ЖҰмыссыздықтан қОРҒау туралы әлеуметтік шаралар қазақстан Республикасының «Халықты жұмыспен қамту»

ЖҰМЫССЫЗДЫҚТАН ҚОРҒАУ ТУРАЛЫ ӘЛЕУМЕТТІК ШАРАЛАР
Қазақстан Республикасының «Халықты жұмыспен қамту» Заңына сәйкес мемлекет тарапынан жұмыссыздықтан қорғау мақсатында келесі әлеуметтік шаралары көрсетіледі:

жұмысқа орналасуға көмек көрсету;
кәсіби даярлау, біліктілікті арттыру, қайта даярлау курстарына жіберу;
жұмыссыздарды қоғамдық жұмыстарға жіберу және еңбегіне ақы төлеу;
әлеуметтік жұмыс орындарына нысаналы топқа кіретін азаматтарды жіберу және еңбегіне ақы төлеу.

Міндетті әлеуметтік сақтандыру туралы 2003 жылғы 25 сәуірдегі № 405-ІІ Қазақстан Республикасының Заңына сәйкес 2005 жылдың 1 қаңтарынан республикада жұмысынан айырылуы жағдайларына байланысты азаматтарды қосымша әлеуметтік қорғау мақсатында құрылған - міндетті әлеуметтік сақтандыру жүйесі жұмыс жұмыс жасайды:

1) еңбек ету қабілетінен айырылуы;

2) асыраушысынан айырылуы;

3) жұмысынан айырылуы;

4) жүктілігіне және босануына байланысты табысынан айрылған жағдай;

5) жаңа туған баланы (балаларды) асырап алуына байланысты табысынан айрылған жағдай;

6) бала бір жасқа толғанға дейін оның күтіміне байланысты табысынан айрылған жағдай.

Егер жұмысынан айырылған жағдайда - 6 айдан кем емес уақыт әлеуметтік аударымдар аударылса және ресми түрде тұрақты мекен жайы бойынша жұмыспен қамту органында жұмыссыз ретінде тіркеуде тұрған жағдайда әлеуметтік төлемдер алуына азаматтың құқығы бар. Жұмысынан айырылу жағдайына байланысты берілетін әлеуметтік төлем мөлшері міндетті әлеуметтік сақтандыру жүйесіне қатысу өтіліне және орташа айлық еңбекақысына байланысты. Жұмысынан айырылған жағдайда әлеуметтік төлемдерді алу үшін азаматтың тұрақты мекен жайы бойынша жұмыссыз ретінде тіркеуде тұрғаннан бастап Алматы қалалық «Зейнетақы төлеу жөніндегі мемлекеттік орталықтың» филиалы арқылы жүргізіледі.