(20.01.1992 ж. – 20.12.1993 ж.)
1944 жылы 17 қыркүйекте Торғай облысы Жангелдин ауданының СОКП ХХI партсъезі атындағы колхозда дүниеге келді, қазақ.
Мембанк жүйесіндегі еңбек қызметін 1969 жылы Алматы халық шаруашылығы институтын бітіргеннен кейін бастады. Жүйелі түрде Мембанктің кредит инспекторы, бөлімше басқарушысы, Мембанктің Торғай облыстық кеңсесі қалалық басқармасының бастығы лауазымдарын атқарды.
1986 жылы Мембанктің Қазақ республикалық кеңсесінің аппаратына ауыстырылды, онда жоспарлау-экономика басқармасы бастығының орынбасары, Ауыл шаруашылығын кредиттеу басқармасының бастығы болды. Банк жүйесі қайта құрылғаннан кейін, 1987 жылғы желтоқсаннан бастап Қазагроөнеркәсіпбанкі Басқарма Төрағасының бірінші орынбасары болып бекітілді. 1992 жылғы қаңтардан бастап Қазақстан Республикасы Ұлттық Мемлекеттік банкінің Басқарма Төрағасы болып тағайындалды.
1994 жылғы ақпанда ҚР Президенті Әкімшілігінің экономикалық саясат бөлімінің консультанты лауазымына тағайындалды. 1996-1998жж. «Қазпочтабанк» ЖАҚ шетел инвестициялары департаментінің директоры болып жұмыс істеді.
1997– 1998 жылдары «АТРЕМ» қаржы-инвестициялық компаниясының бас директоры лауазымын атқарды.
1998 – 2002 жылдары Қазақстан сақтандырушылар қоғамының төрағасы лауазымын атқарды.
1999 – 2002 жылдары «Халықтық жинақтаушы зейнетақы қоры» ЖАҚ президенті лауазымын атқарды.
2002 жылдың қаңтарынан бастап 2004 жылғы қараша аралығында ҚР Парламенті Мәжілісінің депутаты болып жұмыс істеді, Экономикалық реформа және аймақтық даму комитетінің мүшесі болды.
2005 жылғы ақпаннан бастап - ҚР Парламенті Мәжілісінің Төрағасы хатшылығының меңгерушісі, ҚР Парламенті Мәжілісінің 2-шақырылған депутаты.
«Мембанк үздігі» белгісімен, «Парасат» орденімен және Мембанктің Қазақ республикалық кеңсесінің және Торғай облыстық атқару комитетінің құрмет грамоталарымен марапатталды.