Қазақстан Республикасы Статистика агенттігі төрағасының 2010 жылғы 10 қыркүйектегі №254 «Әлеуметтік статистика бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту

2011 жылғы 18 тамыздағы № 236

Қазақстан Республикасы Статистика агенттігі төрағасының 2010 жылғы 10 қыркүйектегі № 254 «Әлеуметтік статистика бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» бұйрығына өзгерістер енгізу туралы

Мемлекеттік статистиканы оңтайландыру және жалпымемлекеттік статистикалық байқаудың статистикалық көрсеткіштерінің қосарлануын болдырмау мақсатында, сонымен қатар «Мемлекеттік статистика туралы» Қазақстан Республикасы Заңының 12-бабының 2) және 7) тармақшаларына сәйкес, БҰЙЫРАМЫН:

1. «Әлеуметтік статистика бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Статистика агенттігі төрағасының 2010 жылғы 10 қыркүйектегі № 254 бұйрығына (нормативтік құқықтық актілерді мемлекеттік тіркеудің тізілімінде № 6569 болып енгізілген) мынадай өзгерістер енгізілсін:

7, 8, 21, 22, 23, 24-қосымшалары осы бұйрықтың 1, 2, 3, 4, 5, 6-қосымшаларына сәйкес редакцияда жазылсын.

2. Қазақстан Республикасы Статистика агенттігінің Құқықтық және ұйымдық қамтамасыз ету департаменті Стратегиялық даму департаментімен бірге заңнамада белгіленген тәртіпте:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін оны бұқаралық ақпарат құралдарында ресми жариялауды қамтамасыз етсін.

3. Осы бұйрықтың орындалуын бақылау Қазақстан Республикасы Статистика агенттігінің Жауапты хатшысына жүктелсін.

4. Осы бұйрық ресми жариялауға жатады және 2012 жылғы 1 қаңтардан бастап қолданысқа енгізіледі.

Төраға Ә. Смайылов

КЕЛІСІЛГЕН»

Қазақстан Республикасының

Денсаулық сақтау министрiнің

міндетін атқарушы

С. Мусинов ______________

2011 жылғы «____» ____________
«КЕЛІСІЛГЕН»

Қазақстан Республикасының

Еңбек және халықты әлеуметтік қорғау

министрiнің міндетін атқарушы

Т. Дүйсенова ______________

2011 жылғы «____» ____________

КЕЛІСІЛГЕН»

Қазақстан Республикасының

Білім және ғылым министрі

Б. Жұмағұлов ______________

2011 жылғы «____» ____________