Гүл өссе-жердің көркі
Сабақтың мақсаты: Қыз балалардың икемділігін,шеберлігін,шығармашылық қабілетін арттыру,ұлттық салт-дәстүрді,әдет-ғұрыпты оқушылар бойына дарыта отырып дамыту.Ұлттық сана-сезімге,әдемілік пен әсемдікке тәрбиелеу.
Сабақтың түрі:дәстүрден тыс жарыс сабақ.
Қажетті құралдар:плакатқа жазылған ұлттық салт-дәстүрге байланысты өлеңдер,мақал-мәтелдер,жұмбақтар,түрлі маталар,ине,жіп,қайшы,қоржын,асық,сөзжұмбақ,пышақ,тақтай.
Пәнаралық байланыс:әдебиет,музыка.
Сабақтың барысыоқушыларды сабақтың тақырыбымен,мақсатымен,бағдарламасымен таныстыру.
Мұғалім: Балалар,біздің бүгінгі сабағымыздың тақырыбы «Қыз өссе-елдің көркі,гүл өссе-жердің көркі»деп аталады.
Мұндағы мақсатымыз.
а) Ұлттық өнерімізді,салт-дәстүрімізді үйрету.
ә) Шығармашылық қабілетімізді дамыту,мәдениеттілікке,шеберлікке тәрбиелеу болмақ.
Ол үшін оқушыларды үш топқа бөлеміз.
-
Қызғалдақ. 2 Жауқазын 3. Раушан
Бағдарламада:
1 Таныстыру.(Топтың аты,ұраны,әні,газеті,эмблемасы)
2 Қол өнері:(Тоқыма тоқу,ою ою,құрақ құрау)
3а)Жұмбақ шешу
ә) Мақал-мәтел айту
б) Сөзжұмбақ шешу
4 Сұрақ-жауап
5 Ас мәзірі
Енді әділқазылар алқасымен таныс болыңыздар
1-сайыс:
Әр топ өзін(атын,ұранын,әнін,газетін,эмблемасын) таныстырады.
2-сайыс «Қол өнері»
1. «Қызғалдақ» тобы құрақ құраудан
2. «Жауқазын» тобы тоқыма тоқудан
3. «Раушан»тобы ою оюдан жарысады.Қызғалдақ тобының музыкалықсәлемі.
3-сайыс: Үш топ бір-біріне жұмбақ жарысады.
1. Сұлу-сұлу құнаным,
Сылдыраған жүгенім.
Аяз күнде мінбеген,
Аяғы жерге тимеген.(Сәукеле)
2 Әжеме өң берген,
Жиегін көмкерген.
Етегі желкендей,
Киім еді ол нендей? (Кимешек)
3 Артында құйрығы бар,
Төреден бұйрығы бар. (Жаулық,кимешек)
4. Екі жыртқыш жарысады,
Жақтары қарысады. (Қайшы)
Үш топ мақал-мәтел айтады.
1 Еңбек-тәннің қуанышы,
Жанның жұбанышы.
2 Абыройдың анасы-ақыл,
Атасы-еңбек.
3 Еңбек еткеннің еңсесі биік.
4 Еңбек етпеген еңбектеп кетеді.
5 Шебердің қолы ортақ,
Шешеннің сөзі ортақ.
Сөзжұмбақ шешу.
1-топ Сөзжұмбақты дұрыс шешкенде «Шеберлік»
Сөзі шығады.
-
сүт тағамы?(ірімшік) -
Киіз төсеніш?(Текемет) -
Шаңырақ көтеретін құрал?(бақан) -
Киіз үйдің қабырғасы?(Кереге) -
Киіз үйдің төбесі?(Шаңырақ) -
Уыққа жабылатын киіз?(Туырлық) -
Ұлттық киім?(Ішік) -
Қыз баланың ұлттық бас киімі?(Сәукеле)
2-топ. Сөзжұмбақты шешкенде «Әдемілік»сөзі шығады.
1 Ал,....қыздар! (қанеки)
2 Қыз жасауы? (сандық)
3 Киіз үй қабырғасы? (Кереге)
4 Киіз төсеніш?(Сырмақ)
5 Уық шаншитын шаңырақ тесігі?(Күлдіреуіш)
6 Жеті нан?(Шелпек)
7 Сүт тағамы?(іркіт)
8 Қабырғаға ілінетін бұйым?(Тұскиіз)
3-топ. Сөзжұмбақты шешкенде «Мәдениет» сөзі шығады.
1. Қыздар тағатын әшекей бұйым?(Моншақ)
2 Қыз баланың ұлттық бас киімі?(Сәукеле)
3 Ұлттық ет тағамы?(Қуырдақ)
4 Ұлттық сүт тағамы? (Сүзбе)
5 Дән тағамы? (Талқан)
6 Әйелдерге арналған сәндік,зергерлік бұйым (Сақина)
7 Теріден жасалатын ыдыс атауы? (Мес)
8 Жүннен жасалатын төсеніш бұйымы?(Бөстек)
4-сайыс.Сұрақ-жауап.
Үш топ қоржындағы нөмірленген асықты алып,белгіленген сұрақтарға жауап береді.
Сұрақтар:
1 Сүт тағамдарының 8 түрін ата.
1 Айран 2 Қаймақ 3 Құрт 4 Қымыз 5 Сүзбе 6 Сүт 7 Шұбат 8 Ірімшік
2 Бесіктің 8 түрлі жабдықтарын ата.
1 Бесіккөрпе 2 Жөргек 3 Қолбау 4 Құсжастық 5 Құстөсек 6 Тізе бау.
7 Тізе жастықша 8 Түбек мүйет (Кепіл)
3 Ет тағамдарының 12 түрін ата.
1 әсіп 2 бас 3 бітеу 4 жал 5 жая 6 жөргем 7 ет 8 қазы 9 қарта 10 қуырдақ 11 Мипалау 12 шұжық.
5 сайыс Ас мәзірі
Әр топ берілген сұрақтарға жауап береді.
1 Бешбармақ дайындау 2 Қуырдақ дайындау 3 Шұжық дайындау
Мұғалім. Ал енді біздің бүгінгі өткізген сайысымыз аяқталды. Қазір сөзді әділқазылар алқасына береміз.
Мадақтама қағазы беріледі.
Сау болыңдар!
«Қостанай қаласы әкімдігінің білім бөлімінің №22 орта мектебі» ММ-сі
ГУ «Средняя школа №22 отдела образоввания акимата г. Костаная»
Іс-шараның тақырыбы: «Қыз өссе-елдің көркі,
Гүл өссе – жердің көркі»
Тема мероприятия: «Девушка-красота страны,
Цветок-красота земли»
Өткізген: Ысмағұлова Г.Қ
Проводила: Исмагулова Г.Х
Сынып: 9 «Б»
Класс: 9 «Б»
Қостанай қ -2010ж
г Костанай-2010г