Облыс әкімінің гранты ауылдық елдi мекенде орналасқан бiлiм беру, денсаулық сақтау, агроөнеркәсiптiк кешен, әлеуметтiк қорғау, мәдениет және спорт салаларының мемлекеттiк мекемелерiн, мемлекеттiк қазыналық кәсiпорындарын бiлiктi мамандармен қамтамасыз ету мақсатында тағайындалады.

Облыс әкімінің гранты халықтың төмендегідей осал топтарына жататын студенттеріне тағайындалады:

бала жасынан мүгедектер, мүгедектер;

тұлдыр жетiмдер, сондай-ақ ата-анасының бiрiнiң қамқорлығынсыз қалғандар;

Маңғыстау облыстық балалар үйiнiң, Маңғыстау облыстық балалар аулының бұрынғы тәрбиеленушiлерi.

Сондай-ақ облыс әкімінің гранты ата-аналары және/немесе отбасылары төмендегі әлеуметтік топтарға жататын студенттерге тағайындалады:

ата-анасының екеуi де зейнеткер;

ата-анасының екеуi немесе бiреуi мүгедек;

ата-анасының екеуi немесе бiреуi мемлекеттiк бiлiм беру, денсаулық сақтау, агроөнеркәсiптiк кешен, әлеуметтiк қорғау, мәдениет және спорт салаларының мемлекеттік мекемелерi және/немесе кәсiпорындарында жұмыс жасайтын студенттерге.

 Облыс әкімінің грантын алушыларға шәкіртақы ретінде 5 мың теңге көлемінде ай сайынғы көмек төленеді, шәкіртақы мөлшері 2007 жылдан бері индекстелген жоқ.

2006 жылдан бері облыс әкімінің гранты 1050 студентке, оның ішінде:

білім беру саласының 575;

денсаулық сақтау саласының 352;

мәдениет саласының 42;

спорт саласының 37;

агроөнеркәсіптік кешеннің 35;

әлеуметтік саланың 9 маманын даярлауға тағайындалды.

Облыс әкімінің гранты бойынша барлығы 227 адам оқуын аяқтады.

Оның ішінде 156 мұғалім, 46 дәрігер, 20 адам дене шынықтыру және спорт саласының маманы, сондай-ақ 5 адам мәдениет саласының маманы.

Бүгінгі таңда облыс әкімінің гранты бойынша 677 студент білім алуда.