,				1
	қарттар мен мүгедектерге, сондай-ақ тiрек-қозғалыс аппараты бұзылған балаларға, бiрлiгi.					2
Мiндеттерi	Көрсеткiштерi
4.3.1. Арнаулы әлеуметтiк қызмет көрсетудiң құқықтық негiздерiн құру	"Арнаулы әлеуметтiк қызметтер туралы" Қазақстан Республикасының Заңын iске асыру үшiн нормативтiк құқықтық актiлер қабылдау (2009 - 2010 жж.)
4.3.2. МЕҰ және бизнес құрылымдарды арнаулы әлеуметтiк қызмет көрсетуге тарту	Үкiметтiк емес ұйымдардың әлеуметтiк қамсыздандыру жүйесiмен қамтылған балалардың саны, қамтылмаған балалардың жалпы санынан %	-	-	3	12,7	17
4.3.3. Протездiк-ортопедиялық бұйымдарды стандарттау және сертификаттау жүйесiн жетiлдiру	Протездiк-ортопедиялық бұйымдардың әзiрленген  және өндiрiске енгiзiлген стандарттарының саны бiрлiк	-	-	3	2	1
5-стратегиялық бағыт. Белгiленген ең төмен шектi деңгейден төмен табысты азайту тәуекелiн басқару
5.1-мақсат	Нысаналы индикаторлар	2007 ж (есеп)	2008 ж. (жоспар)	2009 ж.	2010 ж.	2011 ж.
Ең төмен табыстың мемлекеттiк кепiлiн iске асыру	1. Зейнетақының ең төмен мөлшерi мен ең төмен күнкөрiс деңгейi көлемiнiң арақатынасы	0,75	0,66	0,72	0,85	1,02
	2. Жалақының ең төмен мөлшерi мен орташа мөлшерiнiң ара қатынасы	0,18	0,21	0,22	0,23	0,24
Мiндеттер	Көрсеткiштер
5.1.1. Ең төмен күнкөрiс деңгейiн айқындау әдiстемесiн жетiлдiру	1. "Ең төмен күнкөрiс деңгейi туралы" Қазақстан Республикасының Заңына өзгерiстер енгiзу (2011 ж.)
5.1.2. Зейнетақы төлемiнiң ең төмен мөлшерiн арттыру	Зейнетақының ең төмен мөлшерi, өткен жылға %-бен	-	109,2	125	125	130
5.1.3. Жалақының ең төмен мөлшерiн арттыру	Еңбекақының ең төмен мөлшерi, 2007 жылға %-бен	-	123,3	138,1	149,2	160,4
5.2-мақсат	Нысаналы индикаторлар
Кедейлiк деңгейiн төмендетуге жәрдемдесу	Табысы ең төмен күнкөрiс деңгейiнен төмен халықтың үлесi, %-бен	12,7	12,9	13,2	11,5	10,0
Мiндеттер	Көрсеткiштер
5.2.1. Аз қамтамасыз етiлген халықтың еңбек етуге қабiлеттi бөлiгiнiң экономикалық белсендiлiгiн ынталандыру	1. Кәсiптiк даярлауға және қайта даярлауға жiберiлген адамдардың үлесi, АӘК алатын жұмыссыздардың жалпы санынан %-бен	8,1	11,6	18,4	23,8	29,8
	2. Аз қамтамасыз етiлгендердiң қатарынан жұмысқа орналастырылған жұмыссыздардың үлес салмағы, уәкiлеттi органдардың жәрдемдесуiмен жұмысқа орналастырылған азаматтардың жалпы санынан %-бен	11,7	12,6	13,6	14,7	15,9
5.2.2. Әлеуметтiк көмек және қолдау көрсетудiң атаулылығын қамтамасыз ету және оның тиiмдiлiгiн арттыру	"Қазақстан Республикасының кейбiр заңнамалық актiлерiне жұмыспен қамту және атаулы әлеуметтiк көмек мәселелерi бойынша өзгерiстер мен толықтырулар енгiзу туралы" Қазақстан Республикасының Заңын iске асыру үшiн нормативтiк құқықтық актiлер әзiрлеу (2009 ж.)
5.2.3. Балалы отбасыларды әлеуметтiк қолдау жүйесiн дамыту	1. Бала тууына байланысты бiржолғы жәрдемақы, алдыңғы жылға %-бен	106	214	111	117	107,5
	2. Бала бiр жасқа толғанға дейiн оның күтiмi жөнiндегi ай сайынғы жәрдемақы, алдыңғы жылға %-бен	106	164	111	131,5	107,5
	3. 18 жасқа дейiнгi балаларға арналған жәрдемақы алдыңғы жылға %-бен	106	107	111	108	107,5
	4. Мүгедек балаларды тәрбиелеушi ата-аналарға, қамқоршыларға, теңге	-	-	-	14548	15639
5.2.4. Әлеуметтiк көмектiң деңгейiн арттыру	1. Арнаулы мемлекеттiк жәрдемақылардың орташа мөлшерi, алдыңғы жылға %-бен	106	107	111	109	109
	2. АӘК-тiң орташа мөлшерi, алдыңғы жылға %-бен	114	106	105	105	105

следующая страница>