-Айста икымше тушкам лудына. Молан тыге шелынна?

(Тиде идалыкын ныл жапшын тылзыже-влак)

/тылзелум-влакым руж каласымаш/

3.Шошо нерген тунеммым иктешлымаш

-Ко мыланна эше ик гана шошо тылзе-влакым каласа?

-Кузе ме тендан дене шошо толмым пален налына?

(кече шокшын онча, лум лума, кайык-влак толыт, уремыште шокшо, пушенге-влак ужаргат…)

-Матти шокшо нерген чыла палынеже, садлан тыланда икмыняр йодышым пуа:

• 
  Шошым лум лумеш?
  
• 
  Шошым пеледыш пеледеш?
  
• 
  Шошым кайык мура?
  
• 
  Шошым лум шула?
  
• 
  Шошым кече кузе онча?
  
• 
  Шошым игече могай?
  
• 
  Шошым меан мом ышта?
  

4.Физкультминут

-Айста меат меран лийына. Шогална чылан.

Сур меранет шинчылтеш,

Пылышым веле кышкылтеш.

Лоп-лоп-лоп, лоп-лоп-лоп,

Пылышым веле кышкылтеш.

Шинчаш йушто меранлан,

Садланак дыр торштыман.

Топ-топ-топ, топ-топ-топ,

Садланак дыр торштыман.

Шогашат йушто тудлан,

Садланак дыр куштыман,

Дыр-дыр-дыр, дыр-дыр-дыр,

Садланак дыр куштыман,

5.Шошо пале-влак.

-Йоча-влак, Матти Финляндий гыч мемнан республикышкына унала толаш шона. Тудлан кузе чийыман? Полшыза.

-Шошым кузе чийыман, мом? Ала телымсе гаяк чияш кулеш?

/Йоча-влак вашештат/

-Айста книгам почына да икымше пашам муына.

/«Шошо муро» почеламутым лудмаш да наизусть тунеммаш.

4 корнан почеламут доскаш возымо. 2-3 гана лудмек, туныктышо кажне корнын икымше мутлажым веле кода. Тыге почеламут вашке тунемалтеш/.

2 пашам ончалына. Шошын ойыртемалтше палыже-влакым лудына.

Лум шула. Вуд йога. Шошым пушенге-влак ужаргат. Пеледыш пеледеш. Кайык-влак толыт, мурым мурат.

6.Йылмым лывыртымаш: «Кайык-влак шошым» ойлымашым чонымаш.

-Могай кайык-влак шошым шочмо велыш толыт?

Шушпык, Шырчык, Вараксим, Шемгорак, Порткайык, Киса. Корак, Шогертен.

-Кунам шемгорак толеш? (Шемгорак мартыште толеш)

Кунам тудо шокшо велыш кая? ( тудо шокшовелыш шыжым кая )

Могай тылзыште шырчык толеш? (Шырчык мартыште толеш)

Кунам кая? (Шыжым кая)

-Айста 92 страницыште суретым ончалына. Мом ужыда?

/Сурет почеш мутланымаш/

-таче мемнан деке унала кайык-влак толыт. Айста нуным вашлийына.

/Йоча-влак кайыкмаске-влакым чиен, доска деке лектыт/.

1 йоча:

Садержат ужарге огыл,

Ош лум нурышто мала.

Ончо, шырчык тышке толын

Шокшо вел гыч унала.

Мый шижам, пыта ты йушто,

Сад мтотрын ужарга.

2 йоча:

Пеледеш ломбер. Сар шупшык

Тунам толын муралта.

Шырчык, шырчык! Шокшо кечын

Первый мурызо улат!

3 йоча:

Шоло вуй гыч шогертен

Шыдырдатыгыч шоктен.

Шоншым ма, кома поктен,

Шошо кечым да моктен.

Але шкенжын шотшо ден

Ужмыж-колмыжо нерген

Шершотеш тыге шотлен.

4 йоча:

Ладыра куэ парчаште

Шырчыкна, чучкалте, порд.

Тыланет мемнан пакчаште

Уло чатката у порт.

Турволакыште вуд пырче

Кечыйол дене модеш.

Омапташке толын, шырчык,

Сылне мурым муралеш.

-Могай кайык нерген тиде почеламутышто ойлалтеш?

-Шошым кайык-влакым кузе вашлияш кулеш?

(омартам ышташ кулеш,)

-Молан шырчыкомартам ышташ кулеш?

-Шырчыкомартам кушан кукшо сакыман?

7. Модыш-влак

-А те, йоча-влак, паледа, кушто тиде кайык-влак телым эртарат?

Айста 5 пашам ончалына да тиде йодышлан вашмутым пален налына.

Шушпык телым Африкыште эртара.

Шемгорак шыжым Крымыш чонешта.

Вараксим телым Египетыште ила.

Шырчык телылан Францийыш чонешта.

/Туныктышо моло кайык-влак нерген каласкала./

- матти тыланда эше ик модышым ямдылен.

Тудо мыланна ик кайыкын мурыжым колышташ темла да могай кайык улмым палаш йодеш. (Матти нам прислал кассету с записью пения птицы. Он просит нас послушать и узнать, какая птица поет)

/кайык мурым колыштмаш/

- Могай кайык мура? Айста доскаш ончалына.

/Доскаш чот мут-влакым возымо:29,24,29,19,32,12/

Кажне чот мут алфавитын букважылан келшен толеш.

29 – ш 19 - п

24 – у 32 - ы

29 - ш 12 - к

-Чын, тиде шушпык. Айста эше ик гана тудын мурыжым колыштына. В.Сави шушпыкын мурыжым тыгерак возен: с.93, 7 паша – туныктышо лудеш.

8. Иктешлымаш

Тыгерак мемнан урокна мучаш лишеме.

_ Таче урокышто мом ум пален налында? Что нового узнали?

Могай у мутла дене палыме лийынна?

Урокышто чыланат пашам ыштышда, чылалан тау.

/Туныктышо монгысо пашам пуа, отметкым шында/