Әр шаруашылық бойынша есепке алуды жүргiзу және тiркеу жазбаларын жүргiзудi ұйымдастыру нысандары бойынша статистикалық әдiснаманы бекiту туралы

Қазақстан Республикасы Статистика агенттiгi Төрағасының 2010 жылғы 10 маусымдағы N 136 Бұйрығы. Қазақстан Республикасының Әдiлет министрлiгiнде 2010 жылғы 15 шiлдеде Нормативтiк құқықтық кесiмдердi мемлекеттiк тiркеудiң тiзiлiмiне N 6334 болып енгiзiлдi

"Казахстанская правда" от 28 июля 2010 года № 196 (26257)


      Қолданушылардың назарына!!!
      Қаулының қолданысқа енгiзiлу тәртiбiн 4-т. қараңыз.

      «Мемлекеттiк статистика туралы» Қазақстан Республикасының 2010 жылғы 19 наурыздағы Заңының 12-бабының 2) тармақшасына және 16-бабының 2-тармағына сәйкес, БҰЙЫРАМЫН:

      1. Қоса берiлiп отырған Әр шаруашылық бойынша есепке алуды жүргiзу және тiркеу жазбаларын жүргiзудi ұйымдастыру нысандары бойынша статистикалық әдiснама бекiтiлсiн.
      2. Қазақстан Республикасы Статистика агенттiгiнiң Құқықтық және ұйымдық қамтамасыз ету департаментi Тiркелiмдер және сыныптамалар департаментiмен бiрге заңнамада белгiленген тәртiпте:
      1) осы бұйрықты Қазақстан Республикасы Әдiлет министрлiгiнде мемлекеттiк тiркеудi;
      2) осы бұйрық Қазақстан Республикасы Әдiлет министрлiгiнде мемлекеттiк тiркелгеннен кейiн оны бұқаралық ақпарат құралдарында ресми жариялауды қамтамасыз етсiн.
      3. Осы бұйрықтың орындалуын бақылау Қазақстан Республикасы Статистика агенттiгiнiң жауапты хатшысына жүктелсiн.
      4. Осы бұйрық алғашқы ресми жарияланған күнiнен кейiн қолданысқа енгiзiледi.

      Төраға                                             Ә. Смайылов

      «КЕЛIСТIМ»
      Қазақстан Республикасы
      Ауыл шаруашылығы министрi
      А. Күрiшбаев ___________
      2010 жылғы 14 маусым

Қазақстан Республикасы      

Статистика агенттiгi төрағасының 
2010 жылғы 10 маусымдағы     
№ 136 бұйрығына қосымша     

Әр шаруашылық бойынша есепке алуды жүргiзу және тiркеу жазбаларын жүргiзудi ұйымдастыру нысандары бойынша статистикалық әдiснама

1. Жалпы ережелер

      1. Әр шаруашылық бойынша есепке алуды жүргiзу және тiркеу жазбаларын жүргiзудi ұйымдастыру нысандары бойынша статистикалық әдiснама «Мемлекеттiк статистика туралы» Қазақстан Республикасының 2010 жылғы 19 наурыздағы Заңының 16-бабының 2-тармағына сәйкес әзiрлендi және Қазақстан Республикасындағы әр шаруашылық бойынша есепке алуды жүзеге асырудың бiрыңғай әдiсiн анықтайды (бұдан әрi – Әдiснама).

      2. Әр шаруашылық бойынша есепке алуды жүргiзу және тiркеу жазбаларын жүргiзудi ұйымдастыру нысандары бойынша статистикалық әдiснаманың негiзгi мiндетi үй шаруашылықтары бойынша тiркеу жазбаларын жүргiзудi ұйымдастыру, дәйектiлiктi және кенттiң, ауылдың (селоның), ауылдық (селолық) округтiң әкiмдерiнiң әр шаруашылық бойынша есепке алу деректердi ұсынуын қамтамасыз ету болып табылады.
      3. Осы Әдiснама мақсаттары үшiн келесi негiзгi ұғымдар пайдаланылады:
      1) әр шаруашылық бойынша есепке алу – үй шаруашылықтары бойынша әкiмшiлiк деректердi қалыптастыру процесi. Үй шаруашылығы – бiрге тұратын, өз табыстары мен мүлкiн толықтай немесе iшiнара бiрiктiретiн және тауарлар мен көрсетiлетiн қызметтердi бiрлесiп тұтынатын бiр немесе одан да көп жеке тұлғалардан құралған экономикалық субъект;
      2) тұрғын жайдың пайдалы алаңы – тұрғын жайдың тұрғын және тұрғын емес алаңдары;
      3) тұрғын емес жай – ортақ мүлiк болып табылатын тұрғын үйдiң (тұрғын ғимараттың) бөлiктерiнен басқа, тұрақты тұрудан басқа мақсатта (дүкен, дәмхана, шеберхана, кеңсе және осыған ұқсас) қолданылатын жеке үй-жай;
      4) тұрғын жайдың тұрғын алаңы – тұрғын жайдағы (пәтердегi) тұрғын бөлмелердiң (жатын бөлменiң, қонақ бөлменiң, балалар бөлмесiнiң, үйдегi кабинеттiң және сол сияқтылардың) шаршы метрмен есептелетiн алаңдарының қосындысы;
      5) тұрғын үй (тұрғын ғимарат) – ортақ мүлiк болып табылатын, негiзiнен тұрғын үй-жайлардан, сонымен қатар тұрғын емес үй-жайлардан, басқа да бөлiктерден тұратын құрылыс;
      6) тұрғын үй-жай (пәтер) – тұрақты тұруға арналған және пайдаланылатын, жайдың тұрғын және тұрғын емес алаңдарын қосатын жеке тұрғын үй-жай;
      7) дара тұрғын үй – үй-жайлық жер телiмiнде орналасқан және шаруашылық пен басқа да құрылыстары және жасыл көшеттерiмен бiрге азаматтың меншiгiндегi жеке (отбасылық) тұруға арналған үй;
      8) тұрғын үй қорына кiретiндер:
      жеке тұрғын үй қоры – жеке немесе мемлекеттiк емес заңды тұлғаларға және олардың бiрлестiктерiне меншiк құқығымен тиесiлi тұрғын жай;
      мемлекеттiк тұрғын үй қоры – мемлекеттiк меншiк құқығына жататын және жергiлiктi атқарушы орган (мемлекеттiк коммуналдық тұрғын үй қоры) жүргiзуiндегi немесе мемлекеттiк кәсiпорын (мемлекеттiк кәсiпорын тұрғын үй қоры) жүргiзуiндегi тұрғын жай;
      9) сыртқы қабырға материалдары – үйдiң сырты (сыртқы қабырғасы) тұрғызылған құрылыс материалдары. Егер қабырғалар бiрнеше материалдардан тұрғызылса, басым материал көрсетiледi;
      10) тұрғын үйдiң (тұрғын ғимараттың) жалпы алаңы – тұрғын үй-жайдың барлық пайдалы алаңдары және тұрғын емес үй-жайлардың барлық алаңдары, сонымен бiрге ортақ мүлiк болып табылатын тұрғын үйдiң жеке бөлiктерiнiң алаңдары;
      11) егiстiк – себiлген көпжылдық шөптер, сондай-ақ таза сүрi жерлердi қосқанда, жүйелi түрде өңделiп тұратын және ауыл шаруашылығы дақылдарын егуге пайдаланатын ауыл шаруашылығының пайдаланымындағы жерлер. Шабындықтар мен жайылымдардың жер учаскелерi, қосымша дақылдар егiлген жерлер, түбiн жақсарту мақсатында жыртылған жерлер, сондай-ақ егуге пайдаланатын қатараралық бақтар егiстiкке жатпайды;
      12) тыңайған жер – бұрын бiр жылдан аса егiстiкке пайдаланылған және күзден бастап ауыл шаруашылығы дақылдарын егуге пайдаланылмайтын және сүрi жер үшiн дайындалмаған жер учаскесi;
      13) дүкен – саудалық, қосалқы, әкiмшiлiк-тұрмыстық жайлармен қамтамасыз етiлген күрделi жеке құрылыс немесе оның бөлiгi, сондай-ақ тауарларды сату үшiн дайындауға арналған қабылдау, сақтау жайлары. Дүкендер мамандандырылған, мамандандырылмаған, әмбебап болып бөлiнедi;
      14) павильон – бiр немесе бiрнеше жұмыс орындарына көзделген тауар қорларын сақтауға арналған сауда залы және бөлмелерi бар жабдықталған құрылым;
      15) дүңгiршек – арнайы берiлген жер телiмiнде орналасқан, сауда залы жоқ, сауда жабдығымен жабдықталған күрделi емес тасымалданатын құрылым;
      16) сауда алаңы – тауарларды сату және көрмеге қоюға арналған жайлардың белгiлi бiр бөлiгiн, яғни киiмдердi шақтап көретiн кабиналарды қосқанда, сатып алушылардың кiруге мүмкiншiлiгi бар жалпы алаңды; сөрелер мен витриналар алатын алаңды; сатушылар тұратын сөренiң артындағы алаңды қосады. Сауда алаңына қойма жайлары және сатуға тауарларды дайындау үшiн жайлар, баспалдақтар, әкiмшiлiктiк, тұрмыстық және техникалық жайлар қосылмайды.
      4. Әдiснаманы сақтау төмендегiлердi қамтамасыз етуi қажет:
      1) алғашқы статистикалық ақпараттың құпиялылығын қамтамасыз етудi;
      2) әр шаруашылық бойынша есепке алу мен басқа статистикалық байқаулар арасындағы үйлестiрудi.

2. Тiркеу жазбаларын жүргiзу

      5. Тiркеу жазбаларын жүргiзу келесi нысандармен жүзеге асырылады: әр шаруашылық бойынша есепке алу кiтабы (№ 1 нысан) осы Әдiснаманың 1-қосымшасына сәйкес; ауылдық (селолық), кенттiк әкiмшiлiк аумағында уақытша тұратын адамдардың тiзiмi (№ 2 нысан) осы Әдiснаманың 2-қосымшасына сәйкес; әлiпбилiк кiтабы (№ 3 нысан) осы Әдiснаманың 3-қосымшасына сәйкес.

      6. Мемлекеттiк статистика саласындағы уәкiлеттi орган әр шаруашылық бойынша есеп жүргiзуге арналған тiркеу жазбалары нысанын кент, ауыл (село), ауылдық (селолық) округ Әкiмдерiн қамтамасыз етедi.
      Тiркеу жазбаларының барлық нысандары қатаң түрде осы Әдiстемеге сәйкес жүргiзiлуi тиiс.
      Бұл құжаттарда ешқандай тазартуға және мәтiндiк жазбада көрсетiлмеген түзетулерге жол берiлмейдi. Кез-келген түзетулер мен сызып тастау ауылдық (селолық), кенттiк әкiмшiлiктiң Әкiмiмен немесе маманымен келiсiлуi және қолымен расталуы тиiс.
      7. Көрсетiлген нысандар бойынша тiркеу жазбаларын жүргiзу қарамағындағы елдi мекендерi бойынша кенттiң, ауылдың (селоның), ауылдық (селолық) округтiң әкiмдерi жүргiзедi. Әр шаруашылық бойынша есепке алудың кiтаптары мен тiзiмдерi ауылдық (селолық), кенттiк әкiмшiлiкте ақшалай құжаттармен және бағалы қағаздармен тең дәрежеде сақталады. Олардың сақталуына және жазбалардың уақытылы және дұрыс жазылуына жауаптылық кенттiң, ауылдық (селолық), округ әкiмдерiнiң дербес жүктеледi.
      8. Ауылдық (селолық), кенттiк әкiмшiлiктер бес жылда бiр рет 1 қаңтардағы жағдай бойынша әр шаруашылық бойынша есепке алу кiтаптарының (№ 1 нысан) және әлiпбилiк кiтаптарының (№ 3-нысан) бетiн белгiлеудi жүргiзедi. Әр шаруашылық бойынша кiтаптардың (бұдан әрi - әр шаруашылық бойынша кiтаптар) бетiн белгiлеу 1 және 15 қаңтар аралығындағы кезеңде барлық үйлердi аралап шығу және халық арасында сауалнама жүргiзу арқылы жүргiзiледi.
      Кейiнгi төрт жылда жылына екi рет ауылдық (селолық), кенттiк әкiмшiлiктер бұрын жүргiзiлiп келе жатқан әр шаруашылық бойынша кiтаптардағы жазбаларды жаппай салыстырып тексерудi және нақтылауды жүргiзедi. Жазбаларды тексеру және нақтылау 1 қаңтардағы жағдай бойынша – қаңтардың 1-iнен 15-iне дейiн, 1 шiлдедегi жағдай бойынша – шiлденiң 1-iнен 15-iне дейiн жүргiзiледi.
      Ауылдық (селолық), кенттiк әкiмшiлiктердiң аумағында уақытша тұратын адамдардың тiзiмi (№ 2 нысан) жыл сайын жасалады және жыл бойы жүйелi жүргiзiледi.
      9. Жекелеген тұрғын үйлердiң және ұсақ елдi мекендердiң қамтылмауын болдырмау үшiн ауылдық (селолық), кенттiк әкiмшiлiктiң маманы әр шаруашылық бойынша кiтаптардың бетiн белгiлеуден немесе ондағы жазбаларды тексеру мен нақтылаудан бұрын ауылдық (селолық), кенттiк әкiмшiлiктiң аумағында орналасқан барлық елдi-мекендердiң тiзiмiн нақтылайды. Мұның өзiнде тiзiмге барлық ұсақ елдi мекендердiң және жеке орналасқан тұрғын үйлердiң (жол айырықтарының, қыстаулардың, мал жайылымдарының, iшкi шаруашылықтардың, станциялардың) енгiзiлуiне назар аудару қажет. Сондай-ақ ауылдық (селолық), кенттiк әкiмшiлiктiң аумағында ведомстволық үйлерде, қосалқы шаруашылықтарда, мал жайылымдарында, жатақханаларда, оқушыларға арналған интернаттарда, балалар үйлерiнде, қарттар мен мүгедектерге арналған интернат үйлерiнде, ауруханаларда тұратын азаматтар отбасыларының болуын тексеру қажет.
      Iрi елдi мекендерде ауылдық (селолық), кенттiк әкiмшiлiктiң маманы барлық үй шаруашылықтарын (бұдан әрi – шаруашылық) 15 күнтiзбелiк күннiң iшiнде жеке аралап, осы мерзiмде әр шаруашылық бойынша кiтаптардың бетiне белгi қоюды немесе ондағы жазбаларды анықтауды жүзеге асыра алмаса, онда оған көмекке ауылдық (селолық), кенттiк әкiмшiлiк ауылдық (селолық), кенттiк әкiмшiлiктiң басқа мамандарын қосымша тартады. Осы мақсатта ауылдық (селолық), кенттiк әкiмшiлiктiң маманы елдi мекендердiң тiзiмiн нақтыланғаннан кейiн, оны жекелеген шектi учаскелерге бөледi, бұл учаскелердi жұмысқа тартылған мамандар арасында бөледi және бұл тiзiмдi ауылдық (селолық), кенттiк әкiмшiлiкке бекiтуге ұсынады. Өз шешiмiнде ауылдық (селолық), кенттiк әкiмшiлiк жұмысқа тартылған мамандар тiзiмiн бекiтедi және осы жұмысты кiмнiң, қай елдi мекендерде, қай көшелерде (iрi елдi мекендерде) жүргiзу керек екендiгiн тапсырады. Жұмысқа тартылған мамандардың барлық жұмысына ауылдық (селолық), кенттiк әкiмшiлiктiң Әкiмi басшылыққа алады. Ол әр шаруашылық бойынша кiтаптарды оларды толтыру немесе ондағы жазбаларды тексерiп, анықтау үшiн бередi, сондай-ақ ол жазбалардың ресiмделу дұрыстығын, енгiзiлген нақтылаулардың негiздiлiгiмен дәлдiлiгiн, үй шаруашылығы иесiнiң қолы қойылғандығын бақылай отырып, әрқайсысынан толтырылған (тексерiлген) кiтаптарды жеке қабылдайды.
      10. Жаңа әр шаруашылық бойынша кiтаптардың бетiн белгiлеу немесе бұрын арналған әр шаруашылық бойынша кiтаптардағы жазбаларды тексеру мен анықтау кезiнде, сондай-ақ осы жұмыстар аяқталғаннан соң аудандық атқарушы органның мамандары әр шаруашылық бойынша кiтаптар мен тiзiмдердi ауылдық (селолық) әкiмшiлiктердiң толық және дұрыс толтыруына тексеру жүргiзедi және оларға анықталған кемшiлiктердi жоюда көмек көрсетедi.
      11. Әр шаруашылық бойынша кiтаптардың деректерiн статистикалық органдар – ауылдық елдi мекен халқының жасы мен жыныс құрамы туралы және жеке меншiк құқығында азаматтарға тиiстi тұрғын үйлер туралы деректер алуға, жеке пайдаланудағы малды есепке алуға және басқалары үшiн, жергiлiктi атқарушы органдар – жалпы бiлiм беретiн мектептерде оқуға тиiстi мектеп жасындағы балаларды анықтау үшiн пайдаланады.
      12. Шаруашылықтардың дербес шоты әр шаруашылық бойынша кiтапта (№ 1 нысан) 1 қаңтардағы жағдай бойынша кiтаптардың бетiн белгiлеу кезiнде ауылдық (селолық), кенттiк әкiмшiлiктер аумағында тұрақты тұратын барлық адамдарға ашылады. Дербес шоттардағы барлық жазбалар үй шаруашылықтарына барған кезде тiкелей жүргiзiледi.
      Әрбiр шаруашылыққа, тұрақты тұратын азаматтардың шаруашылықтарын қоса, жеке дербес шот ашылады. Жеке шаруашылық деп бiрге тұратын, үй шаруашылығын жүргiзетiн адамдарды (отбасын) айтады. Жеке шаруашылық сондай-ақ жалғыз басты адамдар (отбасылары жоқ) шаруашылық болып саналады. Мұндай шаруашылықтарға сондай-ақ жеке дербес шоттар ашылады. Егер ауылдық (селолық), кенттiк әкiмшiлiк аумағында иесiз үйлер немесе иелерi үй кiтапшасынан шығарылған немесе тұрақты тұрмайтын, яғни маусымдық (саяжайлық) үйлер болса олар әр шаруашылық бойынша кiтаптарда ескерiлмейдi. Бұл үйлер туралы мәлiметтердi ауылдық (селолық), кенттiк әкiмшiлiктiң маманы жеке тiзiмге жазады.
      13. Әр шаруашылық бойынша кiтапқа (№ 1 нысан) олардың елдi мекенде орналасу тәртiбi бойынша оларда құрылыстың, үй-жайдың және малдың қолда барына қарамастан, ауылдық (селолық), кенттiк әкiмшiлiк аумағында тұрақты тұратын барлық шаруашылықтардың мүшелерi жазылады. Әр шаруашылық бойынша кiтапқа жазбаны әрбiр шаруашылыққа бармай енгiзуге болмайды.
      Ауылдық (селолық), кенттiк әкiмшiлiк аумағында уақытша тұратын адамдар әр шаруашылық бойынша кiтапқа (№ 1 нысан) жазылмайды, олар «Ауылдық (селолық), кенттiк әкiмшiлiк аумағында уақытша тұратын адамдар тiзiмi» № 2 нысанға енгiзiледi.
      14. Әрбiр елдi мекенге, 20-дан астам ауласы бар, жеке әр шаруашылық бойынша кiтап арналады. Ұсақ елдi мекендердiң (қыстақтардың, орманның күзет үйлерiнiң, темiржол күркелерiнiң) шаруашылықтары олар жақын орналасқан iрi елдi мекендердiң әр шаруашылық бойынша кiтабына жазылады. Олардың әрқайсысына нақты парақ саны бөлiнедi. Әрбiр елдi мекен немесе көше (iрi елдi мекен) шаруашылығының жазбасы аяқталғаннан соң осы елдi мекенде немесе көшеде жаңадан пайда болған шаруашылықтарды жазу үшiн кiтапта бiрнеше бос парақ қалдыру қажет.
      15. Әрбiр әр шаруашылық бойынша кiтаптың титулдық парағында осы елдi мекендер шаруашылығының дербес шоттары орналасқан беттер нөмiрлерiнiң әрқайсысына қарама-қарсы белгiсi бар елдi мекендердiң атауы жазылады. Iрi елдi мекендерге арналған әр шаруашылық бойынша кiтаптарда елдi мекеннiң атауынан басқа, сондай-ақ осы көшелерде шаруашылықтардың дербес шоттары орналасқан беттер нөмiрлерiнiң әрқайсысына қарама-қарсы белгiсi бар, көшелердiң атауы жазылады.
      Ауылдық (селолық), кенттiк әкiмшiлiктiң әр шаруашылық бойынша кiтаптары оларды тура нөмiрлегеннен кейiн нөмiрленедi. Әр шаруашылық бойынша кiтаптарға нөмiр беру «Әлiпбилiк кiтабы» № 3 нысанын толтыру кезiнде пайдаланылады.
      16. Барлық елдi мекендердегi аулаларды аралау және барлық шаруашылықтарды әр шаруашылық бойынша кiтаптарға жазу аяқталғаннан соң шаруашылықтардың дербес шоттарын нөмiрлеу жүзеге асырылады, ол барлық ауылдық (селолық), кенттiк әкiмшiлiктер бойынша үздiксiз және бiрыңғай болуы керек. Әрбiр елдi мекен үшiн дербес шоттарды жеке нөмiрлеуге жол берiлмейдi.
      Ауылдық (селолық), кенттiк әкiмшiлiк аумағында кiтаптар бетiн белгiлегеннен кейiн жаңа шаруашылықтың құрылуы кезiнде бұл шаруашылықтың қай елдi мекенде құрылғандығына және кiтап бетiн белгiлеу кезiнде осы елдi мекеннiң кiтабы қай шаруашылықтың нөмiрiмен аяқталғандығына қарамастан ауылдық (селолық), кенттiк әкiмшiлiк бойынша кезектi нөмiр берiледi.
      Жаңа шаруашылықтарға кезектi нөмiр берудi қолайлы ету мақсатында әлiпбилiк кiтаптың соңында (№ 3-нысан) таза қағаз бетiнде жадынама жасалады, оған ауылдық (селолық), кенттiк әкiмшiлiк бойынша соңғы шаруашылықтың нөмiрi жазылады.
      17. Дербес шоттың нөмiрi осы шаруашылық үшiн барлық кезеңге (бес жыл) тұрақты болып табылады. Осы нөмiрмен әр шаруашылыққа хабарлама, шақыру қағаз жiберiледi, ол қаржы, статистика және басқа да органдармен өз жұмыстарын жүргiзу кезiнде жасалатын шаруашылықтар тiзiмiнде көрсетiледi.
      Дербес шот нөмiрi сол немесе өзге шаруашылықтың (отбасының) барлық мүшелерiнiң бiр және сол ауылдық (селолық), кенттiк әкiмшiлiк шегiнде бiр елдi мекеннен екiншiсiне тұрақты мекен-жайға көшуi кезiнде өзгермейдi. Бұл жағдайда осы шаруашылықтың дербес шотын шаруашылық мүшелерi шығатын елдi мекеннiң әр шаруашылық бойынша кiтабында жауып (сызып), олар жаңа мекенге көшiп келетiн елдi мекеннiң әр шаруашылық бойынша кiтабында, осы шаруашылықтың дербес шотының бұрынғы нөмiрiн сақтай отырып, дербес шот ашу керек. Шаруашылықтың бұрынғы тұрған жерi бойынша оның дербес шотының жабылуы туралы белгi оның жоғарғы бөлiгiнде жабылу күнi мен себебiн көрсете отырып, қойылады, мысалы, «Шаруашылықтың «Ақбұлақ» ауылына көшуiне байланысты оның дербес шоты жабылды (күнiн көрсету)». Тиiстi түзетулер бiр уақытта, сондай-ақ шаруашылықтардың әлiпбилiк кiтабына да енгiзiлуi тиiс (№ 3 нысан).
      Шаруашылық мүшелерiнiң бiр және сол iрi елдi мекен шегiнде бiр көшеден екiншiсiне көшуi кезiнде де осындай түзетулер енгiзу керек.
      Шаруашылық (отбасы) иесi сол шаруашылық құрамынан ауыстырылған жағдайда (мысалы, өлiмiне немесе басқа себептерге байланысты) дербес шот нөмiрi өзгермейдi. Мұндай жағдайларда шаруашылықтың дербес шоты жаңа дербес шотқа қайта жазылмайды, мұның өзiнде:
      дербес шоттың жоғарғы бөлiгiнде шаруашылық (отбасы) иесiнiң тегi, аты және әкесiнiң аты жазылады, бұрынғысының аты-жөнi сызылады;
      «Отбасы мүшелерiнiң тiзiмi» 1-бөлiмдегi «Бiрiншi жазылған шаруашылық мүшесiне қатынасы» 2-жолда – оның тегiнiң астына «иесi» деп жазылады, ал қалған отбасы мүшелерiнiң тегiне қарама-қарсы олардың шаруашылықтың (отбасының) жаңа иесiне туысқандық қатынасы жазылады – «әкесi», «анасы», «күйеуi», «әйелi», «ағасы», «әпкесi», «қызы», «ұлы». Шаруашылық (отбасы) мүшелерiнiң бұрын жазылған туысқандық қарым-қатынастарының асты сызылып көрсетiлуi және өзгертiлуi тиiс.
      18. Бiр шаруашылықты екiге бөлу кезiнде дербес шоттан ескi шаруашылық құрамынан бөлiнiп көрсетiлген адамдар шығарылады (сызылып тасталады). Жаңадан құрылған шаруашылыққа оның орналасқан орнына байланысты тиiстi шаруашылық бойынша кiтапта жаңа дербес шот ашылады. «Қосымша мәлiметтер» бөлiмiнде осы шаруашылықтар бойынша төмендегiдей белгiлер жасалады: «№ ... шаруашылықпен бөлiндi» немесе «№ ... шаурашылықтан бөлiнiп шықты» және ескi шаруашылықтың бөлiмi ресiмделген құжаттың атауы мен күнi көрсетiледi.
      Бiр уақытта шаруашылықтардың әлiпбилiк кiтабының соңына (№ 3 нысан) әлiпбидiң тиiстi әрпiне жаңадан құрылған шаруашылықты, ал 6-бағанда шаруашылық иесiнiң тегiне қарама-қарсы «№ ... шаруашылық бөлiнiп шықты (күнi көрсетiледi)» деп жазуы керек.
      19. Екi шаруашылықты бiр шаруашылыққа бiрiктiрген кезде (мысалы, шаруашылық мүшелерi некелескен жағдайда) осы шаруашылықтардың бiрiнiң дербес шоты бұрынғы нөмiрмен сақталады, мұның өзiнде оған «Отбасы мүшелерiнiң тiзiмi» – 1-бөлiмге және басқа бөлiмдерге қосымша жазбалар енгiзiледi. «Қосымша мәлiметтер» бөлiмiнде «№ ... шаруашылықпен бiрiктiрiлдi» деген белгi жасалады. Ал басқа шаруашылықтың дербес шоты оның жоғары бөлiгiне «№ ... шаруашылықпен бiрiктiрiлуiне байланысты дербес шоты жабылды (күнiн көрсету қажет)» деген белгi қойылып жабылады. Осы шаруашылықтың дербес шотының жабылуы туралы тиiстi белгi сондай-ақ шаруашылықтардың әлiпбилiк кiтаптарының 6-бағанында жасалады.
      20. Шаруашылық таратылған немесе шаруашылықтың барлық мүшелерi осы әкiмшiлiктiң шегiнен тыс аумаққа тұрақты мекен-жайға көшiп кеткен барлық жағдайларда, мұндай шаруашылықтардың дербес шоты әр шаруашылық бойынша кiтапта дербес шоттың жоғары бөлiгiнде көрсетiлiп жабылады, сондай-ақ шаруашылықтардың әлiпбилiк кiтаптарының 6-бағанында, дербес шоттың жабылу күнi және себебi көрсетiлiп, бiр уақытта дербес шот сызылып тасталады.
      Жабылған дербес шоттардың нөмiрлерi пайдаланылмаған болып қалуы керек, оларды жаңадан құрылған басқа шаруашылықтарға беруге болмайды.

Әр шаруашылық бойынша есепке алуды 

жүргiзу және тiркеу жазбаларын   
жүргiзудi ұйымдастыру нысандары  
бойынша статистикалық әдiснамаға  
1-қосымшасы            

№ 1 нысан  

2011 – 2015 жылдарға арналған
_____________________________________ ауылдық (селолық) әкiмшiлiгiнiң
ШАРУАШЫЛЫҚ ЖӨНIНДЕГI № ____ КIТАБЫ

      Кiтапқа төмендегiдей елдi мекендердiң шаруашылығы жазылады

      (iрi елдi мекендердiң көшелерi көрсетiледi):

__________________________________ _____ беттен _________ бетке дейiн

__________________________________ _____ беттен _________ бетке дейiн
__________________________________ _____ беттен _________ бетке дейiн
__________________________________ _____ беттен _________ бетке дейiн
__________________________________ _____ беттен _________ бетке дейiн
__________________________________ _____ беттен _________ бетке дейiн
__________________________________ _____ беттен _________ бетке дейiн

Шаруашылық жөнiндегi кiтапқа ауылдық (селолық) әкiмшiлiгi аумағында тұрақты тұратын жұртшылық шаруашылығы, олардың елдi мекендерде орналасу ретiмен жазылады

Бiрiншi жазылған шаруашылық
мүшесiнiң тегi, аты және әкесiнiң аты _______________________________

Дербес шоттың № __________ № (жер кадастры кiтабы бойынша) _________

Үйдiң сәйкестендiрме коды

ШАРУАШЫЛЫҚ МЕКЕНЖАЙЫ: __________ көшесi, үйдiң № ___ пәтердiң № ____

1. Үй шаруашылығы мүшелерiнiң тiзiмi

      Ескерту. 1-бөлiм жаңа редакцияда - ҚР Статистика агенттiгi Төрағасының м.а. 2010.10.05 № 288 (алғашқы ресми жарияланған күнiнен кейiн қолданысқа енгiзiледi) Бұйрығымен.

1	Үй шаруашылығы мүшесiнiң реттiк нөмiрi			01	02	03	04	05
2	Тегi
3	Аты
4	Әкесiнiң аты
5	ЖСН
6 7 8	Бiрiншi жазылған үй шаруашылығы мүшесiне қатынасы			01
				бiрiншi жазылған адам – 1, әйелi/күйеуi - 2, қызы/ұлы - 3, анасы/әкесi - 4, апасы/қарындасы/ағасы (iнiсi) - 5, жұбайының (зайыбының) ата-анасы - 6, келiнi/жеңгесi/абысыны/күйеу баласы - 7, әжесi/атасы - 8, немересi - 9, туыстықтың басқа дәрежесi, жекжаттық - 10, туыс емес - 11
	Реттiк нөмiрi	анасы немесе әкесiнiң
		Жұбайының (зайыбының)
9	Жынысы (ер - 1, әйел - 2)
10	Ұлты (1-кестенi қараңыз)
11	Оқиға датасы кк.аа.жжжж.	туу
12		өлу
13		неке жағдайы	бiрiншi неке
14			тұл/жесiр
15			ажырасқан
16			соңғы неке
17		келу
18		кету
19	Бiлiмi	2011 ж.
		2012 ж.
		2013 ж.
		2014 ж.
		2015 ж.
		мектепке дейiнгi - 1, бастауыш - 2, негiзгi орта - 3, жалпы орта - 4, бастауыш кәсiптiк - 5, орта арнаулы - 6, аяқталмаған жоғары - 7, жоғары - 8, жоғары оқу орнынан кейiнгi - 9
20	Бiлiм беру ұйымында оқитындар	2011 ж.
		2012 ж.
		2013 ж.
		2014 ж.
		2015 ж.
		мектепке дейiнгi - 1, жалпы бiлiм беретiн мектеп - 2, техникалық және кәсiптiк - 3, ЖОО - 4, жоғары оқу орнынан кейiн - 5, бiлiктiлiктi арттыру курстары – 6
21	Жұмыспен қамтылу жағдайы	2011 ж.
		2012 ж.
		2013 ж.
		2014 ж.
		2015 ж.
		жалдамалы қызметкер -1, жұмыс берушi – 2, жеке негiзде жұмыс iстеушi -3, жеке қосалқы шаруашылықпен (жеке ауласымен) айналысушы - 4, өндiрiстiк кооператив мүшесi - 5, отбасылық кәсiпорынның ақы төленбейтiн жұмыскерi – 6, жұмыссыз – 7
22	Күнкөрiстiң негiзгi қаражат көзi	2011 ж.
		2012 ж.
		2013 ж.
		2014 ж.
		2015 ж.
		жалдамалы жұмыстан табыс - 1, өз бетiнше жұмыс iстеуден табыс (жеке қосалқы шаруашылықтағы жұмыстан басқа) - 2, жеке қосалқы шаруашылықтағы жұмыс - 3, стипендия - 4, зейнетақы - 5, жәрдемақы - 6, туысқан немесе жақындардан көмек - 7, жеке меншiктен табыс, дивидент, сыйақылар - 8, асыраудағы – 9, өзге - 10

 II. 1 қаңтардағы тұрғын үй жағдайы

			2011 ж.	2012 ж.	2013 ж.	2014 ж.	2015 ж.
1	Тұрғын үй:
1.1.	жеке
1.2.	көп пәтерлi
1.3.	басқа тұрғын үйжай
2	Тұрғын үйжайдың меншiк түрi:
2.1.	мемлекеттiк
2.2.	жеке
3	Бөлме саны (бiрлiк)
4	Тұрғын үйдiң сыртқы қабырғасының материалы
5	Тұрғын үйжайды абаттандыру (ия немесе жоқ):
5.1.	электрлендiру
5.2.	су құбыры
5.3.	ыстық сумен қамтамасыз ету
5.4.	кәрiз
5.5.	ванна, себезгi
5.6.	орталықтан жылытумен қамтамасыз етiлген
5.7.	жеке құрылғымен жылыту
5.8.	газ	табиғи
		шеттен әкелiнген
5.9.	электроплитасы
5.10.	жеке су жылытқыштан ыстық сумен жабдықтау
5.11.	пешпен жылыту
6	Алаң мөлшерi ш.м
6.1.	жалпы (пайдалы)
6.2.	тұрғын

 III. 1 қаңтардағы жеке меншiкке жататын ауылдық (селолық), кенттiк округтың шегiндегi және шегiнен тыс жалға берiлген (жалға алынған) жерлер

№ р/с		2011 ж.		2012 ж.		2013 ж.		2014 ж.		2015 ж.
		барлық жер	одан округтың шегiнен тыс	барлық жер	одан округтың шегiнен тыс	барлық жер	одан округтың шегiнен тыс	барлық жер	одан округтың шегiнен тыс	барлық жер	одан округтың шегiнен тыс
1	А. Барлық жер, га (0,001-ге дейiнгi дәлдiкпен) /
2	соның iшiнде кiретiндер: салынған құрылыстарымен
3	егiстiктер
4	жайылымдар
5	бау-бақшалар, жүзiмдiктер
6	табиғи пiшендiктер
7	тыңайған жерлер
8	сәндiк екпе ағаштар
9	одан жалға берiлгенi*
10	жалға алынғаны*
		1 шiлдедегi (ағымдағы жылғы астыққа арналған егiс алаңы туралы деректер шаруашылықтың ересек мүшелерiнен сұрау негiзiнде жазылады)
		барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс
11	Б. Барлық егiстiк алаңы, га (0,001-ге дейiнгi дәлдiкпен)
	соның iшiнде:
12	дәндi дақылдар
13	одан бидай
14
15
16

№ р/с			2011 ж.		2012 ж.		2013 ж.		2014 ж.		2015 ж.
			барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс	барлық егiстiк алаңы	одан округтың шегiнен тыс
17	майлы дақылдар
18	одан күнбағыс тұқымдары
19	темекi
20	қант қызылшасы
21	шиттi мақта
22	сабан және жем
23	көкөнiс
24	одан:
25
26
27	картоп
28	қауындар және қарбыздар
29	гүлдер
30	басқа да дақылдар (көрсет)	1
		2
		3
31	Көп жылдық дақылдар
32	одан: жүзiм
33	шекiлдеуiктi және дәнектi жемiстер
34	одан: алмалар
35
36	өзге де жемiстер және жидектер
37	В. Су қоймаларындағы су бетiнiң жалпы алаңы, шаршы м
38	Одан ауланған балық, кг

*) Егер жер жалға берiлген (немесе алынған) болса, онда «Қосымша мәлiметтер» бөлiмiнде кiмге (немесе кiмнен) берiлгенiн (немесе алынғанын) көрсету керек/

следующая страница>