Жер учаскесінің (жер пайдаланушының) меншік иесі ауысқан кезде

жер учаскесінің құқығын ресімдеу

Қазақстан Республикасы Жер ресурстарын басқару агенттігі

Жер ресурстары және жерге орналастыру мемлекеттік ғылыми-өндірістік орталығы
Қазақстан Республикасы Жер

ресурстарын басқару агенттігі

төрағасының бұйрығымен

БЕКІТІЛДІ:

«14» маусым 2006 ж. № 74-ІІ

Жер учаскелеріне құқық ресімдеу

жөніндегі әдістемелік нұсқау
Азаматтық-құқықтық мәміле жасау немесе әмбебап құқықтық мирасқорлық тәртiбiмен (мұраға қалдыру, заңды тұлғаның қайта ұйымдастырылуы) нәтижесінде алынған жер учаскесіне құқықты ресімдеу туралы өтінім жер учаскесінің орналасқан жері бойынша уәкілетті органға беріледі.

Өтінімге құқықты куәландыратын құжат (сатып алу-сату шарттары (айырбастау, сыйға тарту), мұрагерлік туралы куәлік, жер учаскесінің немесе жер пайдаланушының меншік құқығын тану туралы сот органдарының шешімі) және олардың көшірмесі, бұрынғы меншік иесінің (жер пайдаланушының) жер учаскесіне мемлекеттік тіркеуге алынған құқықты куәландыратын құжатының нотариалды куәландырған көшірмесі қоса беріледі.

Сондай-ақ өтінімге мына құжаттар қоса беріледі:

жеке тұлғалар үшін жеке куәлік (төл құжат), салық төлеу куәлігі;

заңды тұлғалардың мемлекеттік тіркеу туралы куәлігі, салық төлеу куәлігі, заңды тұлғалар үшін- статистикалық карточкасы.

Уәкілетті орган көрсетілген құжаттарды тексеріп, жер учаскесіне құқықты куәландыратын құжатты дайындау және жер-кадастрлық құжаттамаға сәйкес өзгерістерді енгізу үшін оларды жер кадастрын жүргізетін мамандандырылған кәсіпорынға жібереді.

Жер учаскесінің (жер пайдаланушының) иесі ауысқандығы туралы өзгерістерді жер –кадастрлық кітапқа және бірыңғай мемлекеттік жер тізіліміне енгізеді.

Мамандандырылған кәсіпорын өтініш берушінің өз есебінен құқықты куәландыратын құжатты дайындайды және оған қол қою үшін уәкілетті органға жібереді. Уәкілетті орган қол қойылған құқықты куәландыратын құжатты жер учаскесінің жаңа меншік иесіне (жер пайдаланушыға) тапсырады.

Жер учаскесіне құқықты мемлекеттік тіркеуді өтінуші белгіленген тәртіпте жер учаскесінің орналасқан жері бойынша жылжымайтын мүлікті тіркейтін органдарда тіркейді.