Баланың бөбекжайға алғаш келуі бала өміріне үлкен өзгерістер алып келеді. Әрине бұл ата-анаға да мазасыздық тудырады. Бір жағынан мектепке дейінгі бала бақша баланың тұлға болып қалыптасуының алғашқы баспалдағы болса, екінші жағынан алғанда баланың үлкен ортаға үйренуін қалыптастырады. Мұнда ата- ананың да, тәрбиешінің де орны ерекше. Бөбекжайға жаңа келген бала үшін бөбекжайда барлық жағдай таңсық. Үлкен ортаға үйрену ата-анасыз тәрбиешінің қарауында қалу осының бәрі келіп баланың мінез құлқының өзгеруіне әкеліп соғады. Сондықтан екі жақтап ата-ана да, тәрбиеші де өте нәзіктікпен қарап түсіне білуі керек. Баланы бөбекжайға алып келерде, ата-ана міндетті түрде балаға алдын ала түсіндіруі керек.Біріншіден көп баланың ортасына баратынын, онда күн ұзаққа қалып балалармен бірге ойнайтынын,бірге тамақ ішетінін. Бала бөбекжайға алғаш келген күні жыламай қалуы мүмкін, себебі ол сол күні ештеңеге түсінбестен көп баланы көріп алданып қалып қояды.Ал келесі күні күн ұзаққа бала бөбекжайда қалатынын түсінеді де, жылауды бастайды. Сондықтан баланың түйсігіне жететіндей етіп, егжей-тегжейлі түсіндірулері керек.Алғашқы күндері бөбекжайға тіпті баланың үйдегі үйренген өз ойыншығымен де кіруге рұхсат етуіміз керек.Себебі үйренген ойыншықтары психологиялық тұрғыдан қарағанда баланың тез үйреніп, қалыптасып кетуіне ықпалы зор. Үйде жалғыз болып өскен бала үшін мұндағы ортақтық да тосын жай. Сондықтан бірте- бірте баланың санасына ортақтықтың не нәрсе екенін түсіндіре білуіміз керек. Кейбір ата-аналар баланы тек тәрбиеші тәрбиелеу керек деп ойлайды, бұл өте жаңсақ пікір. Баланың бөбекжайға психологиялық тұрғыдан қалыптасып кетуі үшін, екі жақтап ықпал етулері қажет. Бала үшін ата-ананың да, тәрбиешініңде атқаратын орны ерекше. Бір маңызды нәрсенің бірі- қалыптасу. Бұл жерде бала мен тәрбиеші және ата-ананың арасындағы түсінушілік де үкен маңыз атқарады.Бала үшін тәрбиеші үлкен беделді бола білуі керек. Сондықтан әруақыттада бірігіп жұмыс жасасақ балаларымыз бөбекжайға еш қиындықсыз қалыптасып, үйреніп кетеріне еш шүбәміз болмасы хақ.

МКҚК бөбекжайының