Ұстаздар күніне арналған мерекелік шараның сценарлық бағдарлама жоспары күні

ҰСТАЗДАР КҮНІНЕ АРНАЛҒАН МЕРЕКЕЛІК ШАРАНЫҢ СЦЕНАРЛЫҚ БАҒДАРЛАМА ЖОСПАРЫ

Күні: 30.09.2011ж

Уақыты: 15.00-16.30

Өтілетін орны: Қазақ Драма Театры

Қатысушылар: Ұстаз ардагерлер, білім беру ісіне үлес қосқан ұстаздар, облыстық,қалалық,аудандық білім мекемелері басшылары, мұғалімдер т.б
Мерекелік шарада берілетін білім басқармасының алқасы мен білім беру және ғылыми қызметкерлерінің облыстық кәсіподақ комитетінің номинациялар атауы:

Саны: 7

Әр номинация бойынша 5 ұстаз, мекемеге дейін

І. Білім беру мекемелерін 20 жылға жуық басқарған басшыларға арналған

«Белес» номинациясы;

ІІ. Республика, облыс деңгейінде жетістіктері және 20 жыл еңбек өтілі бар

ұстаздарға арналған «Мерей» номинациясы;

ІІІ. Тәуелсіздіктің алғашқы жылы 1991 жылы құрылған үздік білім

мекемелеріне арналған «Сәтті қадам» номинациясы

ІV. Республика, облыс деңгейінде жетістікке жеткен және 1991-2011жылдар

аралығында құрылған білім беру мекемелеріне арналған «Өрлеу»

номинациясы;

V. «Педагогикалық әулет» номинациясы;

VІ . «20 жастағы студент – болашақ ұстаз» номинациясы;

VІІ. 20 жыл бойы білім саласына қолдау көрсеткен әлеуметтік

серіктестіктерге арналған «Серпін» номинациясы;

Шараның өту реті:
І. Ұйымдастыру бөліміне берілетін уақыт: 14.15-15.00 (45 мин)

ІІ. Салтанатты шараның өтілуіне берілетін уақыт: 15.00-16.30 (1 cағ 30 мин)

1. Фойеде камерный ансамбль ойнап тұрады: 14.30-15.00

2. Қонақтарды,қатысушыларды қарсы алу: 14.20-15.50

3. Экраннан балабақша,мектеп,лицей,колледж

оқушыларының құттықтауы баяндалған бейне

ролик көрсету: 14.30-15.55

4. Залды толық көрерменмен толтырып болу: 14.55-ке дейін

5. Салтанатты шараның басталуы: 15.00

6. Би қойылымы 5 мин

7. Екі жүргізші шығады 3 мин

8. Облыс әкімінің құттықтауы 5 мин

9. Музыкалық номер 3 мин

10. Ардагерлерді құттықтау,гүл шоқтарын табыс ету 3 мин

11. Видео ролик тамашалау 6 мин
12. Білім беру мекемелерін 20 жылға жуық

басқарған басшыларға арналған

«Белес» номинациясын табыс ету

Табыс етуші: Басқарма бастығы М.Тоқжанов

Марапаттауға берілетін уақыт 5 мин

Сөйлеуге берілетін уақыт 2 мин

13.Бала бақша бүлдіршіндерінің құттықтауы 4 мин

14. Республика, облыс деңгейінде жетістіктері және

20 жыл еңбек өтілі бар ұстаздарға арналған

«Мерей» номинациясын табыс ету

Табыс етуші: ардагер ұстаз

Марапаттауға берілетін уақыт 5 мин

Сөйлеуге берілетін уақыт 2 мин

15. Музыкалық номер 3 мин

16. Тәуелсіздіктің алғашқы жылы 1991 жылы

құрылған үздік білім мекемелеріне арналған

«Сәтті қадам» номинациясын табыс ету

Табыс етуші: ардагер ұстаз

Марапаттауға берілетін уақыт 5 мин

Сөйлеуге берілетін уақыт 2 мин

15. Музыкалық номер 3 мин

17. Республика, облыс деңгейінде жетістікке

жеткен және 1991-2011жылдар аралығында

құрылған білім беру мекемелеріне арналған

«Өрлеу» номинациясын табыс ету

Табыс етуші: ардагер ұстаз

Марапаттауға берілетін уақыт 5 мин

Сөйлеуге берілетін уақыт 2 мин

18. Музыкалық номер 3 мин

19. «Педагогикалық әулет» номинациясын табыс ету

Табыс етуші: ардагер ұстаз

Марапаттауға берілетін уақыт 5 мин

Сөйлеуге берілетін уақыт 2 мин

20. Музыкалық номер 3 мин

21. «20 жастағы студент – болашақ ұстаз»

номинациясын табыс ету

Табыс етуші: Құспанов Өтебай Құспанұлы

Марапаттауға берілетін уақыт 5 мин

Сөйлеуге берілетін уақыт 2 мин

18. Музыкалық номер 3 мин

20. 20 жыл бойы білім саласына қолдау

көрсеткен әлеуметтік серіктестіктерге арналған

«Серпін» номинациясын табыс ету

Табыс етуші:

Марапаттауға берілетін уақыт 5 мин

Сөйлеуге берілетін уақыт 2 мин

ФИНАЛ

21. Екі жүргізуші шығады 3 мин

22. Хор «Ұстазым» барлық өнер көрсеткен

оқушылар түгел шығады 4 мин

САХНА ЖАБЫЛАДЫ.

22. Ардагер ұстаздарды шығарып салу

ҰСТАЗДАР КҮНІНЕ АРНАЛҒАН МЕРЕКЕЛІК КЕШТІҢ СЦЕНАРЛЫҚ БАҒДАРЛАМАСЫ
Уақыты: 30.09.2011ж. 15.00

Өтілетін орны: Қазақ Драма Театры

Қатысушылар: Ұстаз ардагерлер, білім беру ісіне үлес қосқан ұстаздар, облыстық,қалалық,аудандық білім мекемелері басшылары, мұғалімдер т.б
Безендіру: сахна мерекелік баннермен,гүлдермен безендіріледі. Сахнаның сол жағында трибуна орналасады.
Қонақтарды қарсы алу: фойеде камерный квартет ойнап тұрады. Экраннан балабақша,мектеп,лицей,колледж оқушыларының құттықтауы баяндалған бейне ролик көрсетіледі.
БАСТАЛУЫ

Барлық мерекеге қатысушылар белгіленген орындарға отырады.

Жарық өшіріледі. Сахна ашылады. Хабарландырусыз «Тәуелсіздік. Жастар. Болашақ» тақырыбында хореграфиялық би қойылымы көрсетіледі.
ОРТАҒА ЕКІ ЖҮРГІЗУШІ ШЫҒАДЫ.

ЖҮРГІЗУШІ:

Қайырлы күн қымбатты ұстаздар! Кеш қонақтары!

ВЕДУЩИЙ:

Добрый день уважаемые гости, дорогие наши учителя!

ЖҮРГІЗУШІ:

Бүгін – ұстаздар жанын қуанышқа бөлейтін ғажайып күн!

Бүгін – тілегі мектеп, жүрегі шәкірт деп соқан абзал жандар күні!

Бүгін – теңіздей ақ бетке, қалам қайықпен білімнің ескегін қаймықпай есіп, өмір толқындарына төзе білген ұстаздардың күні!

Ендеше,Тәуелсіздігіміздің 20 жылдығымен тұспа тұс келген ерекше, қайталанбас – Ұстаздар күні құтты болсын!
ВЕДУЩИЙ:

Учитель! Такое привычное, знакомое слово ставшее частичкой жизни каждого человека. Но какой глубокий смысл заключен в этом слове и какая великая ответственность лежит на их плечах. И мы рады приветствовать в этом зале всех тех, кто носит высокое имя - Учитель.

ЖҮРГІЗУШІ:

20 жыл- тәуелсіздік ақ таңының жарқын бейнесі.

20 жыл -қазақ мектептерінің қиындықпен табандылық танытқан кезеңі;

20 жыл -ұстаз қауымының шыдамдылық пен қажырлылықты еңсерген биігі;

20 жыл -ел тұтастығымен бірлігінің жарқын көрінісі.

Ендеше бүгінгі мерекелік кешті ел тәуелсіздігінің 20 жылдығымен байланыстырмау мүмкін емес. Осынау 20 жылдық белесті бағындырған абзал жандарға қандай құрмет көрсетсекте лайық!

ЖҮРГІЗУШІ:

ҚҰТТЫҚТАУ СӨЗ ОБЛЫС ӘКІМІ ІЗМҰХАМБЕТОВ БАҚТЫҚОЖА САЛАХАДИНҰЛЫНА БЕРІЛЕДІ.

ӘКІМ САХНАҒА ШЫҒЫП ҚҰТТЫҚТАЙДЫ.
ЖҮРГІЗУШІ:

Сахнаға ұстазға деген құрметін әнмен өрнектеген жас әнші__________________________________________ шақырамыз.

Ән орындалады
ЖҮРГІЗУШІ:

Ардагер ұстаз қауымы еңбеккерлер,

Жемісті жерге екпей, елге ектіңдер
Адамзат ұрпақтарын тәрбиелеп,
Зердесін болашақтың зерлеттіңдер.

Қандай от боп жанғаныңды кезің білер,

Арманын аласартпас, сезімділер
Еңбек жолын ұстаздыққа арнап өткен,
Сіздерсіздер бар азапқа төзімділер!
Біліммен шуақ шашқан елдерге,

Мектептерді көбейттірген жерлерге

Үлкен құрмет көрсетейік бәріміз

Төріміздегі ұстаз ардагерлерге!

Қадірлі ардагерлер, сіздерге аса құрметпен бас ие отырып, Жас ұландардың гүл шоқтарын ұсынамыз! Қабыл алыңыздар!
Көк галстук таққан 10 оқушы екі жақтан шығып ардагерлерге гүл шоқтарын табыс етеді. Шығып кетеді.
ЖҮРГІЗУШІ:

Тәуелсіздіктің 20 жылдық даму жолында облысымыз қиын кезеңдерді өткере біліп, көптеген шыңдарды бағындырды. Облысымыздың білім саласында да 20 жылдықтың ізденіске толы жарқын іздері сайрап жатыр.

Біз, Тәуелсіздігіміздің жеңісті кезеңінде көптеген жетістіктермен нәтижелерге қол жеткіздік. Ел үшін еңсерген елеулі істеріміздің барлығы да жарқын болашағымыздың айқын көрінісі десек артық емес.

Ендеше экранға назар аударайық.

Жарық өшіріледі. Экраннан видео ролик көрсетіледі. (8 мин)
І.Білім беру мекемелерін 20 жылға жуық басқарған басшыларға арналған «Белес» номинациясын табыс ету

ЖҮРГІЗУШІ:

Тәуелсіздіктің тәй - тай басқан алғашқы жылдарына табандылық танытып, тегеуріні мықты мектеп қалыптастыру жолында ұстазға жүктелген міндетте оңай болған жоқ. Ұстаздарды ұйымшылдықпен біріктіріп, мектептің еңсесін түсірмей көтеруге күш салған мектеп басшыларының ерен еңбегі тіптен ерекше.

Бабын тауып,оқушы,ұстаз өзгенің,

Уақыт зырлап өтерінде сезбедің.

Білім беру мекемелер басшысы,

Құрметке лайық,басшыларымыз өздерің.

Осындай 20 жылға жуық білім шаңырағын шайқалтпаған білікті басшылардың есіміне тоқталсақ:

Мұсағалиев Тимур Ғайсаұлы, Қаратөбе ауданы, Үшағаш негізгі жалпы білім беретін мектебінің директоры. Қазақстан Республикасы Білім Министірлігінің «Құрмет грамотасының» марапатталған, ,облыстық «Білім беру ұйымдарының үздік мекеме басшысы» байқауының номинация иегері, 2009ж МАБ көрсеткіші бойынша жоғарғы көрсеткіш көрсеткен ауылдық мектеп номинациясы;
Козлов Григорий Григорьевич, Зеленов ауданы,Чувашка ЖОББМ директоры
Алманбетова Сандуғаш Жексенбайқызы, Ақжайық ауданы, Бітік ЖОББМ директоры, мектеп «Облыстық мектептер арасында жаңа оқу жылына үздік дайындық» байқауы, облыстық «Үздік мектеп жанындағы үлеске» байқауының жеңімпазы;
Веденко Татьяна Николаевна, №23 ЖОББМ директоры, аталмыш мектеп қаламыздың «Үздік гимнастикалық мектебі» атағының иегері,Мектеп түлектерінің жетпіс пайызы Қазақстан жән Ресей жоғарғы оқу орындарында білімдерін жалғастыруда.

Аты аталған барлық басшыларды сахна төріне шақырамыз!

Білім беру мекемелерін 20 жылға жуық басқарған басшыларға арналған «Белес» номинациясын табыс ету құрметі облыстық білім басқармасының бастығы ТОҚЖАНОВ МАРАТ ЛҰҚПАНҰЛЫНА беріледі.

ЕКІ ҰЛ БАЛА ГҮЛМЕН ГРАМОТА АЛЫП ШЫҒАДЫ
ЖҮРГІЗУШІ:

Өздеріңізге арналған сазды сәлемімізді қабыл алыңыздар.

Музыкалық номер жіберіледі___________________________________________________________________________________________________________________________
ІІ. Республика, облыс деңгейінде жетістіктері және 20 жыл еңбек өтілі бар ұстаздарға арналған «Мерей» номинациясын табыс ету
ЖҮРГІЗУШІ:

Республика, облысқа танылып,

Ұстаз деген жайсаң жандар жаны құт

20 жылдық еңбектерің еш кетпей

Әркез алдан жүріңіздер табылып.

"Еліміздің ертеңі бүгінгі жас ұрпақтың қолында, ал жас ұрпақ тағдыры ұстаздың қолында" деп елбасымыз Н.Назарбаев айтқандай ұстаз еңбегі қашанда өлшеусіз. Олар тәуелсіздіктің жаңа баспалдақтарын қаймықпай аттап, білім майдангерлері атанды.

Ведущий:

Многие из них не только не ушли из школы в самые трудные годы переходного периода, но и достигли блестящих профессиональных успехов, являются гордостью своих школ, обожаемы своими учениками и пользуются уважением родителей.

ЖҮРГІЗУШІ:

Ия, олай болса 20 жыл еңбек жолдарында республика, облыс деңгейінде жетістіктерге жетіп ел болашағының гүлденуіне үлес қосқан ұстаздарға құрмет көрсетейік!

Бисенғалиева Ақжан Насимоллақызы, Дарынды балаларға арналған мамандандырылған С.Сейфулин атындағы №11 облыстық қазақ мектеп-интернатының жоғары санатты ағылшын тілі пәнінің мұғалімі. Білім басқармасының мақтау қағазының иегері. Қазақстан Республикасының Білім және Ғылым Министрлігі бекіткен авторлық бағдарламалары колледждер мен мектептерде пайдаланылуда.
Қызылғожина Айнагүл Жаннатқызы- Қаратөбе ауданы,Қалдығайты ОЖББМ қазақ тілі мен әдебиеті пәні мұғалімі. Оқушылары облыстық ,ғылыми жұмыстар байқауында, «Жайық толқыны» фесивальдерінде номинация иегерілері, аудандық қазақ тілі мен әдебиеті пәні мұғалімдерінің «Үздік мұғалім» байқауының ІІІ орын иегері;
Есова Бибігұл Өтегенқызы- Жаңақала ауданы, С.Меңдешов атындағы ЖОББМ тарих,құқ піндерінің жоғары санатты мұғалімі, Іс-тәжірибелері республикалық «Тарих Қазақстан мектебінде» басылымына, Республикалық «Қазақстан тарихы» басылымдарына жарияланған. Ұстаз жолын қуған шәкірттері бүгінде ауданның жалпы білім беретін мектептерінде тарих пәнінен сабақ беруде;
Саркенова Мәншүк Құрманғазықызы, Жаңақала ауданы Карманов ЖОББМ балабақшасының жоғарғы санатты қазақ тілі мен әдебиеті пәнінің мұғалімі.Іс-тәжірибелері облыстық «Жайық ұстазы» басылымына жарияланған. Облыстық «Бала және наша», «Есірткіге жол жоқ» байқауларында оқушылары шығармалар сайысында жүлделі орындарды иеленіп келеді.Республикалық «Менің Қазақстаным,менің жерім» балалар шығармашылығы кітабына екі оқушысының шығармалары енді;
Гусманова Бибігүл Ерболатқызы, облыстық зағип және көздері нашар көретін балаларға арналан арнаулы мектеп-интернатының жоғары санатты бастауыш сынып мұғалімі. «Қазақ тілі», «Ана тілі», «Кеңістікті бағдарлау» пәндері бойынша бейімдеу бағдарламалардың авторы. Іс-тәжірбесі республикалық «Бастауыш мектеп» журналында жарияланған. Брайл жүйесінде «Әліппе серігі», «Бастауыш сынып оқушыларына арналған пәндер бойынша тест» дидактикалық құралдарын жазды;
Байтақова Өміргүл Телманқызы, Ақжайық ауданы, Ғ.Махамбетов атындағы ЖОББМ жоғары санатты қазақ тілі мен әдебиеті пәні мұғалімі.
Касимова Айгүл Қадырбайқызы, Тасқала ауданы, С.Жақсұғылов атындағы ЖОББМ мұғалімі
Тутебаева Анаргүл Әбілғазиқызы, Зеленов ауданы, Мичурин ЖОББМ тарих пәні мұғалімі;
Бемұханова Күлән Мусақызы, №15 көмекші мектеп интернатының жоғарғы санатты қазақ тілі мен әдебиеті пәнінің мұғалімі. Білім басқармасының «Марапаттау қағазының» иегері, «САТР» орталығының тапсырысы бойынша Республикалық арнайы (түзету) мектептерінің «Қазақ тілі», «Орыс тілі» сынптарына арналған оқу бағдарламаларынығ авторы. Сонымен қатар «Қазақ тілі» оқулығы, «Жұмыс дәптері», «Көмекші мектептің мұғалімдеріне арналған әдістемелік нұсқа» жиынтықтары ҚР білім және ғылым министрлігінің бұйрығымен баспадан шығарылды.2010-2011 оқу жылында Республикалық арнайы (түзету) мектептеріне арналған оқу құралының авторы ретінде танылып отыр;
Өтеева Сәния Әзербайқызы, қаламыздағы №43 ЖОББМ жоғарғы санатты физика пәнінің мұғалімі.облыстық білім басқармасының, қалалық білім беру бөлімінің «Құрмет грамотасының» иегері, Биылғы жылы Облыстық педагог кадрлар біліктілігін арттыру және қайта даярлау институтының «Алғыс хатын» еншіледі. Республикалық педагогикалық оқулар байқауында жүлделі ІІІ орын. «Үздік он-лайын сабақ» облыстық байқауында І орынға қол жеткізді. Сонымен қатар «Интернет дауыс» номинациясының иегері. Сәния Әзербайқызы қалалық және облыстық деңгейдегі шығармашылық топтардың жетекшісі,тәжірибе алмасу,оқыту семинарларының ұйымдастырушысы.2007 жылдан бері ҰБТ тапсырушылардың аппелация комиссиясының тұрақты мүшесі. Іс-тәжірибелері республиклық,облыстық басылымдарға таратылған.
Сухина Зинаида Анатольевна- №35 мектеп лицейінің жоғарғы санатты химия пәнінің мұғалімі.Облыстық білім басқармасының, қалалық білім беру бөлімінің «Құрмет грамотасымен» марапатталған. Облыстық педагог кдрлар біліктілігін арттыру және қайта даярлау институтының тұрақты әдіскері. «Пәнді тереңдетіп оқытатын мектептер пен лицей,гимназиялар үшін химия бойынша зертханалық практикум» курсы авторларының бірі.Мәскеу қаласында өткен халықаралық мектеп оқушыларының олимпиадасында оқушысы жүлделі ІІ орынға ие болды. Сонымен қатар «Химияны тереңдетіп оқытатын сыныптарда дамытушылық сынақ жүргізу» компьютерлік бағдарламасын жасап шығарды.
Казанцова Ольга Михаиловна, қаламыздағы эстетикалық бағыттағы гимназияның жоғары санатты орыс тілі мен әдебиеті пәннің мұғалімі. Облыстық білім басқармасының, қалалық білім беру бөлімінің «Құрмет грамотасымен» марапатталған. Облыстық «Актив-студио бағдарламасындағы сабақ» байқауының жеңімпазы. Қалалық «Үздік әдістемелік бірлестік жетекшісі» байқауының жеңімпазы. Облыстық «Үздік он-лайн сабақ» байқауының ІІ орын иегері. Шәкірттері облыстық,қалалық пән олимпиадаларында жүлделі І орынды иеленіп келеді.
Бердіғалиева Райан Жылқыбайқызы, А.Тайманов атындағы №34 мектеп-гимназиясының жоғары санатты қазақ тілі мен әдебиеті пәнінің мұғалімі. Облыстық білім басқармасының, қалалық білім беру бөлімінің «Құрмет грамотасының» иегері, 2010 жылы қала әкімінің «Алғыс хатымен» марапатталған. Қалалық «қазақ әдебиетінен үздік авторлық бағдарламалар» байқауының қалалық кезеңінде І орын. «Қазақ әдебиетінен үздік авторлық бағдарламалар» байқауының облыстық кезеңінде ІІ орын, Батыс Қазақстан облысы әкімдігі ұйымдастырған «Жоғарғы нәтижелерге қол жеткізген қазақ тілі мен әдебиетіні үздік мұғалімдеріне материалдық көтермелеу грантын тағайындау» байқауының ІІ орын иегері. Ұстаз туралы мәлімет «Ресупбиканың үздік мұғалімдер» жинағына енгізілді.
Ишанова Гүлшат Қайыржанқызы- Бөрлі ауданы,Қызылтал ЖОББМ ағылшын тілі пәнінің мұғалімі
Абуова Нұргүл Сейтекқызы дене тәрбиесі пәнінің мұғалімі. Қалалық білім беру бөлімінің, «Алғыс хаты» және Орал қалалық дене шынықтыру және спорт бөлімінің «Алғыс хатымен» марапатталған. Қалалық мұғалімдер арасындағы пәндік олимпиадасында 2009 жылы І орынға ие болды.
Дымченко Светлана Юрьевна математика пәнінің мұғалімі, Қалалық білім беру бөлімінің «Алғыс хаты» және «Құрмет грамотасының» иегері. Қалалық жас мұғалімдер мектебінің жетекшісі. 2009-2010 оқу жылында мектеп мұғалімдері командасында «Мамематикалық регатадан» ІІ орынға қол жеткізді.
Сагиева Гүлайым Айтқалиқызы бастауыш сынып мұғалімі,облыстық «Тәй тәй» эксперементтік алаңының жетекшісі, «Мониторинг и аудит качества знаний по технологии « Step bu step» әдістемелік жинағының авторы.
Минасова Күланда Бақтыбайқызы Шыңғырлау ауданы, Л.Қылышев атындағы Шилі ЖОББМ технология пәнінің мұғалімі. Шәкірттері аймақтық «Жас дарын» шығармашылық байқауында І,ІІ орындарды иеленіп келеді.

Аты аталған барлық ұстаздарымызды сахна төріне шақырамыз!

Республика, облыс деңгейінде жетістіктері және 20 жыл еңбек өтілі бар ұстаздарға арналған «Мерей» номинациясын табыс ету құрметі____________________________________________________ беріледі.

(ЕКІ ҰЛ БАЛА ГҮЛМЕН ГРАМОТА АЛЫП ШЫҒАДЫ)

МУЗЫКАЛЫҚ НОМЕР_____________________________________________________________________________________________________________________________

ІІІ. Тәуелсіздіктің алғашқы жылдары 1991 жылы құрылған үздік білім мекемелеріне арналған «Сәтті қадам» номинациясын табыс ету

ЖҮРГІЗУШІ:

Ия, тәуелсіздіктің алғашқы парақтары ашылған сәттен бастап 1991 жылы облысымызда бірнеше білім ошақтары бой көтерді. Сол жылдардың көптеген қиындықтарына төтеп берген білім мекемелерін тәуелсіздігіміздің алғашқы қанатымен су сепкен қарлығаштары десек артық емес. Аталмыш мекемелер облысымыздың білім саласына тың сәтті қадам жасады. Олар тәуелсіздігіміздің 20 жылдығымен білім ошақтарының 20 жылдығын бірге тойлайды!

Бұл мектептер:

-Қаламыздағы №35 мектеп лицейі 1991 жылы Орал қалалық білім басқрмасының бастамасымен инновациялық оқу орны болып құрылды. 1999 жылдан бастап мектеп-лицей ЮНЕСКО шеңберінде Халықаралық мектептер ассоциациясына «Ұлтаралық келісім мен өзара әрекет мәдениеті» және «Қоршаған ортаны қорғау» жобалары бойынша енген. МектепРеспуюликалық «Мектепті басқару» байқауында ІІІ орнға ие болды.2000 жылдан бастап оқыту нәтижелері бойынша лицей республиканың 100 үздік мектептерінің қатарында. Лицей түлектері арасында 3 ғылым докторы, 4 ғылым кандитаты бар. Түлектері Ресей,Беларусь,Ұлыбритания,АҚШ,Канада,Чехия,Қытай,Малазия мемлекеттерінің жоғарғы оқу орындарында білім алуда. «Болашақ» бағдарламасы бойынша-23, АҚШ-дағы FLEX бағдарламасы бойынша 21 оқушы білімін жетілдіруде.

- Бөрлі ауданы,Ақсай қаласының №4 ЖОББМ 1991 жылы 1 қыркүйекте ашылып,құшағын шәкірттерге толтырды. Сиымдылығы 1300 орындық типтік мектепті Ақсай қаласына газ өніруге келген чехословакияның құрылысшлары салған екен.Білім ошағы ашылған жылдан бастап көптеген жетістіктерге қол жеткізіп келеді. Құрамында Мекшкова Людмила Ивановна, Ізмағамбетов Күлсипан Қайыржанқызы, Диярова Майра Диярқызы,Саяева Бағила Сақтанберқызы секілді білікті ұстаздардан құралған ұжымның бар мақсаты сапалы білім,саналы тәрбие. Мектеп «Педагогикалық ұжымдар арасында құқық бұзушылықтың алдын алу мәселелері жөніде мүделлі органдармен байланыс бойынша үздік ұйымдастыру» облыстық байқауынан І орын, 2007,2009 жылдары облыстық «Алтын ұя» байқауында «Гран-При» жүлдесі, облыстық «Ең үздік тәрбиеші-ұйымдастырушы» байқауында «Гран-При», 2008 жылы «Үздік жалпы білім беру мекемесі» облыстық байқауында І орын, облыстық «Ең үздік мектеп жанындағы оқу-тәжірибелік учаскесі» байқауында І орын, Республикалық байқауда ІІ орынға ие болды.

- Қаламыздағы №27 балабақшасы 2008 жылы «Үздік балалар мекемесі» байқауында І орынға қол жеткізді. Сол жылы Батыс Қазақстан облысы бойынша тілдерді дамыту департаменті ұйымдастырған «Ең үздік балабақша» облыстық байқауында тағы да І орында жеңіп алды.1998 жылы «тәй тәй» бағдарламасымен байқауға қатысып, «Сорос Қазақстан» қорының грантын жеңіп алды.2011 жылдан бастап мемлекеттік жалпыға міндетті мектепке дейінгі тәрбие мен оқыту стандартын енгізуді жүзеге асыру бойынша тірек балабақшасы болып келеді.

Тәуелсіздіктің алғашқы жылдары 1991 жылы құрылған үздік білім мекемелеріне арналған «Сәтті қадам» номинациясын табыс ету үшін ортаға __________________________________шақырамыз.
(ЕКІ ҰЛ БАЛА ГҮЛМЕН ГРАМОТА АЛЫП ШЫҒАДЫ)

МУЗЫКАЛЫҚ НОМЕР_____________________________________________________________________________________________________________________________
4. Республика, облыс деңгейінде жетістікке жеткен және 1991-2011 жылдар аралығында құрылған білім беру мекемелеріне арналған «Өрлеу» номинациясын табыс ету
ЖҮРГІЗУШІ:

Тәуелсіздіктің 20 жылдығына дейінгі облысымыздың даму кезеңі алып келген жаңа идеялар мен қарым-қатынастар,өскелең ұрпақ тәрбиесіне жаңаша көзқараспен қарап, осы заманғы биік педагогикалық талаптар деңгейінен көрінуді талап етуде. Осы талап үрдісінен шығуды көздеп, тіуелсіздігіміздің даму жолында құрылған бірнеше жаңа білім мекемелері, қосымша білім беру орталықтары жаңашылдық пен биік педагогикалық ізденісттерді бір арнаға тоғыстырудың нәтижесінде, балалар мен жасөспірімдердің бос уақытын тиімді де, қызықты ұйымдастыру жолында өздеріне жүктелген ауыр міндетті абыроймен атқарып келеді.

Олар ел ертеңі жас ұрпақтың жан жақты дамуына тың өрлеу жасады.

2008 жылы іргесі қаланған Зеленов ауданы,Переметный ауылындағы Қ.Аманжолв атындағы қазақ ЖОББМ;
Тасқала ауданы, «Сәулет» мектеп лицейі;
1994 жылы құрылып,Ұлы ақын есімін иеленген Абай атындағы мектеп гимназиясы;
1993 жылы ашылған Казталов ауданы, Жалпақтал ауылының К.Меңдалиев атындағы ЖОББМ ұжымы өздеріне жүктелген жауапкершілікті абыроймен атқарып келеді. Мектептің жақсы көрінуіне әр жылдары басқарған мектеп басшларының еңбегі ерекше.Республикалық Ғылым баспасөзінің «Жүрек жылуы» кітабына мектептің Нұрмүханова, Мұханов сынды білікті ұстаздары енгізілді. Осы баспасөздің «Республикалық дарынды балалардың шығармашылығын дәріптейтін «Қазақстан үміттері» кітабына он екі оқушы еніп отыр. Мектеп түлектері өздері түлеп ұшқан ұяларын мақтан етеді. Өйкені олар мектептен алған тәлімін республика, облыс деңгейінде көрсетіп жүр.
2007 жылы құрылып, өрлеу биігіне ұмтылған облыстық «Өркен» қосымша білім беру орталығы республикамыздағы өзіндік өрнегі бөлек бірден бір білім мекемесі. Аталмыш орталық Бисембаева Светлана Ирғалиқызының идеясымен құрылған болатын. Бүгінде «Өркен» қосымша білім беру орталығы Республикалық балалар ұйымдарының слетінің Гран При иегері , Халықаралық Мәскеу қаласында өткен «Шексіз балалық шақ» фествалінің дипломанты, Халықаралық Беларусь мемлекетінде өткен «Балалар ойнайды біз ойнаймыз» байқауында ІІІ орын, Халықаралық «Бақытты жұлдыз астында» балалар газеттері мен жас тілшілер байқауында Гран При жүлдесі, 2009 жылы облыстық ішкі саясат басқармасының «Жылдың үздік жобасы» номинациясының иегері; Сонымен қатар республикалық,халықаралық балалар және жастар ұйымдарымен тығыз жұмыс жасап келеді.

Республика, облыс деңгейінде жетістікке жеткен және 1991-2011 жылдар аралығында құрылған білім беру мекемелеріне арналған «Өрлеу» номинациясын табыс ету құрметі____________________________________ беріледі.

ЕКІ ҰЛ БАЛА ГҮЛМЕН ГРАМОТА АЛЫП ШЫҒАДЫ
МУЗЫКАЛЫҚ НОМЕР____________________________________________________________________________________________________________________________
5.«Педагогикалық әулет» номинациясын табыс ету

ЖҮРГІЗУШІ: Ұстаздардың әулет сабақтастығы... Бұл сабақтастық - қасиетті де киелі сабақтастық.

Ұзақ жылдар жалғап ұстаз есімін

Ұрпағына мұра қылып қалдырған

Ұл- қызына беріп аппақ батасын

Ұлы сөзді одан әрі жандырған

«Ұстаздардың әулеті» боп атанып

Жалғап жатқан сан ұрпақ бар кәделі

Шәкірттердің жүрегіне жол тауып,

Жылдар бойы қуантады бар елді.

Сан ұрпақты білім нәрімен сусындатқан педагогикалық әулет атанған отбасыларға құрмет көрсету игі дәстүріміз.

Ұстаз» атты киелі есімді ұрпақтан-қрпаққа жалғастырып, тамыры тереңге кеткен мәуелі бәйтеректің жайқалған жапырағындай болған Сапаровтар педагогикалық әулеті Шыңғырлау өңірінің мақтаныштары. Бұл отбасының жалпы жұмыс өтілі-207 жыл.
Бар ғұмырын саналы ұрпақ тәрбиесіне арнаған Чистофоровтар жанұясы «ұстаздық» желкенін алға тартып, «білім» теңізінде терең сүңгіген кеменің жол бастаушылары десек артық емес. Отабысының жалпы еңбек өтілі 100 жыл.
Өнегелі мұғалім отбасынан тараған Саттықовтар әулеті ата салған сара жолды жалғастырып келеді. Бұл әулеттің педагогикалық еңбек өтілі -216 жыл.

«Педагогикалық әулет» номинациясын табыс ету құрметі ________________________________________________________________________________________________________________________беріледі.
ЕКІ ҰЛ БАЛА ГҮЛМЕН ГРАМОТА АЛЫП ШЫҒАДЫ
МУЗЫКАЛЫҚ НОМЕР_____________________________________________________________________________________________________________________________

6. «20 жастағы студент болашақ ұстаз» номинациясын табыс ету

ЖҮРГІЗУШІ:

Ел тізгіні жастардың қолында! Сонау қасиетті мамандықты өзінің тағдырына айналдырған болашақ ұстаздар біздің мақтаныштарымыз. Солардың қатарында білімімен еленіп, қоғамдық жұмыста белсенділік танытып, елдің ертеңін дамытуда өзіндік өрнек қалыптастырып келе жатқан студентерді ерекше атауға болады.

Ұстаз болу биік шыңы сезімнің,

Бүгіннен ақ мұны сен шын сезінгің.

20-дағы студенттер бүгінгі,

Болашағы сіздерсіңдер елімнің!

Шыңығырлау ауданы,Тихоненко атындағы Лубн ЖОБ мектебінің түлегі М.Өтемісұлы атындағы Батыс Қазақстан Мемлекеттік Университетінің студенті,гран иегері Сарсенова Мөлдір Қарабайқызы;
Тасқала ауданының түлегі, М.Өтемісұлы атындағы Батыс Қазақстан Мемлекеттік Университетінің студенті,гран иегері Татаханова Жанар Сабырқызы;
М.Өтемісұлы атындағы Батыс Қазақстан Мемлекеттік Университетінің информатика факультетінің студенті Қапышева Бекзада;
Жәнібек ауданының түлегі Машева Гүлмаржан Жасқайратқызы бүгінде М.Өтемісұлы атындағы Батыс Қазақстан Мемлекеттік Университетінің педагогика-психология факультетінде оқиды. Ол суденттер кеңесі, «Жас психолог» клубының мүшесі. Сонымен қатар «Студент көктемі-2010» фестивалінің ең үздік жүргізуші номинациясының иегері.

« 20 жастағы студент – болашақ ұстаз» номинациясын

табыс ету құрметі

________________________________________________________________________________________________________________________беріледі.
ЕКІ ҰЛ БАЛА ГҮЛМЕН ГРАМОТА АЛЫП ШЫҒАДЫ
МУЗЫКАЛЫҚ НОМЕР_____________________________________________________________________________________________________________________________
7. «20 жыл бойы білім саласына қолдау көрсеткен әлеуметтік серіктестіктерді марапаттауға арналған

«Серпін» номинациясын табыс ету.
ЖҮРГІЗУШІ:

Біздің демеушілеріміз біздің жұмысымызға серпін берер күш десек артық емес. 20 жыл бойы еліміз қуаттылығымен біргілінің арқасында жеткен жетістіктерге демеушілердің қосқан үлесі ұшан теңіз.

Олай болса, ұрпағы үшін аянып қалмаған демеушілерге алғыс білдіреміз!

Зеленов ауданы, Погодаев ауылының тұрғыны жеке кәсіпкер Асанов Бейбіт Матниязұлы. Демеушіміздің ел тәуелсіздігінің торқалы тойына дейін тигізген көмегі 20 млн тенге көлемінде;
Шыңғырлау ауданының «Шыңғылау астық қабылдау кәсіпорыны»ЖШС директоры Тасмағамбетов Алғали Бахтиярұлы. Ауданымыздағы аз қамтылған отбасы балаларына 700 000 теңге көлемінде демеушілік көрсетті.

«20 жыл бойы білім саласына қолдау көрсеткен әлеуметтік серіктестіктерді марапаттауға арналған «Серпін» номинациясын табыс ету үшін ортаға ___________________________шақырамыз.

ЖҮРГІЗУШІ:

Ашық болсын нұрға толы көгіміз

Аман болсын еліміз бен жеріміз.

Аманаттап тапсырамыз тағдырды

Құрметтейміз басты иіп сені біз

Әр таң сайын жаңа арман құшамыз

Ұстазымыз үлгі бізге ісі аңыз

Жақсылықты тәтті үмітті танытқан

Өздеріңді мәңгі үлгі тұтамыз!!!
Өшірмеңдер бойға біткен құштарларды.

Бізге ынтық бар табиғат, қыс-жаз, бәрі

Білімнің даңғыл жолын салып берген

Бас иіп құрметтеңдер ұстаздарды!

Ведущий Учитель!

Пусть тебя стократ

Восславят, возблагодарят

И вознесут на трон из песен

Чтоб,с каждым поколением впредь

Тебе волшебно молодеть

В труде, который так чудесен!

ЖҮРГІЗУШІ:

Біздің жылы жүзді кездесуіміз аяқтала келді. Алда жағымды жаңалыққа толы сабақтар, шабытқа кенелтер жаңа байқаулар, жұлдызды жеңістер, шәкірттеріміздің мерейлі жетістіктері күтуде. Сіздер үшін Ұстазым әні қалықтайды. Барлығымыз бірге қосыла шырқайық!

ТӘУЕЛСІЗДІГІМІЗ БАЯНДЫ БОЛСЫН! МЕРЕКЕЛЕРІҢІЗБЕН!!!

ВЕДУЩИЙ:

Вместе: С праздником, уважаемые учителя!
ФИНАЛ ХОР «ҰСТАЗЫМ»