1 нче октябрьдән 13 нче октябрь аралыгында Мәлләтамак авыл җирлегендә бик күп чаралар үтте.

4 октябрь көнне мәктәп коллективы һәм профсоюз комитеты тарафыннан өлкәннәр көне уңаеннан бәйрәм иртәсе оештырылды. Ветеран укытучыларга, тәрбиячеләргә, техник хезмәткәрләргә укучылар концерт куйды, бәйрәм хөрмәтенә чәй табыны әзерләнде.

5 октябрь көнне Туган Як агрофирмасы һәм Мәлләтамак авыл җирлеге тарафыннан өлкәннәр көне уңаеннан бәйрәм хөрмәтенә чәй табыны әзерләнде. Бәйрәм Мәлләтамак мәктәбе һәм Нарат Асты мәктәбе ашхәнәләрендә үтте.

6 октябрь көнне Мәлләтамак төп гомум белем бирү мәктәбендә Укытучылар көне үтте. Чарада авыл җирлеге башлыгы Айдар Нуруллович катнашып укытучыларны бәйрәм белән котлады. Бәйрәм чәй өстәле артында үтте, тәмле итеп шашлык пешерелде

8 октябрь көнне Мәлләтамак авыл җирлеге үзенең ветеран пенсионерларын, өлкәннәр көне уңаеннан котлап азык – төлек пакетлары таратты.

«Урман утырту көне» акциясенә катнашып авыл җирлеге, мәдәният хезмәткәрләре, мәктәп коллективы көче белән барлыгы 160 төп агач утыртылды. Агач үсентеләре мәктәп, балалар бакчасы, мәдәния йорты, мәчет һәм почта бүлеге ихаталарына утыртылды.

Мәлләтамак төп гомуми белем бирү мәктәбе волонтерлары тарафыннан “Укытучыңны котла!”акциясенә кушылып барлыгы 65 открытка тапшырылды. Акциядә барлыгы 30 бала катнашты. Акция 4 волонтер, Гиздатуллин Динар җитәкчелегендә оештырды

13 октябрь көнне “Үз ихатаңны чистарт” акциясе үтте. Авыл җирлегенә караган оешмалар өмәгә чыктылар. Өмәдә 34 кеше катнашты, агач яфраклары, корыган үлән һ.б җыештырылды, агач утыртылды.