«Нұр Отан» ХДП Зайсан аудандық филиалының 2012 жылдың І жарты жылдығында сыбайлас жемқорлыққа қарсы атқарған жұмыстары
Қазақстан Республикасының «Сыбайлас жемқорлыққа қарсы күрес туралы» Заңына байланысты атқарылып жатқан жұмыстар.

Аудандық филиал жанындағы қоғамдық кеңестің кұрамы қайта қаралып, құрамы 7 адамнан бекітілді. Кеңестің төрағасы аудандық филиалдың Саяси Кеңесінің мүшесі, аудандық телекоммуникация директоры Ө.И.Нурасылов.

Құрамында: Партиялық бақылау комиссиясының, аудандық ардагерлер кеңесінің, аудандық білім беру беру қызметкерлерінің кәсіподақ ұйымының төрағалары, аудандық мәслихат депутаты, редактор, заңгер.

Кеңестің 2012 жылға арналған іс-шаралар жоспары жасалып бекітілген. Онда, Кеңес Ережесіне сай 6 отырыс өткізу жоспарланған. Алғашқы отырыста Кеңес мүшелері Ереже талаптарымен, Қазақстан Республикасының Сенатының депутаты, «Нұр Отан» ХДП жанындағы «Сыбайлас жемқорлыққа қарсы күрес жөніндегі республикалық қоғамдық Кеңестің төрағасы О.Әбдікәрімовтың 17.02.2012 жылы «Егемен Қазақстан» газетіне шыққан «Сыбайлас жемқорлыққа қарсы күрес» мақаласымен таныстырылып, пікірлері тыңдалды.

Сәуір айының ортасында «Шығыс Қазақстан облысында сыбайлас жемқорлыққа қарсы іс- қимыл жөніндегі 2011-2012 жылдарға арналған салалық бағдарламасын іске асыру іс-шаралар жоспарының ауданда орындалуы туралы ақпарат тыңдалып, белгіленген іс-шаралардың орындалуына назар аударылды.

Жоспарда аудандағы мемлекеттік мекемелер басшыларының әр түрлі мақсаттарға бөлінген бюджеттік қаржының мақсатты жұмсалуы, сыбайлас жемқорлыққа, Қазақстан Республикасының «Жер Кодексінің» талаптарын бұзушылыққа жол бермеу мәселелері туралы ақпарат тыңдау жоспарланған.

Аудан әкімдігінде, ауылдық округтер орталықтарында, қаладағы мемлекеттік мекеме алдында заңды, жеке тұлғалардың арыздары мен хаттарына арналған пошта жәшіктері ілінген.

Сондай-ақ, оларда сыбайлас жемқорлыққа қарсы күреске арналған баспа материалдары арнайы бұрыштарға ілініп, таратылған.

«Сыбайлас жемқорлыққа қандай тосқауыл» тақырыбында «Дөңгелек стол» отырысы өткізіліп, «Жемқорлық індет» сауалнамасы жүргізілді.

«Нұр Отан» ХДП-ның басшылығымен жылма-жыл жүргізіліп келе жатқан «Өзіңнен баста» акциясы аясында ағымдағы 2012 жылдың маусым айында аудандық «Достық» газетінде мемлекеттік қызметкерлердің табысы, мүлкі туралы ақпарат жарияланып, аудан әкімінің сайтына берілді.

Сыбайлас жемқорлыққа байланысты ауданда өтіп жатқан іс-шаралар, оның алдын алу туралы ақпараттар аудандық «Достық» газетінің беттерінде арнайы «Адам және Заң» айдарымен жарияланып келеді. Өткен және ағымдағы жылы 21 материал жарық көрді.

Аудандық филиалда, аудан әкімдігімен бірлескен «Сыбайлас жемқорлыққа қарсы күрес» жұмыстары 2011-2015 жылдарға арналған іс-шаралар жоспары аясында жалғасуда.