Қазақстан Республикасы Бәсекелестікті қорғау

агенттігінің (Монополияға қарсы агенттік)

сыбайлас жемқорлыққа қарсы күрес жөніндегі

2009–2010 жылдарға арналған іс-шаралар

жоспарын бекіту туралы

«Сыбайлас жемқорлыққа қарсы күрестің 2006–2010 жылдарға арналған мемлекеттік бағдарламасын іске асыру жөніндегі 2009–2010 жылдарға арналған іс-шаралар жоспары туралы» Қазақстан Республикасы Үкіметінің 2009 жылғы 8 мамырдағы № 677 қаулысын іске асыру мақсатында БҰЙЫРАМЫН:

1. 
   Қосымшаға сәйкес қоса беріліп отырған Қазақстан Республикасы Бәсекелестікті қорғау агенттігінің (Монополияға қарсы агенттік) (бұдан әрі – Агенттік) сыбайлас жемқорлыққа қарсы күрес жөніндегі 2009 – 2010 жылдарға арналған іс-шаралар жоспары (бұдан әрі – Іс-шаралар жоспары) бекітілсін.
   

2. Агенттіктің құрылымдық және аумақтық бөлімшелерінің басшылары Іс-шаралар жоспары тармақтарының тиісінше және уақтылы орындалуын қамтамасыз етсін.

3. Агенттіктің Әкімшілік департаменті осы бұйрықты Агенттіктің құрылымдық және аумақтық бөлімшелерінің назарына жеткізсін және Қазақстан Республикасы Экономикалық және сыбайлас жемқорлыққа қарсы күрес агенттігіне (қаржы полициясы) жыл сайын, 20 маусымнан және 20 желтоқсаннан кешіктірмей Іс-шаралар жоспарын іске асыру барысы туралы ақпарат берсін.

4. Осы бұйрықтың орындалуын бақылау Агенттіктің жауапты хатшысы Н.Ә. Әбдіге жүктелсін.

Төраға М. Есенбаев

Қазақстан Республикасы

Бәсекелестікті қорғау агенттігі

(Монополияға қарсы агенттік)

Төрағасының 2009 жылғы

«____» ____________№ _____

бұйрығына қосымша

Қазақстан Республикасы Бәсекелестікті қорғау агенттігінің (Монополияға қарсы агенттік)

сыбайлас жемқорлыққа қарсы күрес жөніндегі 2009– 2010 жылдарға арналған іс-шаралар жоспары

Р/с №	Іс-шаралар мазмұны		Орындалу мерзімі	Аяқталу нысаны		Орындалуына жауаптылар
1	2		3			4
1. Сыбайлас жемқорлықты азайту жҙніндегі мемлекеттік шараларды жетілдіру
1.1	Қазақстан Республикасы Бәсекелестікті қорғау агенттігінің (Монополияға қарсы агенттік) (бұдан әрі – Агенттік) сыбайлас жемқорлыққа қарсы күрес жөніндегі 2009–2010 жылдарға арналған іс-шаралар жоспарын (бұдан әрі – Іс-шаралар жоспары) кейіннен Агенттіктің веб-сайтында орналастыра отырып әзірлеу (Қазақстан Республикасы Үкіметінің 2009 жылғы 8 мамырдағы № 677 қаулысымен бекітілген «Сыбайлас жемқорлыққа қарсы күрестің 2006–2010 жылдарға арналған мемлекеттік бағдарламасын іске асыру жөніндегі 2009–2010 жылдарға арналған іс-шаралар жоспарының 12-тармағы).		2009 жылғы 2-ші жарты жылдық	Бұйрық, Агенттіктің веб-сайтында орналастыру		СЖД
1.2	Сыбайлас жемқорлық құқық бұзушылық деңгейін бағалайтын көрсеткіштер көзделген Агенттіктің аумақтық бөлімшелері қызметі рейтингісінің қортындыларын шығару.		Тоқсан сайын	Агенттік басшысына есеп		СЖД
1.3	Агенттіктің веб-сайтында жеке және заңды тұлғалардың шағымдарын, өтініштерін қарау үшін «Қоғамдық қабылдау» бөлімі мен сенім телефонының жұмыс істеуі		Ұдайы	Агенттіктің веб-сайтында орналастыру		СЖД, Агенттіктің құрылымдық және аумақтық бөлімшелері
1.4	Агенттіктің қызметкерлері үшін сыбайлас жемқорлыққа қарсы заңнаманы зерделеу жөнінде семинарлар, сыбайлас жемқорлыққа төзбеушілік атмосферасын қалыптастыру мақсатында «дөңгелек үстелдер» ұйымдастыру және өткізу.		Бекітілген жоспарға сәйкес	Семинарлар, дөңгелек үстел		ӘД, ҚҚД, СЖД
1.5	Агенттіктің нормативтік құқықтық және әкімшілік құжаттамаларын веб-сайтта орналастыру арқылы Агенттіктің қызметі туралы қоғамды ақпараттандыруды қамтамасыз ету.		Ұдайы	Агенттік веб-сайтының жұмысы		СЖД, Агенттіктің құрылымдық және аумақтық бөлімшелері
1.6	Іс-шаралар жоспарын іске асыру туралы уақтылы ақпараттандыруды қамтамасыз ету (Қазақстан Республикасы Үкіметінің 2009 жылғы 8 мамырдағы № 677 қаулысының 2-тармағы).		Жыл сайын, 2009 және 2010 жылдардағы 10 маусымнан және 10 желтоқсаннан кешіктірмей	Қазақстан Республикасы Экономикалық және сыбайлас жемқорлыққа қарсы күрес агенттігіне (қаржы полициясы) ақпарат		ӘД, Агенттіктің құрылымдық және аумақтық бөлімшелері
2. Мемлекеттік сыбайлас жемқорлыққа қарсы саясаттың профилактикасы, оны насихаттау
2.1.	«Мемлекеттік қызмет туралы», «Сыбайлас жемқорлыққа қарсы күрес туралы» Қазақстан Республикасының Заңдарында көзделген сыбайлас жемқорлыққа қарсы бағыттар шараларын іске асыру үшін жағдай жасауды қамтамасыз ету: - мемлекеттік қызметке, құрылымдық және аумақтық бөлімшелер басшыларының қызметіне кiру кезiнде қойылатын талаптарды қатаң түрде сақтау; - мемлекеттік қызметшінің ант қабылдауы; - мемлекеттік қызметшінің мәртебесіне байланысты шектеулер қабылдау және оны сақтау; - мемлекеттік қызметшілердің Ар-намыс кодексін сақтауы; - және басқалар.		Ұдайы	Тиісті жағдайларды қамтамасыз ету		ӘД, Агенттіктің құрылымдық және аумақтық бөлімшелері
Мемлекеттік қаражатты пайдалану тетіктерінің ашықтығын қамтамасыз ету және оларды үнемдеу
3.1.	Тауарларды (жұмыстарды қызметтерді) мемлекеттік сатып алуды қатаң түрде мемлекеттік сатып алу туралы қолданыстағы заңнамаға сәйкес жүзеге асыру.		Ұдайы	Мемлекеттік сатып алу туралы ақпараттарды Агенттіктің веб-сайтына және Қазақстан Республикасының мемлекеттік сатып алу веб-порталына орналастыру		ӘД

аббревиатуралардың толық жазылуы:
ҚҚД – Құқықтық қамтамасыз ету департаменті;

ӘД – Әкімшілік департаменті;

СЖД – Стратегиялық жоспарлау департаменті.