Оқу жылында С. Ж. Асфендияров ат.ҚазҰму түсуші шетел студенттерінің санын көбейту туралы

2013-2014 оқу жылында С.Ж.Асфендияров ат.ҚазҰМУ түсуші шетел студенттерінің санын көбейту туралы.

Баяндамашы: ОТЖ бойынша проректор К.А.Тулебаев

Қазақстан Республикасы Президенті – елбасы Н.Ә. Назарбаевтың «Қазақстан-2050 стратегиясы» - кемелденген мемлекеттің жаңа саяси курсы» атты Жолдауында біз бәсекеге қабілетті ел болуымыз үшін, ұшқыр білімді ұлт болуымыз керек делінген.

Медициналық білімге келсек, «Қазақстан-2050 стратегиясында» медициналық оқу орындарын халықаралық аккредитациялау міндеті және халықаралық білім кеңістігіне шығу тұр. Медициналық оқу орындары халықаралық білім кеңістігіне енуі үшін соған лайықты халықаралық рейтингісі және медициналық мамандар дайындау жүйесінің позитивтік имиджі болуы шарт.

Халықаралық рейтингте ҚазҰМУ-нің престижін және имиджін көтеру мақсатында Ғылыми Кеңесте әлемдегі 3000 жоғары оқу орны қатысатын QS (Quacquarelli Symonds) халықаралық рейтингіне қатысу туралы шешім қабылданды.

Осы көзқарас тұрғысынан алғанда, Болондық хартия бойынша ЖОО жоғары рейтингісін көтеруді анықтаудың бір көрсеткіші студенттік мобильділік және ЖОО-ндағы шетел студенттерінің саны. Осы аспектіде шетел студенттерінің контингенті 10% құрауы керек.

Бүгінгі таңда университетте шетел студенттерінің контингенті 2,5% құрайды. Демек, шетел студенттерінің контингентін көтеру үшін университеттің әрдайым позитивтік имиджі мен тартымдылығын арттыру үшін білім бағдарламаларын, оқу үдерісінің материалдық-техникалық базасын көтерумен ғана емес, білім қызметін берудің бағалық ұсынысын да қарастыруы керек.

Сондықтан, университеттің халықаралық рейтингісін көтеру үшін және әлемдік білім кеңістігіне ену үшін, университеттің имиджі мен тартымдылығын арттыру үшін және «С.Ж. Асфендияров ҚазҰМУ РМК әлеуметтік комиссиясы шешімімен» (№ 622 бұйрық 26.06.2012жж.), шетел азаматтарына оқу төлемақысына 30%-тік жеңілдік жасауға және ҚазҰМУ- не 2013-2014 оқу жылында 500 шетел азаматтарына квота бөлінуін қарастыруыңызды сұраймыз.

Шешім жобасы:

2013-2014 оқу жылында С.Ж.Асфендияров ат.ҚазҰМУ түсуші шетел студенттерінің санын арттыру үшін шет елдермен қарым-қатынас күшейтілсін.

Жауапты: ОТЖ бойынша проректор К.А.Тулебаев, шетел студенттері деканаты, халықаралық байланыстар бөлімі.