Шариғаттың ер адамдарға айтылған кез-келген бұйрығы әйел кісілерге де қатысты екендігі туралы

Аса Мейірімді, ерекше Рахымды Аллаһтың атымен

Әлемдердің Раббысы – Аллаһқа мақтау-мадақтар, Пайғамбарымыз Мухаммадқа, оның отбасы мүшелеріне және барлық сахабаларына Аллаһтың игілігі мен сәлемі болсын!

Содан кейін:

Аллаһ Тағаланың дінінің негізінде Аллаһтың немесе Оның Елшісінің (оған Аллаһтың игілігі мен сәлемі болсын) кез-келген үндеуі баршаға түгел қатысты болып келеді, тек егер бұл үндеудің нақты біреулерге ғана қатысты екенін көрсететін дәлел болмаса. Бір адамға айтылған үндеу өзіне бүкіл үмметке айтылған үндеуді де қамтиды. Дәл солай ер адамдарға айтылған үндеу де өзіне әйел адамдарға айтылған үндеуді де қамтиды. Бұл - әһлю-Сунна ғалымдарының арасында оған қатысты келіспеушіліктер жоқ нәрсе. Мысал ретінде Пайғамбардың (оған Аллаһтың игілігі мен сәлемі болсын) Му’азға қарап: “Я, Му’аз, Аллаһтың атымен ант етемін, расында, мен сені жақсы көремін әрі саған, я, Му’аз, әр намаздан соң: «Уа, Аллаһ, маған Сені еске алып жүруіме, Саған шүкірліктер айтуыма және Саған жақсы құлшылық етуіме жәрдем бер», - деп айтуды ешқашан ұмытпауыңды өсиет етемін”, - деп айтқан хадисін келтіруге болады. Абу Дауд, ән-Нәсаи. Хадис сахих. Қз.: «Сахих әл-жәми’» 7969.

Бұл өсиет пен насихат Му’азға айтылғанына қарамастан, олар бүкіл үмметке де қатысты.

Аллаһ Тағала былай деп айтты: «Ал кім иман келтірген болып, ізгі істер істесе, мейлі ол еркек немесе әйел болсын, міне, сол Жәннатқа кіреді» («ән-Ниса» сүресі, 4: 124).

Айша мынаны баяндайтын: “Бірде Аллаһ Елшісіне (оған Аллаһтың игілігі мен сілемі болсын) (ұйқысынан оянғанында) ұрығы төгілгенін көрген, бірақ түсіндегі полюцияны (ұрық төгілуді) есіне түсіре алмайтын адам туралы сұрақ қойылғанда, ол: «Ол ғұсыл құйынуы керек», - деп жауап берді. Ал одан шақуатты қорздыратын түс көрген, бірақ ұрық төгілгенін байқамаған адам туралы сұрағанда ол (оған Аллаһтың игілігі мен сәлемі болсын): «Оған ғұсыл құйыну міндетті емес», - деп жауап берді. Умм Суләйм сонда: «Ал егер әйел кісі түсінде сондайды көрсе, оған жуыну керек пе?», - деп сұрады. Ол (оған Аллаһтың игілігі мен сәлемі болсын): «Иә. Ақиқатында, әйелдер еркектердің бауырлары», - деп жауап берді”. Абу Дауд 236, әт-Тирмизи 113. Шейх әл-Әлбани хадистің сенімділігін растады.

Имам әл-Хаттаби осы хадиске жасаған түсіндірмесінде былай деді: «Бұл хадистің түсінігінен егер үндеу еркек тегінде айтылып тұрса, онда бұған әйелдер де кіретіні келіп шығады, тек нақты ерекшелейтін дәлелдер нұсқаған белгілі бір жерлерден басқа!» Қз.: “Ма’алиму-с-Сунан» 1/161.

Тура осыны имам Абу Даудтың хадистер жинағының атақты түсіндірмесінің авторы шейх Шәмсул-Хақ ‘Азым Адаби де дәйексөз етіп келтіреді. Қз. «‘Аунул-Мә’буд» 1/295.

Және соңында әлемдердің Раббысы – Аллаһқа мақтаулар болсын!

«Саляф – Форум»

Қазақ тіліне аударған «Абу Ханифа мирасы» сайтының редакциясы